Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




२ कोरिन्‍थी 9:13 - ह्योल्‍मो

13 ख्‍याया़गी रो़हराम पेहकेमु मिहया़गी किन्‍ज्‍योला त़ेरा तेच्‍या फुल्‍गे। ख्‍याया़गी सेम ज़ाङबु पेहती खुङ दाङ लेहमेन थाम्‍ज्‍यीला रो़हराम पेहकेमु ख्‍याया़गी यिह छ्य़ेक्‍यो मास्‍यीकाकी या़हबु लेहङगुला ची़उ दुबा माएँ तामकी दास्‍यी तेर्के।

အခန်းကိုကြည့်ပါ။ ကော်ပီ




२ कोरिन्‍थी 9:13
27 ပူးပေါင်းရင်းမြစ်များ  

ओ़ह ल़ेहमु पेहतीराङ ख्‍याया़गी येहसेर मिहया़गी पाहरक्‍यीला स्‍यारच्‍यु, मिहया़गी ख्‍याया़गी ल़ेह या़हबुया़ थोङदी स्‍यिहङगामला ज़्‍यू़गेन ख्‍याया़गी याहप्‍च्‍येन आबाला थुज्‍यी-छ्ये़ फुल्‍ज्‍यु” म़ेदी येशूगी सुङ नाङसीन।


दि रोहवा याहम्‍जेम्‍बागी छ्या़ले थोङदी ओ़ह मिहया़ ज्‍यी़सीन ओहले मिहया़ला दि ल़ेहमु ओङ नाङगे किन्‍ज्‍योला त़ेरा तेच्‍या फुल्‍सीन।


“ङाहगी माक्‍यो ल़ेहमुराङ मेहबेसीमाना ख्‍यागी ङाहला च्‍यिबे ‘चो़वो छ्येवा, चो़वो छ्येवा’ म़े तेहकें?


ख्‍यागी माहङबुराङ सेदोया़ या़ह च्‍य़ूदी ख्‍या ङाहती स्‍याहप्‍च्‍यी यिहन माएँ दास्‍यी तेर्च्‍ये येह। ओहले दि ल़ेहलाॱराङ ङाहती याहपती ज़िज्‍यिद ओहङज्‍ये येह।


दि ताम थ़े फान्‍ज्‍यो चो़वो छ्येवाला यिह-छ्य़े पेहकेन्‍गी यहूदी आदा-नो़हया़गी पत्रुसला फातुर च़ूज्‍ये क्‍युर्सीन ओहले, “ता़ह किन्‍ज्‍योगी लेहमेन क्‍यिहपागी मिहया़लाॱआङ मिहलीगी तेहन्‍दाला सेमगी स्‍या़बा पेहती तिहक्‍पा पाङज्‍येला लोहङ नाङसीन दुबा” म़ेदी किन्‍ज्‍योला त़ेरा तेच्‍या फुल्‍ज्‍ये छ़ूसीन।


दि थे़दी खुङया़गी खुङ ङ्यी़ला तोहरोङ ठो़ तेन्‍दी ताङ चाहङसीन। खुङया़गी पत्रुस दाङ यूहन्‍नाला ङ्य़ेहबा काल्‍ज्‍येला च्‍यिॱआङ तामया़ माहन्‍ज्‍योर च्‍यिबेमाना खुङया़गी पेहक्‍योगी याहम्‍जेम्‍बा ल़ेहया़ थोङग्‍यो सोङबे मिह थाम्‍ज्‍यीगी किन्‍ज्‍योला त़ेरा तेच्‍या फुल्‍गेराङ येहकें।


यिहॱनाङ खुङ थाम्‍ज्‍यीगी या़हबु लेहङगु ची़दे म़ेह, च्‍यिबेमाना यशैयागी दि ल़ेहमु सुङगे, “ओ़ चो़वो, ङ्यिहगी स्‍येक्‍योगी ताम सुगी गा यिह छ्य़ेक्‍यो येहबा ले?”


लोप्‍ताम क्‍याहप्‍केन्‍गी काबाप यिहन्‍सीमाना, लोप्‍ताम क्‍याहप्‍केन्‍गी छ्या़लेला, तेर्केन्‍की काबाप यिहन्‍सीमाना, सेम तिहङ यिहन्‍ज्‍युराङ तेर्च्‍यु, ओङ छ्य़ेगेन्‍गी काबाप यिहन्‍सीमाना, खोगी या़हबु पेहती ओङ छ्य़ेज्‍यु, निङज्‍यी पेहकेन्‍की काबाप यिहन्‍सीमाना, खोगी काहसो पेहती निङज्‍यी पेहच्‍यु।


यहूदीयाला येहकेन किन्‍ज्‍योला यिह मा़हछ्येबाकी मिहया़लेगी ङाह जेम्‍दी तेह ख़ूज्‍यु ओहले यरूशलेमला येहकेन किन्‍ज्‍योकी मिहया़ला ङाहती डेल्‍बा या़हबु ऩे ख़ूज्‍यु म़ेदीॱआङ सोल्‍वाङ ताप नाङदोङ।


यिहॱनाङ ता़ह नाहम्‍स्‍यी किन्‍दु ज़्‍य़ू नाङगेन्‍गी किन्‍ज्‍योगी का नाङदी लुहङतेम्‍बाया़गी छ्य़े प्रुह नाङसीन। ओहले दि सुङराप लाहमले थाम्‍ज्‍यी क्‍यिहपाकी मिहया़गी यिह छ्य़ेदी किन्‍ज्‍योकी काया़ ची़ज्‍यु म़ेदी दि साङदी ज़्‍या़ नाङग्‍योकी या़हबु लेहङगु क्‍याहल-खाप थाम्‍ज्‍यीला स्‍येकेराङ येहबा।


किन्‍ज्‍योगी येहन्‍देनला टाह पेहती लोहङडी पेहकेनया़ दाङ ठादोगी स्‍यिहताङ ङाहर्क्‍याल पेहती तुहक्‍पु तेर्केया़ला ङ्यिह तोङ च्‍य़ूगे, ओहले ना थाम्‍ज्‍यीगी साम्‍लुया़ला ताहमला ज़्‍या़दी मास्‍यीकाकी काया़ ङ्यिहन्‍गेन्‍दी ज़ोएँ।


मास्‍यीकाकी लेहङगु या़हबु स्‍येच्‍येला त्रोआस क्‍याहसाला ओहङगेमु चो़वोगीॱराङ ङाहला मिहरोगी छ्या़ले पेहकेन्‍गी लोहङ नाङसीन।


खुङया़गी “यरूशलेमगी किन्‍ज्‍योगी पुह पोहमोया़ला रो़हराम पेहच्‍येला ङ्यिहया़लाॱआङ लोहङ नाङदोङ” म़ेदी ङ्यिहला माहङबुराङ ओहर-छ्य़े स्‍युहसीन।


किन्‍ज्‍योती था़ म़ेहबा काटीन ख्‍या थो़ला येहकें सोङबे खुङगी ख्‍याया़गी तेहन्‍दाला ज्‍यिबुराङ चा़ पेहती सोल्‍वाङ ताप्‍के।


खुङया़गी ङाहगी तेहन्‍दाकी पेहती किन्‍ज्‍योला त़ेरा फुल्‍सीन।


यिह-छ्य़ेकी या़हस्‍यो मा़ क्‍याहप्‍तोङ। था़ म़ेहबाकी मिहली ज़ुङदी ज़्‍या़दोङ। दिगी तेहन्‍दालाराङ ख्‍येला क़े क्‍याहप नाङग्‍यो येहकें, ख्‍येगी माहङबुराङ पाङबु तेर्के मिहया़गी दिनला राहङगी यिह-छ्य़ेकी तेहन्‍दाला तेहन्‍दामकी पाङबु तेरक्‍यो येहकें।


थाम्‍ज्‍यीराङ से़हया़ला मिहली नाङगेन किन्‍ज्‍यो दाङ पन्तियस पिलातसकी दिनला पाङबु नाङगेन्‍गी मास्‍यीका येशूगी दिनला,


ओहराङगी सेम तिहङ यिहन्‍ज्‍युराङ यिह छ्य़ेक्‍यो रेहवाला ओहराङ सेम माहयाहङबा पेहती सान्‍दी पेहती ज़ुङदी ज़्‍या़ कोहएँ, च्‍यिबेमाना ताहम्‍ज्‍या ज़्‍या़ नाङगेन्‍गी किन्‍ज्‍यो यिह-छ्य़ेबु ज़्‍य़ू नाङदी येह।


च्‍यी़गी च्‍यी़ला या़हबु ल़ेह दाङ रो़हराम पेहच्‍येला टेहम्‍बा माहच्‍येह। च्‍यिबेमाना किन्‍ज्‍योला थु ङ्ये़एँगी मार्च्‍ये दिराङ यिहम्‍बा।


ओ़ह सोङबे किन्‍ज्‍योगी क़े क्‍याहप नाङग्‍यो नाम्‍पार-ताहक्‍पा आदा-नो़ह दाङ आज्‍यी-नुहमुया़, ङ्यिहगी ल़ेह-पेन दाङ गो-छ्येवा पूजाहारी म़ेदी ची़नाङ पेहक्‍यो येशू ङो़ले सेम ताङदोङ।


स्‍यिहङगामला फेप नाङग्‍यो किन्‍ज्‍योकी स़ेबु येशू ओहराङगी गो-छ्येवा पूजाहारी यिहन्‍गे सोङबे ओहराङगी सेम तिहङ यिहन्‍ज्‍युराङ ची़दे ओहङग्‍यो यिह-छ्य़ेला सान्‍दी पेहती तेह कोहएँ।


किन्‍ज्‍योगी मास्‍यीकाला छाङबु ज़ो छार फान्‍ज्‍यो मिहरोला ची़गे मिह थाम्‍ज्‍यीगी तेहन्‍दाला मिहरो था़ म़ेहबा मिहलीकी छ्येस्‍यो काहल्‍सीन।


यिहॱनाङ ख्‍याया़नी दाम्‍ग्‍योगी मिहया़, क्‍याहल्‍बुला स्‍याहप्‍तो स्‍युहएँगी पूजाहारी, नाम्‍पार-ताहक्‍पा क्‍यिहपाया़, किन्‍ज्‍योगी राहङदीराङ मिहया़ यिहम्‍बा। मिहरोगी ख्‍याया़ला ना़-जुबेलेगी याहम्‍जेन छ्येवा जेती क्‍या-साङेला नोम फेन नाङसीन च्‍यिबेमाना ख्‍याया़गी किन्‍ज्‍योकी याहम्‍जेन छ्येवागी छ्या़लेया़ मिहया़ला स्‍युक छ्यिम्‍बु पेहती स्‍ये ख़ूज्‍यु म़ेदी यिहम्‍बा।


लुहङ तेर्केन्‍की काबाप ज़्‍योरक्‍यो मिहगी किन्‍ज्‍यो लाहमलेॱराङ लुहङ तेर्च्‍यु। स्‍याहप्‍तो स्‍युहएँ मिहगी किन्‍ज्‍योगी ओङ लाहमले स्‍याहप्‍तो स्‍युहज्‍यु। ओ़ह ल़ेहमु पेहती ल़ेह थाम्‍ज्‍यीला येशू मास्‍यीका लाहमले किन्‍ज्‍योलाॱराङ ज़िज्‍यिद ओहङज्‍यु। मिह-रो़हलाॱराङ ज़िज्‍यिद दाङ ओङ नाहम्‍स्‍यी किन्‍दु ओहङज्‍यु! आमेन।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ