२ कोरिन्‍थी 6:14 - ह्योल्‍मो

¹⁴ मास्‍यीकाला यिह मे़हछ्येगे मिहया़ला राहङ ङ्याम्‍बु ङ्यास्‍यीङ च्‍यी़ला काल्‍ज्‍ये माहछोल। च्‍यिबेमाना छ्य़े पेहकें मिह दाङ मिह ङ्येहम्‍बा ङ्याम्‍बुराङ डी़दी तेह मी़हखुएँ, ओ़हठीॱराङ पेहती ना़-जुबे दाङ क्‍या-साङेॱआङ ङ्याम्‍बु तेह मी़हखुएँ।

२ कोरिन्‍थी 6:14 ပူးပေါင်းရင်းမြစ်များ

यूहन्‍ना 7:7

जाम्‍बुलीङगी मिहया़गी ख्‍याला ङेन्‍ज्‍येन पेह मी़हखुएँ, यिहॱनाङ ङाहलादी ङेन्‍ज्‍येन पेहकें, च्‍यिबेमाना ङाहगी जाम्‍बुलीङगी मिहया़ती डोलु-तेहलुया़ चोक्‍पा येह म़ेदी पाङबु तेर्के।

ल़ेह-पेन 4:23

पत्रुस दाङ यूहन्‍ना ओ़ह ग्‍या़लेगी थेन्‍दी राहङ रो़हया़साला काहल्‍दी पूजाहारी छ्यिम्‍बु दाङ पोम्‍बोया़गी माक्‍योगी थाम्‍ज्‍यीराङ तामया़ खुङला स्‍येसीन।

१ कोरिन्‍थी 10:21

ख्‍याया़ चो़वोकी स्‍याहलु दाङ ल्‍हान्‍डा-ल्‍हेन्‍डीया़की मेहन्‍ज्‍या ङ्यिकाराङ लाहमले थुङ मी़हखुएँ। ख्‍याया़ चो़वोकी सोल्‍ज्‍यु दाङ ल्‍हान्‍डा-ल्‍हेन्‍डीया़गी चोक्‍ची ङ्यिकाराङ लाहमले साह मी़हखुएँ।

१ कोरिन्‍थी 15:33

ख्‍या तेहन्‍दाम म़ेहबागी तामया़ला यिहम्‍बा म़ेदी माहतेह। चोक्‍पा मिहया़ ङ्याम्‍बु च्‍याम्‍गेमु या़हबु मिहया़ॱआङ नोहङगे।

१ कोरिन्‍थी 5:9

ङाहगी प्रुहक्‍योकी यिहगीला ख्‍याया़ला छ्येउ-छ्येंमु पेहकें मिहया़ ङ्याम्‍बु माहच्‍याम म़ेदी माक्‍यो येहकें।

१ कोरिन्‍थी 6:6

यिहॱनाङ मास्‍यीकापा नो़ह च्‍यी़गी लेहमेन नो़ह च्‍यी़ ङ्याम्‍बु ठुक्‍पा क्‍याहप्‍ती ठिम-खाङला डोएँ, ओ़हदीॱआङ किन्‍ज्‍योला यिह-छ्य़े माहबेबाकी मिहया़गी दिनला!

१ कोरिन्‍थी 7:39

ख्‍योवा येहकें थु पी़हमी राहङवाङ मेहयोहङगे। का़हलेॱआङ ख्‍योवा स्‍यिसीमाना मोह येहपाराङ राहङगी सेम थेप्‍क्‍यो मिह ङ्याम्‍बु पा़हमा पेह ख़ूएँ, यिहॱनाङ खोदी चो़वोला यिह-छ्य़े पेहकेन्‍गी मिहराङ ओहङ कोहएँ।

फिलिप्‍पी 2:15

ओ़हठी पेहसीनमाना ख्‍या तिहक्‍च्‍येम्‍बा दाङ नोहङग्‍यो मिहया़गी पाहरक्‍यीला च्‍यिॱआङ ङ्य़ेहबा-छ्यू़बा म़ेहबा किन्‍ज्‍योकी पेहजा ल़ेहमुराङ क्‍येन माहफो़बा दाङ चाङमा ओहङज्‍ये येह। खुङया़गी पाहरक्‍यीला ख्‍या नामदी कार्माया़ ल़ेहमुराङ येहसेर क्‍याहप कोहएँ।

याकूब 4:4

ए छ्येउ-छ्येंमु पेहकेन मिहया़! जाम्‍बुलीङला निङज्‍यी पेहकें मिह किन्‍ज्‍योकी टाह ओहङगे माएँ ताम च्‍यि ख्‍याला क्‍यी़ह म़ेहबा? ओ़ह सोङबे जाम्‍बुलीङला रोह ज़ोज्‍ये छोल्‍गेन्‍दीगी किन्‍ज्‍योला राहङगी टाह ज़ोएँ।