14 किन्ज्योती था़ म़ेहबा काटीन ख्या थो़ला येहकें सोङबे खुङगी ख्याया़गी तेहन्दाला ज्यिबुराङ चा़ पेहती सोल्वाङ ताप्के।
“ङाहगी ख्याला माएँ, जाम्बुलीङगी क्युहगी ङ्येहवाया़ जे़दोङ ओहले ओ़ह क्युह चो़हगे ती़हजीला ख्याला नाहमॱआङ था-मे़हछ्येएँगी ग्या़ला फेप स्युहज्ये येह।”
च्यिबेमाना ख्याया़ला मास्यीकाला स्युक छ्यिम्बु ज़ोज्येला यिहक्तेन काबाप कोह ख़ूज्यु म़ेदी ङाहला ख्या ङ्याम्बु ज्यिबुराङ थू़ज्ये सेम क्ये़दी येहबा।
ख्याया़गीॱआङ सोल्वाङ लाहमले ङ्यिहया़ला रो़हराम पेहकेनॱराङ येहबा। दि ल़ेहमु पेहती मिह माहङबुगी ङ्यिहया़गी तेहन्दाला किन्ज्यो ङ्याम्बु सोल्वाङ ताप्केमु मिहरोगी ङ्यिहला मेलाम नाङज्ये येह ओहले मिह माहङबुगी ङ्यिहगी मेलामगी तेहन्दाला किन्ज्योला थुज्यी-छ्ये़ फुल्ज्ये येह।
आदा-नो़ह दाङ आज्यी-नुहमुया़, माकेडोनियाकी छेन्छोकया़ला किन्ज्योगी नाङग्यो काटीनगी तेहन्दाला ङ्यिह ख्याया़ला माएँ।
ख्याया़गी रो़हराम पेहकेमु मिहया़गी किन्ज्योला त़ेरा तेच्या फुल्गे। ख्याया़गी सेम ज़ाङबु पेहती खुङ दाङ लेहमेन थाम्ज्यीला रो़हराम पेहकेमु ख्याया़गी यिह छ्य़ेक्यो मास्यीकाकी या़हबु लेहङगुला ची़उ दुबा माएँ तामकी दास्यी तेर्के।
मिहगी सेमगी ख्येपॱराङ मी़हखुएँगी किन्ज्योगी काबापगी तेहन्दाला किन्ज्योला थुज्यी-छ्ये़!
काह-ठि पेहती मास्यीका येशूकी निङज्यीगी पेहती ङाह ख्या थाम्ज्यीला टेहम्बा साल्गे माएँ तामला किन्ज्यो ङाहती पाङबु ज़्य़ू नाङदी येह।
खोगी ख्याया़ला थू़ज्ये म़ेदी ज्यिबुराङ सेम्बा पेहती येहकें। खो ने़हदी येह माएँ लेहङगु ख्यागी थे़क्यो सोङबे खो ज्यिबुराङ तुहङाल लाहङग्यो येहकें।
ओ़ह सोङबे ङाहगी च्याहम्बा पेहक्योकी आदा-नो़ह दाङ आज्यी-नुहमुया़, ख्या दि ल़ेहमुराङ पेहती चो़वोला थिक-चि पेहती तेहतोङ। ए ङाहगी रो़हया़ ङाह ख्याया़ला निङज्यी पेहकें, ङाहगी ख्याया़ला ज्यिबुराङ टेहम्बा साल्दी येहबा। ख्याया़राङ ङाहती सेम काहसो दाङ पेस्यो यिहम्बा।
किन्ज्योगी ङाहला ओहराङ चो़वोकी काटीन माहङबुराङ नाङग्यो सोङबे मास्यीका येशू लाहमले ङाहला तेहपा दाङ चेवा जे नाङसीन।