२ कोरिन्थी 7:2 - ह्योल्मो2 ख्यागी सेम नाहङला तेहच्येला ङ्यिहला ग्या़ लाङ। ङ्यिहगी सुज्यीॱलाङ चोक्पा पेहक्यो म़ेह। ङ्यिहगी सुज्यीॱलाङ नोङग्यो म़ेह। ङ्यिहगी सुज्यी लाहमलेॱआङ ख्येप्साङ लेहन्दी म़ेह အခန်းကိုကြည့်ပါ။ |
२ कोरिन्थी 7:2
23 ပူးပေါင်းရင်းမြစ်များ
ङ्यिह दि जाम्बुलीङला च्यी़राङ मिहम्बा यिहॱनाङ ख्याया़गी दिनॱलाङ ङ्यिहगी राहङगी डोलु-तेहलुया़ टाहङबु पेहती किन्ज्योगी थु-ङ्य़ेबुगी मिहजी ताङदी येहबा दि तामला ङ्यिह ख्याया़ला छ्य़ेन्दो तेन्दी मा ख़ूएँ ओहले ङ्यिहगी राहङगी नावागीॱआङ दिराङ पाङबु तेर्के, दि जाम्बुलीङगी रिहक्स्यी लाहमले मिहम्बा, यिहॱनाङ दि किन्ज्योगी काटीन लाहमले यिहम्बा।
ख्या ङ्याम्बु येहकेंमु ङाहला माहङबुराङ से़हया़दी कोम्बु काहल्दी येहकें यिहॱनाङ ङाहगी सुज्यीॱलाङ तुहक्पु माहतेर, च्यिबेमाना माकेडोनिया लुहङबाले ओहङग्यो नो़हया़गी ङाहला कोहकेन्गी से़हया़ थाम्ज्यीराङ छाङबु पेह तेर्सीन। दि तामला ङाहगी ख्याया़ला तोहङलेॱआङ तुहक्पु तेर्ती म़ेह ओहले तिङलेॱआङ तेर्च्ये म़ेह।
ङ्यिहगी ङोह छाएँगी ल़ेहया़ दाङ यिहप्ती-यिहप्ती पेहकेन्गी ल़ेह चोक्पाया़ पाङदी येहबा। ङ्यिह गो़ कोर च्य़ूदी ल़ेह मेहबेकें ओहले किन्ज्योगी सुङला याहर-माहर मेहबेकें। यिहॱनाङ तेहन्दामला ङ्यिह छ्यिसाल-नाहङसाल पेहती प्रा साल्गे ओहले किन्ज्योगी ज़ी़लुला ङ्यिह तेहन्दाम दाङ टाहङबु पेहती मिह थाम्ज्यीगी थोङगे पेहती मिहजी ताङगेराङ येह।
ကြော်ငြာတွေ