२ पत्रुस 1:8 - ह्योल्मो8 च्यिबेमाना ख्याया़ला कोहकेन्गी से़हया़ दिया़राङ यिहम्बा ओ़ह सोङबे दि से़हया़ला ख्या बोल्बु पेहती डो ख़ूसीमाना ओहराङ चो़वो येशू मास्यीकाकी येहन्देनला ख्यागी माहङबुराङ ल़ेहया़ पेहच्ये येह ओहले माहङबुराङ सेदोया़ या़ह च्य़ूज्ये येह। အခန်းကိုကြည့်ပါ။ |
२ पत्रुस 1:8
33 ပူးပေါင်းရင်းမြစ်များ
तेहम्बाराङ माज्ये माना मास्यीका येशू ङाहती चो़वोला ङोह स्य़े ङ्युहङगेन मेलाम तादाङलानी ना थाम्ज्यीराङ से़हया़ ङाहगी स्यिती काम्बुलाराङ थोङसीन। मास्यीकाला ज्योर ख़ूज्यु म़ेदी मिहरोगी तेहन्दाला ङाहगी रेबेॱराङ से़हया़दी क्यी़ह खुर्ती येहबा, ओ़ह रेबेॱराङ से़हया़ ङाहगी तेहन्दाला ङ्योहक्तोङ यिहम्बा।
मास्यीकागी सुङदेनगी ख्यागी सेम बोलो-छ्योलो पेहती काहङज्यु। राहङ ङ्याम्बु का़ह येहकेन रिहक्पा-रिहक्स्यीगी च्यी़गी च्यी़ला लोप्तोङ ओहले टे़हरिम तेर। सेम तिहङ यिहन्ज्युराङ किन्ज्योगी छ्ये़-लुया़ लेहन्दोङ, त़ेरा तेच्या फुल्दोङ, यिहक्तेन लुया़ लेहन्दोङ ओहले मिहरोला थुज्यी-छ्ये़ फुल्दोङ।
ता़ह ज्युक्स्योलला आदा-नो़ह दाङ आज्यी-नुहमुया़, चो़वो येशूगी छेनला ङ्यिह राहङ फ़ेबे-म़ेहमेया़ला थाल्मा च्याहर्ती दि उर्चु पेहको येह, ख्या फ़ेबे-म़ेहमेया़गी ङ्यिह लाहमले किन्ज्योला थु ङ्ये़एँगी डोलु-तेहलुया़ लोप नाङदी येह ओहले लोप्क्यो ल़ेहमुराङ ख्या फबे-मे़हमेया़गी नाहरे जे नाङगेराङ येह। ओ़ह ल़ेहमु डोलु-तेहलुया़ला ख्या फ़ेबे-म़ेहमेॱया जेन-जेन या़हबु पेहती फेप नाङदोङ।
आदा-नो़ह दाङ आज्यी-नुहमुया़, ख्याया़गी तेहन्दाला नाहम्माॱनाङ ङ्यिहगी किन्ज्योला थुज्यी-छ्ये़ फुलॱराङ कोहएँ। ओहले ओ़ह ल़ेहमु पेहक्योदी या़हबु यिहम्बा च्यिबेमाना ख्या फे़बे मे़हमेया़की तेहपा माहङरो माहङरो पेहती काहल्दी येह। ओहले ख्या राहङ नाङदोङगी चेवाॱआङ जेन-जेन माहङरो माहङरो पेहती डोॱराङ येह।
ကြော်ငြာတွေ