२ कोरिन्‍थी 9:8 - ह्योल्‍मो

⁸ किन्‍ज्‍योगी ख्‍या थाम्‍ज्‍यीला काटीन बोल्‍बु जेती नाङ थुप्‍कें। ख्‍याया़ला च्‍यि से़हदीॱआङ कोहपु डोज्‍ये म़ेह ओहले ख्‍यागी या़हबु ल़ेहया़ माहङबुराङ पेह ख़ूज्‍ये येह।

२ कोरिन्‍थी 9:8 ပူးပေါင်းရင်းမြစ်များ

ल़ेह-पेन 9:36

योप्‍पा माएँ क्‍याहसाला ताबीता माएँगी चो़वो छ्येवाला यिह-छ्य़े पेहक्‍यो नुहमु च्‍यी़ येहकें। ताबीता माक्‍योदी डोरकास यिहम्‍बा। ओ़ह माक्‍योगी तेहन्‍दादी “रेहउ” यिहम्‍बा। ओहले मोह नाहम माॱनाङ लेहमेन मिहया़ला या़हबु पेहको येहकें ओहले प्राङबुया़ला रो़हराम पेहको येहकें।

१ कोरिन्‍थी 15:58

ओ़ह सोङबे ङाहगी च्‍याहम्‍बु आदा नो़ह दाङ आज्‍यी-नुहमुया़, ख्‍या सेम माहयाहङबा पेहती थिक-चि पेहती तेहतोङ। चो़वोगी छ्या़लेला ख्‍या नाहम-माना याहरक्‍यी पेहती सोङ। च्‍यिबेमाना ख्‍याया़ला क्‍यी़हराङ येहबा, चो़वोगी तेहन्‍दाला पेहक्‍योगी ख्‍याया़गी तुहक्‍पु नाहमॱआङ थोरो डोज्‍ये म़ेह।

२ कोरिन्‍थी 13:3

ओ़ह ती़हजीला मास्‍यीका ङाह लाहमले जेती स्‍याहल सुङ नाङगु दुनी मेहनाङ दु म़ेदी ख्‍याया़गी छोल्‍ग्‍योगी दास्‍यी च्‍य़ेह सिहन्‍ज्‍ये येह। ख्‍याया़गी पाहरक्‍यीला छ्या़ले जे नाङगेमु मिहरो मा-फाम्‍बु मिहम्‍बा यिहॱनाङ स्‍युक छ्यिम्‍बु ओहङज्‍ये येह।

२ कोरिन्‍थी 8:19

ओहजे च्‍यी़राङ मिहम्‍बा, ङ्यिहगी तुहक्‍यो डेल्‍बा ख्‍येर्ती ङ्यिह ङ्याम्‍बुराङ यरूशलेमला डोज्‍येला छेन्‍छोकगी खोला दाम्‍ग्‍यो यिहम्‍बा। ङ्यिहगी दि ल़ेहमु चेवाकी ल़ेह पेहकेमु चो़वोकी ज़िज्‍यिद ओहङगे ओहले लेहमेनला रो़हराम पेहकेन्‍की सेम्‍बा ङ्यिह ङ्याम्‍बु दु म़ेदी मिहया़गी क्‍यी़ह ज्‍योर्च्‍ये येह।

२ कोरिन्‍थी 8:2

ज्‍यिबुराङ तुहक्‍पुगी ती़हजीॱलाङ खुङया़गी सेम काहसो पेहसीन ओहले प्राङबु येहॱनाङ खुङया़गी सेम ज़ाङबु पेहती डेल्‍बा फुल्‍सीन।

२ कोरिन्‍थी 8:7

ख्‍याया़ थाम्‍ज्‍यीराङ से़हया़ला माहङरो माहङरो पेहती काहल्‍दी येह– पे यिहॱना़: तेहपाला, लोप्‍च्‍युङला, येहन्‍देनला, मिहया़ला रो़हराम पेहच्‍येला ओहले ङ्यिह ङो़ले येहकेन्‍गी ख्‍याया़गी निङज्‍यीला, ओ़हठीॱराङ पेहती ख्‍याया़ दि या़हबु ल़ेहया़लाॱआङ याहरक्‍यी पेहती सोङ।

२ कोरिन्‍थी 9:11

ख्‍याया़गी सेम ज़ाङबु पेहती तेरक्‍यो सोङबे ना थाम्‍ज्‍यी ल़ेहया़ला किन्‍ज्‍योगी ख्‍याया़ला छ्युक्‍पु ज़ो नाङज्‍ये येह, ख्‍यागी फुल्‍ग्‍योगी डेल्‍बाया़ ङ्यिहगी लेहमेन कोहपु काहल्‍ग्‍योगी छेन्‍छोकया़ला तेर्केमु खुङया़गी किन्‍ज्‍योला थुज्‍यी-छ्ये़ फुल्‍ज्‍ये येह।

एफिसी 2:10

च्‍यिबेमाना ओहराङ या़हबु ल़ेहया़की तेहन्‍दाला मास्‍यीका येशूला ज़ो नाङग्‍योकी किन्‍ज्‍योकी छ्या़की छ्या़लेया़ यिहम्‍बा। ओहराङगी ओ़ह या़हबु ल़ेहया़ पेहच्‍यु सुङदीमाराङ किन्‍ज्‍योगी तोहङ यिहन्‍ज्‍युराङ ठाबे जे नाङग्‍यो येहकें।

एफिसी 3:20

ओहराङ नाहङला छ्या़ले जे नाङगे मिहरोकी ओङ लाहमले ओहराङगी लाङग्‍यो दाङ सेमला ने़क्‍यो म़ेदीॱआङ माहङबु जेती नाङ थुप्‍कें,

फिलिप्‍पी 4:11

कोहपु काहल्‍सीन म़ेदी ङाहगी ख्‍याला माक्‍यो मिहम्‍बा, च्‍यिबेमाना क्‍यिपु-तुहक्‍पु काह-ठि येहॱनाङ ङाहगी ओ़हला सेम सेन्‍दोक पेहच्‍ये लोप्‍ती येह।

कलस्‍सी 1:10

ओहले ख्‍याया़गी चो़वोला थु ङ्ये़एँगी मिहजी ताङदी नाहम-माना मिहरोला क़ेहनाङ लाहङ च्‍य़ू ख़ूज्‍यु ओहले थाम्‍ज्‍यी या़हबु ल़ेहया़ला सेदो या़ह च्‍य़ूगेनॱराङ किन्‍ज्‍योकी येहन्‍देनला याहरक्‍यी पेहती डो ख़ूज्‍यु।

२ थेसलोनिकी 2:17

ख्‍या फ़ेबे-म़ेहमेया़ला सेम ज़ुङ च्‍य़ू नाङज्‍यु ओहले ना थाम्‍ज्‍यीराङ या़हबु ल़ेहया़ दाङ किन्‍ज्‍योकी सुङला राहङ फ़ेबे-म़ेहमेया़ला थिक-चि पेहती ज़्‍या़ नाङज्‍यु।

२ तिमोथी 2:21

पे-मी़हसिहएँगी तामया़ ङो़ले मिहगी राहङगी राहङला चाङमा ज़ोसीन माना खो या़हबु ल़ेहया़की तेहन्‍दाला पे-सी़हएँगी मिह च्‍यी़ डो ख़ूज्‍ये येह, ओहले खाङबा ताहक्‍पुकी तेहन्‍दाला चाङमा, फेन्‍दोप दाङ या़हबु ल़ेहया़ च्‍यिला-माना ठाबे टी़हज्‍ये येह।

२ तिमोथी 3:17

किन्‍ज्‍योकी मिहया़गी थाम्‍ज्‍यीराङ या़हबु ल़ेहया़ या़हबु पेहती ठीक-ठीक ङ्या़ह-ङ्या़ह पेहती पेह ख़ूज्‍यु म़ेदीराङ छ्य़े नाङग्‍यो यिहम्‍बा।

तीतस 2:14

येशू मास्‍यीकागी ओहराङला तिहक्‍पा ना थाम्‍ज्‍यीले थार च्‍य़ू नाङज्‍येला, टाहङबु ज़ो़-नाङज्‍येला, राहङदीराङ मिहया़ ज़ो़-नाङज्‍येला, या़हबु ल़ेहया़ पेहच्‍येला स्‍युक क्‍ये च्‍य़ूज्‍येला मिहरोगी राहङकी मिहलीॱराङ च्‍यिहम्‍बा ताङ नाङसीन।

तीतस 3:14

ओहराङगी मिहया़ या़हबु ल़ेहया़ला सेम ताङ ख़ूज्‍यु, दि लाहमले पेहती खुङगी लेहमेन मिहया़ला ज्‍यिबुराङ कोहपु डोएँमु रो़हराम पेह ख़ूज्‍यु, दि ल़ेहमु पेहसीमाना ख्‍या फेन मे़हथोएँगी मिहया़ डोज्‍ये म़ेह।

तीतस 3:8

दि तेहन्‍दामकी स्‍याहल यिहम्‍बा। किन्‍ज्‍योला यिह छ्य़ेक्‍यो मिहगी राहङला या़हबु ल़ेहया़ला सेम ताङज्‍येला जेम्‍बु पेहच्‍यु म़ेदी ख्‍येगी स्‍युक तेर्ती लोप्‍क्‍यो ङाहला या़हबु ने़गे। च्‍यिबेमाना दि ल़ेहमु तामया़ मिहया़गी तेहन्‍दाला या़हबु दाङ फेन थो़एँगी तामया़ यिहम्‍बा।

१ पत्रुस 4:10

किन्‍ज्‍योगी काटीनला ख्‍या रे़ह-रे़हगी नामे नाजोकी काबापया़ ज़्‍योरक्‍यो येहबा ओ़ह काबाप ख्‍या थाम्‍ज्‍यीगी मिहया़ला रो़हराम पेहच्‍येगी तेहन्‍दाला या़हबु पेहती चाल तिदोङ।