२ कोरिन्‍थी 5:9 - ह्योल्‍मो

⁹ ओ़ह सोङबे ङ्यिह स्‍या दाङ रेहकोगी ज़ुबुला येहॱनाङ, यिहक्‍तेन ज़ुबुला येहॱनाङ मिहरोला थु ङ्य़ेबु ज़ोएँदीॱराङ ङ्यिहगी चा़ छ्यिम्‍बु ल़ेह यिहम्‍बा।

२ कोरिन्‍थी 5:9 ပူးပေါင်းရင်းမြစ်များ

यूहन्‍ना 6:27

तोङदी डोएँगी खुराकी तेहन्‍दाला तुहक्‍पु माहबे, यिहॱनाङ था़ म़ेहबा मिहली ज़ाङबु तेर्केन खुराकी तेहन्‍दाला तुहक्‍पु पेहतोङ, ओ़ह ख्‍याया़ला मिहगी स़ेबुगी नाङज्‍ये येह। च्‍यिबेमाना किन्‍ज्‍यो याहपगी स़ेबु थो़ला राहङदी पार क्‍याहप नाङदी येह।”

ल़ेह-पेन 10:35

का़हन्‍दी क्‍यिहपागी मिह यिहॱनाङ, किन्‍ज्‍योगी ज्‍यिक्‍पा पेहकें दाङ या़हबु ल़ेह पेहकेनया़ला किन्‍ज्‍योगी थुज्‍यी ज़ी़ नाङगेन।

रोमी 14:18

दि ल़ेहमु छ्याप्‍स्‍यी पेहती मास्‍यीकाला स्‍याहप्‍तो स्‍युहएँया़गी किन्‍ज्‍योकी थु काहसो ज़ोएँ ओहले मिहया़गी तालुलाॱआङ खुङ या़हबु सी़हगे।

रोमी 14:8

का़हलेॱआङ ओहराङ थार्के मासीमाना चो़वोकी तेहन्‍दालाराङ थार्के ओहले स्‍यिएँ मासीमानाॱआङ चो़वोकी तेहन्‍दालाराङ स्‍यिएँ। ओ़ह सोङबे ओहराङ थार्नाॱआङ, स्‍यिॱना़ङ ओहराङ चो़वोदीॱराङ यिहन।

रोमी 15:20

लेहमेन मिहगी तिङग्‍यो ब्रामला खाङबा ज़ोक्‍यो ल़ेहमुराङ लेहमेन मिहगी या़हबु लेहङगु स्‍य़े सिहन्‍ग्‍यो ग्‍या़ला ङाह या़हबु लेहङगु ख्‍येप्‍टा मेहक्‍याहप्‍कें। मास्‍यीकाकी तेहन्‍दाला थे़ॱराङ मा़हथेबा ग्‍या़या़ला च्‍यी़राङ ङाहला ख्‍येप्‍टा क्‍याहप्‍च्‍येला ज्‍यिबुराङ छ्यिम्‍बु सेम्‍बा येहबा।

१ कोरिन्‍थी 15:58

ओ़ह सोङबे ङाहगी च्‍याहम्‍बु आदा नो़ह दाङ आज्‍यी-नुहमुया़, ख्‍या सेम माहयाहङबा पेहती थिक-चि पेहती तेहतोङ। चो़वोगी छ्या़लेला ख्‍या नाहम-माना याहरक्‍यी पेहती सोङ। च्‍यिबेमाना ख्‍याया़ला क्‍यी़हराङ येहबा, चो़वोगी तेहन्‍दाला पेहक्‍योगी ख्‍याया़गी तुहक्‍पु नाहमॱआङ थोरो डोज्‍ये म़ेह।

२ कोरिन्‍थी 5:6

ओ़ह सोङबे ङ्यिह का मे़हक्‍याहल्‍गे। ओहराङला क्‍यी़हराङ येह, ओहराङ ज़ुबुला येहकें थु ओहराङ चो़वो ङो़ले खा फ़ेक्‍योॱराङ ओहङगे।

२ कोरिन्‍थी 5:8

ङ्यिह का मे़हक्‍याहल्‍गे, तोहरोङ ज़ुबु लाहमले खा फ़ेदी चो़वो ङ्याम्‍बु तेहच्‍ये सेम्‍बा येहबा।

एफिसी 1:6

ओहजे छ्यिम्‍बु काटीनगी तेहन्‍दाला ओहराङ किन्‍ज्‍योला थुज्‍यी-छ्ये़ फुल्‍दोङ। मिहरोगी राहङगी चेवा जे नाङग्‍योकी स़ेबु ओहराङला आहन्‍डाराङ फुल नाङसीन।

कलस्‍सी 1:10

ओहले ख्‍याया़गी चो़वोला थु ङ्ये़एँगी मिहजी ताङदी नाहम-माना मिहरोला क़ेहनाङ लाहङ च्‍य़ू ख़ूज्‍यु ओहले थाम्‍ज्‍यी या़हबु ल़ेहया़ला सेदो या़ह च्‍य़ूगेनॱराङ किन्‍ज्‍योकी येहन्‍देनला याहरक्‍यी पेहती डो ख़ूज्‍यु।

कलस्‍सी 1:29

मास्‍यीकागी नाङग्‍यो ङाह नाहङला छ्या़ले जे नाङगे वाङज्‍या छ्यिम्‍बुगीॱराङ ङाह सेम तिहङ यिहन्‍ज्‍युराङ कादुप च्‍येती दि ल़ेह पेहकें।

१ थेसलोनिकी 4:1

ता़ह ज्‍युक्‍स्‍योलला आदा-नो़ह दाङ आज्‍यी-नुहमुया़, चो़वो येशूगी छेनला ङ्यिह राहङ फ़ेबे-म़ेहमेया़ला थाल्‍मा च्‍याहर्ती दि उर्चु पेहको येह, ख्‍या फ़ेबे-म़ेहमेया़गी ङ्यिह लाहमले किन्‍ज्‍योला थु ङ्ये़एँगी डोलु-तेहलुया़ लोप नाङदी येह ओहले लोप्‍क्‍यो ल़ेहमुराङ ख्‍या फबे-मे़हमेया़गी नाहरे जे नाङगेराङ येह। ओ़ह ल़ेहमु डोलु-तेहलुया़ला ख्‍या फ़ेबे-म़ेहमेॱया जेन-जेन या़हबु पेहती फेप नाङदोङ।

१ थेसलोनिकी 4:11

ङ्यिहगी ख्‍या फ़ेबे-म़ेहमेया़ला तोहङले माक्‍यो ल़ेहमुराङ सेम लो तेहमुगी मिहजी ताङज्‍येला सेम्‍बा पेहतोङ। ओहले राहङ-राहङगी ल़ेहया़ला सेम या़हबु ताङदोङ ओहले राहङ लाहक्‍पागीॱराङ ल़ेह पेहतोङ।

१ तिमोथी 4:10

ओ़ह सोङबे ङ्यिह ला़ खाॱनाङ मे़हखाॱनाङ कादुप च्‍येती ल़ेह पेहकें च्‍यिबेमाना ङ्यिहगी रेहवा सोम्‍बो ज़्‍य़ू नाङगेन किन्‍ज्‍यो थो़ला ज़्‍या़दी येह। ओहले मिह-रो़हराङ मिह थाम्‍ज्‍यीला थार्पा नाङगेन्‍गी किन्‍ज्‍यो यिहम्‍बा खास पेहतीती मिहरो थो़ला म़ेहबा पेहकेनया़ला थार्पा नाङगेन्‍गी किन्‍ज्‍यो यिहम्‍बा।

हिब्रू 12:28

ओ़ह सोङबे युङॱराङ मी़हखुएँगी क्‍याहल-खाप ओहराङगी ज़्‍योरक्‍यो सोङबे किन्‍ज्‍योला थुज्‍यी-छ्ये़ फुल्‍दोङ ओहले मिहरोला थु ङ्ये़हएँगी छ्याप्‍स्‍यी पेहती क्‍याप्‍तोङ ओहले किन्‍ज्‍योकी ज्‍यिक्‍पा खुर्ती मिहरोला छ्येपा फुल्‍दोङ।

हिब्रू 4:11

ओ़ह सोङबे ओ़ह थाङ सोएँ ग्‍या़ला स्‍य़ूहज्‍येला ला़ खाजेबा स्‍युक पेहतोङ। ओहराङ सुज्‍यीॱआङ किन्‍ज्‍योकी का मा़हचीबा सोङबे तोङदी माहन्‍डोज्‍यु।

२ पत्रुस 3:14

ओ़ह सोङबे ए च्‍याहम्‍बु रो़हया़, ख्‍या दि तामया़ला कू़हदी तेहकेन्‍गी मिहया़ यिहन्‍गे सोङबे, किन्‍ज्‍योगी ज़ी़लुला राहङ चाङमा पेहती, च्‍यिॱआङ क्‍येन म़ेहबा पेहती ओहले स्‍य़िहदे पेहती तेहच्‍येला ला़ खाजे स्‍युक पेहतोङ।