२ पत्रुस 1:19 - ह्योल्‍मो

¹⁹ ङ्यिह ङ्याम्‍बु येहकेन्‍गी लुहङतेम्‍बाया़गी सुङ जेन थिउ-निउ काहल्‍दी येह। क्‍या र्‍हाबा-र्‍हिबे माहकाहल थु ओहले ख्‍याया़गी सेमला ङाटुकी कार्मा माहस्‍यार थु ना़-जुबेला ती़हदी तेहक्‍योकी लोला ल़ेहमु ख्‍याया़गी ओ़ह सुङया़ला सेम ताङसीन माना ख्‍यागी या़हबु पेहच्‍ये येह।

२ पत्रुस 1:19 ပူးပေါင်းရင်းမြစ်များ

मत्ती 4:16

ना़-जुबेला तेहकेन मिहया़गी क्‍या-साङे छ्यिम्‍बुज्‍यी थोङज्‍ये येह। स्‍यिवा दाङ ना़-जुबेला छ्यिक्‍योया़, ख्‍याया़ थो़ला क्‍या-साङे येहसेर छ्यिम्‍बुज्‍यी क्‍याहप्‍च्‍ये येह।”

यूहन्‍ना 5:35

यूहन्‍नानी ती़हदी तेहकेन लो दाङ क्‍या-साङे येहसेर ल़ेहमु येहकें, ओहले ख्‍या खोगी क्‍या-साङेला याहम्‍बीज्‍यीगी तेहन्‍दाला च्‍यी़राङ सेम काहसो पेहच्‍येला ङ्यिहन्‍सीन।”

यूहन्‍ना 5:39

ख्‍यागी सुङरापला था़ म़ेहबा मिहली ज़ाङबु ज्‍योर्के म़ेदी सुङराप लोङदीनी ताएँ। ङाहगी तेहन्‍दाला पाङबु तेर्केन्‍दी ओ़ह सुङरापॱराङ यिहन।

यूहन्‍ना 8:12

येहपाराङ येशूगी खुङया़ला सुङ नाङसीन, “ङाह जाम्‍बुलीङगी येहसेर यिहम्‍बा। ङाहला तिङ ङ्या़गेया़ नाहमॱआङ ना़-जुबेला डो कोहज्‍ये म़ेह, यिहॱनाङ खोगी मिहली तेर्केन्‍गी क्‍या-साङे ज्‍योर्च्‍ये येह।”

ल़ेह-पेन 15:29

राहङ फे़बेया़गी कुला तेरक्‍यो से़हया़ माहसाह, ज्‍यिङबा च्‍यिर्ते सेक्‍यो मार्च्‍येगी स्‍या दाङ ठा़या़ माहसाह ओहले छ्येउ-छ्येंमु माहबे। दि तामया़ ङो़ले राहङ फ़ेबेॱया जेम्‍दे तेहसीन मानानी या़हबु ओहङज्‍ये येह। ख्‍या फे़बेया़ला मा कोहएँगी तामया़ देजेराङ यिहन। टास्‍यी-देले” म़ेदी यिहगी प्रुहसीन।

ल़ेह-पेन 17:11

बेरिया क्‍याहसाकी यहूदीया़ थेसलोनिके क्‍याहसाकी यहूदीया़ म़ेदी डा-छ्याक्‍पु येहकें। खुङगी किन्‍ज्‍योगी लुहङया़ निङरु पेहती ङ्यिहन्‍सीन, ओहले पावलगी माक्‍योगी ताम सुङराप ङ्याम्‍बु डी़उ दु नि मी़हन्‍डी दु म़ेदी ङ्यिहमा-टाहङमाराङ सुङराप लोङदी ताउ येहकें।

हिब्रू 2:2

ताहङबो स्‍यिहङगामकी स्‍याहप्‍च्‍यीया़गी ओहराङ चावाया़ला स्‍य़ेक्‍यो किन्‍ज्‍योकी लुहङ तेहम्‍बा-तेहन्‍सुम सी़हसीन ओहले ओ़ह लुहङ मी़हचीएँ दाङ मिहङ्यीहन्‍गेनया़ला फो़ कोहएँगी ङ्य़ेहबा फो़सीन।

याकूब 2:8

तेहम्‍बाराङ ख्‍याया़गी, “राहङ टोहङरोला राहङला ल़ेहमुराङ चेवा पेहतोङ” म़ेदी नाम्‍पार-ताहक्‍पा सुङरापला प्रुहक्‍योगी किन्‍ज्‍योगी क्‍याहल्‍सीकी ठिमला ची़सीमाना ख्‍याया़गी या़हबुॱराङ ल़ेह पेहक्‍यो यिहम्‍बा।

१ पत्रुस 1:10

ख्‍यागी ज्‍योरक्‍योकी दि थार्पाकी तेहन्‍दाला ङोह स्‍य़ेज्‍येला लुहङतेम्‍बाया़गीॱआङ ज्‍यिबुराङ निङरु पेहती छोल्‍सीन। ओहले ओ़ह लुहङतेम्‍बाया़गीॱराङ किन्‍ज्‍योगी ख्‍याला नाङज्‍ये जेक्‍यो काटीनकी तेहन्‍दाला तोहङलेराङ ङे़स्‍यी स्‍य़ेदी सुङ नाङग्‍यो येहकें।

१ यूहन्‍ना 5:10

ओ़ह सोङबे किन्‍ज्‍योगी स़ेबु थो़ला यिह छ्य़ेगे मिहगी राहङगी सेम नाहङला दि पाङबुॱराङ ओहङगे। यिहॱनाङ किन्‍ज्‍योला यिह मे़हछ्येगे मिहगी किन्‍ज्‍योगी पाङबु तेर्केया़ला स्‍योप क्‍याहप्‍क्‍यो यिहन म़ेदी नोम्‍साङ ताङगे च्‍यिबेमाना स़ेबुगी तेहन्‍दाला किन्‍ज्‍योगी नाङग्‍यो पाङबुला खोगी यिहॱराङ मे़हछ्येएँ।

३ यूहन्‍ना 1:6

खुङया़गी छेन्‍छोककी दिनला ख्‍येगी चेवाकी तेहन्‍दाला स्‍येती येहबा। खुङया़ लाहमला डोएँमु कोहकेन्‍गी च्‍याहम्‍दाया़ ठाबे पेह तेर्सीमाना ओ़ह किन्‍ज्‍योगी ज़ी़लुला थु ङ्ये़एँगी ल़ेह ओहङज्‍ये येह ओहले ख्‍येगी ल़ेह या़हबु पेहक्‍यो ओहङज्‍ये येह।

ज्‍याल्‍गा 2:28

ङाहगी याहप लाहमले ज़्‍योरक्‍यो दि ओङ खुङया़ला तेर्च्‍ये येह। ङाहगी खुङया़ला थो़दोङ कार्च्‍येनॱआङ तेर्च्‍ये येह।

ज्‍याल्‍गा 22:16

“ङाह येशूगी ङाहती स्‍यिहङगामकी स्‍याहप्‍च्‍यीला छेन्‍छोकला येहकेन्‍की मिह थाम्‍ज्‍यीगी दि तामया़ क्‍यी़ह ज्‍योर्च्‍यु म़ेदी ङाहगी खोला ख्‍येसाला ताङ चाहङदी येह। क्‍याहल्‍बु दाऊदकी चाङर्यी दाङ छार्क्‍यीनॱआङ ङाहराङ यिहन ओहले येहपा छ्या़गे थोराङ कार्च्‍येनॱआङ ङाहराङ यिहन।”