२ कोरिन्थी 7:11 - ह्योल्मो11 ख्या थो़ला बाप्क्यो तुहक्पु लाहमले किन्ज्योगी च्यि जे नाङबा, टेहम्बा साल्दोङ, दि तुहक्पुगी ख्याया़ला तेहम्बा-तेहन्सुम ज़ोसीन, च्यिॱआङ क्येन म़ेह म़ेदी तेन्ज्येला सेमला मेह ती़ह च्य़ूसीन, ख्याया़ला काहन्डुमु स्यिहताङ लाहङ च्य़ूबा, ख्याला काह-ठि तुहङाल लाहङ च्य़ूबा, ख्याला काह-ठि नोम्साङ ताङ च्य़ूबा ओहले किन्ज्योला क्याप्च्येला काहन्डुमु सेम्बा क्ये च्य़ूबा। ख्याया़ नाहङला तिहक्पा पेहकेनया़ला ङ्य़ेहबा काल्गेन्गी सेमॱआङ क्येसीन। दि थाम्ज्यी लाहमले ख्याया़ला च्यिॱआङ क्येन मेह माएँ ताम क्यी़ह ज्योर्के। အခန်းကိုကြည့်ပါ။ |
२ कोरिन्थी 7:11
54 ပူးပေါင်းရင်းမြစ်များ
खो ओहङग्यो सोङबे च्यी़राङ मिहम्बा, यिहॱनाङ तीतसगी ख्याया़ लाहमले ज़्योरक्योगी सेम लो तेहमुगी पेहती ङ्यिहगी सेम लो तेहमु काहल्सीन। ङाह ङ्याम्बु थू़ज्ये म़ेदी ख्याया़ ज्यिबुराङ सेम्बा पेहकु दु माएँ ताम ङ्यिहगी तीतस लाहमले क्यी़ह ज्योर्सीन। ङाहगी तेहन्दाला ख्याया़ ज्यिबुराङ ङ्याहङेन पेहकु दु लो ओहले तुहङालॱआङ पेहकु दु लो माएँ ताम थे़गेमु ङाह ज्यिबुराङ सेम काहसो काहल्सीन।
च्यिबेमाना स्याहप्तो स्य़ूहज्येला ख्याया़ती ज्यिबुराङ छ्यिम्बु सेम्बा येहबा म़ेदी ङाहला क्यी़ह येह। ख्याया़गी तेहन्दाला ङाहगी माकेडोनियाकी मिहया़लाॱआङ छ्य़ेन्दो तेन्दी मासीन। नाहनीङ यिहन्ज्युराङ अखैयाला येहकेन्गी ख्याया़ दि तेर्केन्गी ल़ेहला ठाबे काहल्दी येहकें म़ेदी ङाहगी खुङया़ला स्य़ेसीन। ख्याती स्युक थोङदी खुङया़ नाहङॱलाङ माहङ-छ्येवाला स्युक क्येदी येहबा।
ए ङाहगी च्याहम्बु रो़हया़, ङाह ख्या ङ्याम्बु येहकेंमु ख्याया़गी नाहम-माना ङाहती तामया़ ङ्यिहन्सीन, यिहॱनाङ ता़ह ङाह ख्यालेगी था़-रिहङबु येह ङाह ख्या ङ्याम्बु मे़हॱनाङ ङाहती तामया़ जेन माहङबु पेहती ची़दोङ ओहले किन्ज्योकी ज्यिक्पा खुर्तोङ, दार्ती राहङगी ज़्योरक्यो थार्पाकी ल़ेह छाङबु पेहच्येला तुहक्पु पेहतोङ।
यिहॱनाङ याहर किन्ज्यो लाहमले ओहङग्योगी रिहक्स्यीनी तोहङस्यो क़ेह-चाङमा ओहङगे खोगी स्य़िहदेला यिह छ्य़ेएँ, ओ़ह रिहक्स्यी ज्योर्केन मिह थेका दाङ मिह थाम्ज्यी ङ्याम्बु थिन्गे, खो निङज्यीगी काहङग्यो ओहङगे, खोगी नाहम-माना या़हबु ल़ेह पेहकें, खोगी सुलाॱआङ ङ्येम्बा-ङ्य़ेहरी मेहबेकें, खो यिहन्दो तेन्गे मेहयोहङगे।
ကြော်ငြာတွေ