२ पत्रुस 3:11 - ह्योल्मो11 दि थाम्ज्यी किन्ज्योगी तोङ च्य़ू नाङगे सुङबे नाम्पार-ताहक्पा दाङ टाहङदेनकी मिहजी ताङ कोहएँ। အခန်းကိုကြည့်ပါ။ |
२ पत्रुस 3:11
27 ပူးပေါင်းရင်းမြစ်များ
ङ्यिह दि जाम्बुलीङला च्यी़राङ मिहम्बा यिहॱनाङ ख्याया़गी दिनॱलाङ ङ्यिहगी राहङगी डोलु-तेहलुया़ टाहङबु पेहती किन्ज्योगी थु-ङ्य़ेबुगी मिहजी ताङदी येहबा दि तामला ङ्यिह ख्याया़ला छ्य़ेन्दो तेन्दी मा ख़ूएँ ओहले ङ्यिहगी राहङगी नावागीॱआङ दिराङ पाङबु तेर्के, दि जाम्बुलीङगी रिहक्स्यी लाहमले मिहम्बा, यिहॱनाङ दि किन्ज्योगी काटीन लाहमले यिहम्बा।
चा़ छ्यिम्बु ताम दिराङ यिहम्बा, काहन्डुमु पेहती यिहॱनाङ ख्यागी डोलु-तेहलुया़ मास्यीकाकी लेहङगुला पे-सी़हएँदी ओहङज्यु। ओ़ह सोङबे ङाहगी ख्याया़ला थ़ू ख़ूॱनाङ मी़हखुॱनाङ ख्याया़ ताम च्यी़ला डी़दी थिक-चि पेहती सेम च्यी़ थो़दी या़हबु लेहङगुकी तेहपाकी तेहन्दाला तुहक्पु पेहकेनॱराङ दु लो माएँ ताम ङाहगी थ़े ङ्युहङज्यु।
च्यिबेमाना ङ्यिहगी ख्या फ़ेबे-म़ेहमेया़गी पाहरक्यीला लेहङगु या़हबु ख्योङगेमु तामला च्यी़राङ मिहम्बा, यिहॱनाङ नाम्पार-ताहक्पा थु दाङ ओङ लाहमले ख्या फ़ेबे-म़ेहमेया़गी तेहन्दामकी लेहङगु या़हबुया़ यिह छ्य़े ख़ूएँ पेहती ख्योङदी ओहङसीन। ङ्यिह ख्या फ़ेबे-म़ेहमेॱया ङ्याम्बु तेहकेमु ङ्यिहगी ख्या फ़ेबे-म़ेहमेया़गी तेहन्दाला ङ्यिहगी मिहजी काहन्डुमु पेहती ताङबा, ओ़ह राहङया़ला थुयी़राङ येह।
तेहम्बाराङ किन्ज्योला क्याप्केन्गी तेहन्दा ङोहॱराङ स्ये मी़हखुएँगी नाहङ-ताम काहजे छ्यिम्बु येहबा? मास्यीका मिहगी पी़नाङ नोम्दी फेप नाङसीन, नाम्पार-ताहक्पा थुगी मिहरोला टाहङबु यिहम्बा म़ेदी तेन नाङसीन ओहले मिहरोला स्यिहङगामकी स्याहप्च्यीया़गीॱआङ थोङसीन। ओहले मिहरोकी तेहन्दाला लुहङबा लुहङबागी मिहया़गी थ़ेसीन, जाम्बुलीङला मिहरोला मिहया़गी यिह-छ्य़े पेहसीन ओहले किन्ज्योगी मिहरोला येहपाराङ स्यिहङगामला ज्यिबुराङ चा़ जेती नोम फेप्सीन!
किन्ज्योला यिह-छ्य़े माहबेबाकी मिहया़गी पाहरक्यीला ख्याया़गी डोलु-तेहलु या़हबु ओहङज्यु। सुज्यीगीॱआङ ख्याया़ला मिह चोक्पा म़ेदी ख्याला टाह पेहसीनमाॱनाङ खुङया़गी ख्यागी पेहक्योगी ल़ेह या़हबुया़ थोङज्यु, ओहले किन्ज्योगी ठिम ताङ नाङगेन ङ्यिहमाला खुङया़गी किन्ज्योला त़ेरा तेच्या फुल्ज्यु।
ကြော်ငြာတွေ