२ यूहन्‍ना 1:9 - ह्योल्‍मो

⁹ मास्‍यीकाकी लुहङ म़ेदी फिगी लेहमेन ताम ङ्यिहन्‍दी डोएँ मिहया़ ङ्याम्‍बु किन्‍ज्‍यो ज़्‍य़ू मेहनाङगे। यिहॱनाङ मास्‍यीकाकी लुहङ ङ्यिहन्‍गे मिह ङ्याम्‍बुदी याहप दाङ स़ेबु ङ्यिकाराङ ज़्‍य़ू नाङगे।

२ यूहन्‍ना 1:9 ပူးပေါင်းရင်းမြစ်များ

मत्ती 11:27

ङाहगी किन्‍ज्‍यो याहपगी ङाहला थाम्‍ज्‍यीराङ से़हया़ चि क्‍याहप नाङदी येह। किन्‍ज्‍यो याहपगी मिहम्‍बा लेहमेन सुगीॱआङ स़ेबुला ङोह मे़हस्‍येएँ ओहले स़ेबुगी मिहम्‍बा लेहमेन सुगीॱआङ किन्‍ज्‍यो याहपला ङोह मे़हस्‍येएँ। यिहॱनाङ स़ेबुगी ङोहस्‍यी ताङ तेर नाङग्‍योया़गीदी किन्‍ज्‍यो याहपला ङोह स्‍य़ेएँ।

लूका 10:22

“ङाहती याहपगी ङाहला थाम्‍ज्‍यीराङ चि क्‍याहप नाङदी येह। स़ेबु सु यिहम्‍बा म़ेदी याहपगी मिहम्‍बा, लेहमेन सुगीॱआङ ङोह मे़हस्‍येएँ। ओ़ह ल़ेहमुराङ, स़ेबु दाङ खोगी तेन्‍ग्‍योकी मिहया़गी च्‍यी़राङ याहपला ङोह स्‍य़ेएँ लेहमेन सुगीॱआङ याहपला ङोह मे़हस्‍येएँ” म़ेदी येशूगी सुङ नाङसीन।

यूहन्‍ना 14:6

ओहले येशूगी खोला सुङ नाङसीन, “लाहम, तेहन्‍दाम दाङ मिहली ङाहराङ यिहन। ङाह लाहमले पेहती मिहम्‍बानी सुज्‍यीॱआङ याहप्‍च्‍येन आबासाला लेप मी़हखुएँ।

यूहन्‍ना 15:6

ङाह ङ्याम्‍बु मेहतेहकेनया़ला ओ़ह याहल्‍गाया़ला ल़ेहमु पेहती फिला क्‍युर चाहङज्‍ये येह, ओहले ओ़ह काम्‍ज्‍ये येह। दि ल़ेहमु याहल्‍गाया़ला मिहया़गी ग्‍या़ च्‍यी़ला रुहप पेहती मेहला लू़ज्‍ये येह ओहले ओ़ह थाला फुङे डोज्‍ये येह।

यूहन्‍ना 8:31

येशूगी राहङ थो़ला यिह छ्य़ेगेन यहूदीया़ला सुङ नाङसीन, “ख्‍यागी ङाहती सुङदेन ची़दी तेहसीन माना ख्‍या तेहम्‍बाराङ ङाहती स्‍याहप्‍च्‍यी यिहम्‍बा।

ल़ेह-पेन 2:42

ओहले खुङ ल़ेह-पेनया़ ङ्याम्‍बु लोप्‍कें, छोक्‍पा पेहकें, चो़वोगी डेन साहउ येहकें, ओहले सेम च्‍यी़ डी़दी नाहम माॱनाङ किन्‍ज्‍योला सोल्‍वाङ ताप्‍ती तेहको येहकें।

कलस्‍सी 3:16

मास्‍यीकागी सुङदेनगी ख्‍यागी सेम बोलो-छ्योलो पेहती काहङज्‍यु। राहङ ङ्याम्‍बु का़ह येहकेन रिहक्‍पा-रिहक्‍स्‍यीगी च्‍यी़गी च्‍यी़ला लोप्‍तोङ ओहले टे़हरिम तेर। सेम तिहङ यिहन्‍ज्‍युराङ किन्‍ज्‍योगी छ्ये़-लुया़ लेहन्‍दोङ, त़ेरा तेच्‍या फुल्‍दोङ, यिहक्‍तेन लुया़ लेहन्‍दोङ ओहले मिहरोला थुज्‍यी-छ्ये़ फुल्‍दोङ।

तीतस 2:10

खुङया़गी राहङकी ताहक्‍पुकी पेलाया़ कुमेन माह-क्‍याहप्‍च्‍यु यिहॱनाङ नाहम माॱनाङ या़हबु-या़हबु ल़ेहया़ पेहती ताहक्‍पुकी ज़ी़लुला खुङ यिह-छ्य़ेबु ओहङ ख़ूज्‍यु। दि ल़ेहमु पेहती खुङया़गी च्‍यि ल़ेहलामाॱनाङ ओहराङला थार्पा नाङगेन्‍गी किन्‍ज्‍योगी लुहङला चा़ छ्यिम्‍बु ज़ो ख़ूज्‍यु।

हिब्रू 3:14

तोहङस्‍यो ओहराङगी मास्‍यीकाला यिह छ्य़ेगेमु पेहक्‍योगी म़ेहबा तिङ थुराङ सान्‍दी पेहती ज़ुङदी ज़्‍या़सीन माना, ओहराङ मास्‍यीका ङ्याम्‍बु च्‍यी़ काहल्‍दी येह।

हिब्रू 6:1

ओ़ह सोङबे ओहराङ मास्‍यीकाकी गो़ तोहङस्‍यो लुहङया़ला च्‍यी़राङ माहतेहपा पेहती ता़हनी ओहराङ मास्‍यीकाकी तिहङ रिहङबु दाङ रिहक्‍स्‍यीकी लुहङया़ ङो़ले याहरक्‍यी पेहती डो कोहएँ। स्‍यिवा ङो़ले ख्‍येर्केन ल़ेहया़ लाहमले स्‍या़बा दाङ किन्‍ज्‍यो थो़ला तेहपा पेहकें तामगी ब्राम येहपाराङ माहतिङ।

१ यूहन्‍ना 1:3

ओहले ख्‍यागीॱआङ ङ्यिह ङ्याम्‍बुराङ छोक्‍पा पेहच्‍यु म़ेदी ङ्यिहगी च्‍यि थोङबा ओहले च्‍यि थे़बा, ओ़ह ख्‍याला स्‍येको येहबा। ङ्यिहगी छोक्‍पाती किन्‍ज्‍यो याहप दाङ मिह-रो़हगी स़ेबु येशू मास्‍यीका ङ्याम्‍बु येहबा।

३ यूहन्‍ना 1:9

ङाहगी छेन्‍छोकला दिगी तेहन्‍दाला प्रुहक्‍यो येहकें। यिहॱनाङ खुङया़गी पाहरक्‍यीला राहङगी राहङला छ्यिम्‍बु ने़गे डियोत्रिफसगी ङाहगी माक्‍यो तामला नाङदाराङ मेहताङ दु!