२ कोरिन्थी 8:7 - ह्योल्मो7 ख्याया़ थाम्ज्यीराङ से़हया़ला माहङरो माहङरो पेहती काहल्दी येह– पे यिहॱना़: तेहपाला, लोप्च्युङला, येहन्देनला, मिहया़ला रो़हराम पेहच्येला ओहले ङ्यिह ङो़ले येहकेन्गी ख्याया़गी निङज्यीला, ओ़हठीॱराङ पेहती ख्याया़ दि या़हबु ल़ेहया़लाॱआङ याहरक्यी पेहती सोङ। အခန်းကိုကြည့်ပါ။ |
च्यिबेमाना च्यिमे च्यी़राङ नाम्पार-ताहक्पा थु लाहमले ओहराङ थाम्ज्यीगी ज़ुबु च्यी़लाॱराङ बप्तिस्मा ज्योर्ती येह– यहूदी यिहॱना़ यिहन, ग्रीक यिहॱना़ यिहन, योक्पु यिहॱना़ यिहन, सुज्यीगी योक्पु माहबेबाकी मिह यिहॱना़ यिहन, ओहराङ थाम्ज्यीला च्यिमे च्यी़राङ नाम्पार-ताहक्पा थु लाहमले थुङज्येला नाङसीन।
ङाह ङ्याम्बु तिङला ओहङगेन्गी तामया़ स्ये ख़ूएँगी ओङॱआङ येहटो, ओहले थाम्ज्यी तिहङ-रिहङबुगी तामया़ ङोह स्य़े खू़रो, थाम्ज्यी येहन्देनया़ॱआङ ङोह स्य़े खू़रो, ओहले लाह काहङदोया़ला ग्या़ च्यी़ले लेहमेन ग्या़या़ला पो ख़ूएँगी थाम्ज्यी यिह-छ्य़े ङाह ङ्याम्बु येहटो, यिहॱनाङ ङाह ङ्याम्बु चेवा मे़हसीमानादी ङाह च्यिॱआङ मिहम्बा।
खो ओहङग्यो सोङबे च्यी़राङ मिहम्बा, यिहॱनाङ तीतसगी ख्याया़ लाहमले ज़्योरक्योगी सेम लो तेहमुगी पेहती ङ्यिहगी सेम लो तेहमु काहल्सीन। ङाह ङ्याम्बु थू़ज्ये म़ेदी ख्याया़ ज्यिबुराङ सेम्बा पेहकु दु माएँ ताम ङ्यिहगी तीतस लाहमले क्यी़ह ज्योर्सीन। ङाहगी तेहन्दाला ख्याया़ ज्यिबुराङ ङ्याहङेन पेहकु दु लो ओहले तुहङालॱआङ पेहकु दु लो माएँ ताम थे़गेमु ङाह ज्यिबुराङ सेम काहसो काहल्सीन।
आदा-नो़ह दाङ आज्यी-नुहमुया़, ख्याया़गी तेहन्दाला नाहम्माॱनाङ ङ्यिहगी किन्ज्योला थुज्यी-छ्ये़ फुलॱराङ कोहएँ। ओहले ओ़ह ल़ेहमु पेहक्योदी या़हबु यिहम्बा च्यिबेमाना ख्या फे़बे मे़हमेया़की तेहपा माहङरो माहङरो पेहती काहल्दी येह। ओहले ख्या राहङ नाङदोङगी चेवाॱआङ जेन-जेन माहङरो माहङरो पेहती डोॱराङ येह।