Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




२ कोरिन्‍थी 8:7 - ह्योल्‍मो

7 ख्‍याया़ थाम्‍ज्‍यीराङ से़हया़ला माहङरो माहङरो पेहती काहल्‍दी येह– पे यिहॱना़: तेहपाला, लोप्‍च्‍युङला, येहन्‍देनला, मिहया़ला रो़हराम पेहच्‍येला ओहले ङ्यिह ङो़ले येहकेन्‍गी ख्‍याया़गी निङज्‍यीला, ओ़हठीॱराङ पेहती ख्‍याया़ दि या़हबु ल़ेहया़लाॱआङ याहरक्‍यी पेहती सोङ।

အခန်းကိုကြည့်ပါ။ ကော်ပီ




२ कोरिन्‍थी 8:7
25 ပူးပေါင်းရင်းမြစ်များ  

ओ़ह तिङले सेर-टाङ कोहर्मु ङ्यी़ लेहन्‍गेन्‍दीगी ओहङदी मासीन, ‘ज़ी़-नाङदोङ, राहङगी ङाहला सेर-टाङ कोहर्मु ङ्यी़ नाङग्‍यो येहकें। ङाहगी ओहलेगी लेहमेन सेर-टाङ कोहर्मु ङ्यी़ ख्‍येप्‍साङ तेन्‍दी ख्‍योङदी येहबा।’


आदा-नो़ह दाङ आज्‍यी-नुहमुया़, ख्‍याया़ ज्‍यिबुराङ या़हबु येहबा माएँ ताम ङाहला या़हबु पेहती क्‍यी़ह येह। ओहले ख्‍या येहन्‍देनगी काहङदी च्‍यी़गी च्‍यी़ला या़हबु पेहती लोप ख़ूएँगी ओङॱआङ ख्‍या ङ्याम्‍बु येहबा।


च्‍यिबेमाना मास्‍यीकागी जेती ख्‍या ना थाम्‍ज्‍यीला छ्युक्‍पु काहल्‍दी येह। ओ़ह सोङबे ख्‍या ङ्याम्‍बु ताम मा ख़ूएँकी ओङ येहबा ओहले रिहक्‍स्‍यीला ख्‍या तोहरोङ याहरक्‍यी काहल्‍दी येहबा।


च्‍यिबेमाना च्‍यिमे च्‍यी़राङ नाम्‍पार-ताहक्‍पा थु लाहमले ओहराङ थाम्‍ज्‍यीगी ज़ुबु च्‍यी़लाॱराङ बप्‍तिस्‍मा ज्‍योर्ती येह– यहूदी यिहॱना़ यिहन, ग्रीक यिहॱना़ यिहन, योक्‍पु यिहॱना़ यिहन, सुज्‍यीगी योक्‍पु माहबेबाकी मिह यिहॱना़ यिहन, ओहराङ थाम्‍ज्‍यीला च्‍यिमे च्‍यी़राङ नाम्‍पार-ताहक्‍पा थु लाहमले थुङज्‍येला नाङसीन।


लाहलाला नाम्‍पार-ताहक्‍पा थु लाहमले रिहक्‍स्‍यीगी तामया़ माएँ, लाहलाला ओ़ह थु लाहमलेॱराङ येहन्‍देनगी तामया़ माएँ,


ङाह ङ्याम्‍बु तिङला ओहङगेन्‍गी तामया़ स्‍ये ख़ूएँगी ओङॱआङ येहटो, ओहले थाम्‍ज्‍यी तिहङ-रिहङबुगी तामया़ ङोह स्‍य़े खू़रो, थाम्‍ज्‍यी येहन्‍देनया़ॱआङ ङोह स्‍य़े खू़रो, ओहले लाह काहङदोया़ला ग्‍या़ च्‍यी़ले लेहमेन ग्‍या़या़ला पो ख़ूएँगी थाम्‍ज्‍यी यिह-छ्य़े ङाह ङ्याम्‍बु येहटो, यिहॱनाङ ङाह ङ्याम्‍बु चेवा मे़हसीमानादी ङाह च्‍यिॱआङ मिहम्‍बा।


चेवा नाहमॱआङ मेहतोङगे। लुहङदेनया़ था़ छ्येच्‍ये येह, तामया़ चो़हदी डोज्‍ये येह, येहन्‍देनकी तामया़ तोर्ती डोज्‍ये येह।


ओ़हठीॱराङ पेहती ख्‍याया़ॱआङ नाम्‍पार-ताहक्‍पा थुगी काबापया़गी तेहन्‍दाला ज्‍यिबुराङ चा़ पेहक्‍यो सोङबे दि काबापया़दी ख्‍याया़गी छेन्‍छोकला याहरक्‍यी ख्‍येर्केन्‍गी ल़ेहला चाल तिदोङ।


च्‍यिबेमाना लेहमेन मिहया़ म़ेदी ख्‍या च्‍यि तामला ख्‍येपार काहल्‍बा ले? च्‍यि ख्‍या ङ्याम्‍बु येहकेन्‍की ना थाम्‍ज्‍यी किन्‍ज्‍योगीॱराङ नाङग्‍यो मिहम्‍बा ले? ओ़हठी यिहन्‍सीमानानी ख्‍या च्‍यिबे लेहमेन सुज्‍यीगी तेरक्‍योॱराङ मिहम्‍बा रोहवा पेहती छ्य़ेन्‍दो तेन्‍गे ले?


खो ओहङग्‍यो सोङबे च्‍यी़राङ मिहम्‍बा, यिहॱनाङ तीतसगी ख्‍याया़ लाहमले ज़्‍योरक्‍योगी सेम लो तेहमुगी पेहती ङ्यिहगी सेम लो तेहमु काहल्‍सीन। ङाह ङ्याम्‍बु थू़ज्‍ये म़ेदी ख्‍याया़ ज्‍यिबुराङ सेम्‍बा पेहकु दु माएँ ताम ङ्यिहगी तीतस लाहमले क्‍यी़ह ज्‍योर्सीन। ङाहगी तेहन्‍दाला ख्‍याया़ ज्‍यिबुराङ ङ्याहङेन पेहकु दु लो ओहले तुहङालॱआङ पेहकु दु लो माएँ ताम थे़गेमु ङाह ज्‍यिबुराङ सेम काहसो काहल्‍सीन।


ओ़ह सोङबे तोहङस्‍यो दि ल़ेह तीतसगी छ़ूक्‍यो सोङबे ख्‍याया़गी पाहरक्‍यीॱलाङ ओ़ह ल़ेह छाङबु पेहच्‍यु म़ेदी ङ्यिहगी खोला ओहर-छ्य़े स्‍युहसीन।


किन्‍ज्‍योती था़ म़ेहबा काटीन ख्‍या थो़ला येहकें सोङबे खुङगी ख्‍याया़गी तेहन्‍दाला ज्‍यिबुराङ चा़ पेहती सोल्‍वाङ ताप्‍के।


किन्‍ज्‍योगी ख्‍या थाम्‍ज्‍यीला काटीन बोल्‍बु जेती नाङ थुप्‍कें। ख्‍याया़ला च्‍यि से़हदीॱआङ कोहपु डोज्‍ये म़ेह ओहले ख्‍यागी या़हबु ल़ेहया़ माहङबुराङ पेह ख़ूज्‍ये येह।


ख्‍यागी खालेगी चोक्‍पा तामया़ माहथेन्‍ज्‍यु, यिहॱनाङ ती़हजीला ते़बे ठाबे दाङ मिहली याहरक्‍यी डो च्‍युएँगी या़हबु तामया़ च्‍यी़राङ माएँ पेहतोङ, दि लाहमले ङ्यिहन्‍गे मिह थाम्‍ज्‍यीला काटीन ज्‍योर्च्‍यु।


किन्‍ज्‍योकी ज़िज्‍यिद दाङ त़ेरा तेच्‍याकी तेहन्‍दाला येशू मास्‍यीका लाहमले ओहङगेन टाहङदेनकी सेदोगी ख्‍याया़ काहङदी तेहतोङ।


ङाहती सोल्‍वाङ दिराङ यिहम्‍बा– येहन्‍देन दाङ या़हबु चोक्‍पा खा फे़ ख़ूएँगी रिहक्‍स्‍यीला ख्‍याया़गी चेवा माहङरो माहङरो पेहती डो ख़ूज्‍यु।


आदा-नो़ह दाङ आज्‍यी-नुहमुया़, ख्‍याया़गी तेहन्‍दाला नाहम्‍माॱनाङ ङ्यिहगी किन्‍ज्‍योला थुज्‍यी-छ्ये़ फुलॱराङ कोहएँ। ओहले ओ़ह ल़ेहमु पेहक्‍योदी या़हबु यिहम्‍बा च्‍यिबेमाना ख्‍या फे़बे मे़हमेया़की तेहपा माहङरो माहङरो पेहती काहल्‍दी येह। ओहले ख्‍या राहङ नाङदोङगी चेवाॱआङ जेन-जेन माहङरो माहङरो पेहती डोॱराङ येह।


ओ़ह सोङबे ख्‍ये, ए ङाहगी पुह, मास्‍यीका येशू थो़ला येहकेन्‍गी काटीनला सान्‍दी पेहती तेह।


ओ़ह सोङबे युङॱराङ मी़हखुएँगी क्‍याहल-खाप ओहराङगी ज़्‍योरक्‍यो सोङबे किन्‍ज्‍योला थुज्‍यी-छ्ये़ फुल्‍दोङ ओहले मिहरोला थु ङ्ये़हएँगी छ्याप्‍स्‍यी पेहती क्‍याप्‍तोङ ओहले किन्‍ज्‍योकी ज्‍यिक्‍पा खुर्ती मिहरोला छ्येपा फुल्‍दोङ।


ता़ह तेहन्‍दामकी स्‍याहलला ची़दे ख्‍याया़गी राहङलाराङ चाङमा ज़ोक्‍यो सोङबे राहङगी आदा-नो़हया़ला च्‍याहङज्‍यु सेम्‍बा थो़दी चेवा पेहतोङ, ओहले सेम तिहङ यिहन्‍ज्‍युराङ च्‍यी़गी च्‍यी़ला चेवा पेहतोङ।


यिहॱनाङ ओहराङ चो़वो दाङ थार्पा नाङगेन येशू मास्‍यीकाकी काटीन दाङ येहन्‍देनला याहरक्‍यी पेहती सोङ। मिह-रो़हलाॱराङ ताहन्‍दा दाङ नाहम-माना ज़िज्‍यिद ओहङज्‍यु। आमेन।


ङाह छ्युक्‍पु येह, ओहले ङाह ङ्याम्‍बु क्‍युह-नोहर येह, ओहले ङाहला च्‍यि से़हदीॱआङ कोम्‍बु म़ेह म़ेदी ख्‍येगी माएँ, यिहॱनाङ ख्‍ये काहजे थाप-तुहक्‍पा, निङ-च्‍योहवा, प्राङबु, स्‍याहर्ना दाङ च्‍येहन्‍डामु दु। यिहॱनाङ ख्‍येगी छोरॱटाङ मेहछोर दु।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ