२ कोरिन्थी 5:14 - ह्योल्मो14 ङ्यिहनी मास्यीकागी चेवागी ओङ चो़ला येहबा। च्यिबेमाना मास्यीका मिह थाम्ज्यीगी तेहन्दाला टोहङ नाङसीन ओ़ह सोङबे ङ्यिह थाम्ज्यी स्यिसीन दि केच्या ङ्यिहला क्यी़ह येहबा। အခန်းကိုကြည့်ပါ။ |
२ कोरिन्थी 5:14
43 ပူးပေါင်းရင်းမြစ်များ
यिहॱनाङ किन्ज्योगी आहन्डाराङ नाङग्यो काबाप दाङ आदमकी तिहक्पाला माहङबुराङ ख्येपार येहबा। च्यिबेमाना मेहन्दा च्यी़गी पेहक्यो तिहक्पागी पेहती मिह माहङबुराङ स्यिसीन मानानी तोहरोङ माहङबु किन्ज्योगी काटीन दाङ मेहन्दा च्यी़, पे यिहॱना़: येशू मास्यीका लाहमले आहन्डाराङ ओहङग्यो काबाप, मिह माहङबुराङगी तेहन्दाला बोल्बु काहल्सीन।
तोह-याम्बाला छ्य़े-ठिम प्री़हदी तेरक्यो ती़हजीला किन्ज्योकी येहसेर छ्यिम्बुच्यी ओ़हला थोङसीन। ओ़ह येहसेरॱराङ मोशाकी तोहङबाला लेप्क्यो येहकें। तिङले ओ़ह येहसेर छ्यिम्बु लोप्से-लोप्से पेहती तोर्ती डोएँमुॱआङ इस्राएल क्याहल-खापकी मिहया़गी खोला थेका सिरे ता मा़हखु मासीमाना थुगी नोम फेप्केन्गी छ्या़लेनी तोहरोङ काहजे माहङबु येहसेर छ्यिम्बु ओहङडो!
ङाहगी निङबा मिहली मास्यीका ङ्याम्बुराङ क्याहङस्यीङला च्याङदी स्यिक्यो येह, ता़ह यिहन्ज्यु ङाह मिहम्बा ङाह नाहङला मास्यीका ज़्य़ू नाङदी येहबा। ताहन्दा ङाह ज़ुबुला थार्ती तेहक्योदी ङाहला माहङबुराङ चेवा जेती ङाहगी तेहन्दाला मिहजी नाङगे किन्ज्योगी स़ेबु थो़ला तेहपा पेहती थार्केराङ येहबा।
च्यिबेमाना तोहङले ओहराङॱआङ उल्दुम्बा येहकें, माक्यो ताम मिहङ्यीहन्गेनदी येहकें, आला ख्याम्दी येहकें, नामे नाजोकी डे़छ्या दाङ ङ्याहम्साङ खाम्साङकी योक्पु काहल्दी येहकें, मिहला सेम चोक्पा च्याङदी ठादो पेहती राहङगी मिहजी ताङगो येहकें, मिहया़गी ओहराङला ङ्येन्ज्येन पेहको येहकें ओहले ओहराङगीॱआङ मिहया़ला ङ्येन्ज्येनॱराङ पेहको येहकें।
यिहॱनाङ ओहराङगी येशूला थोङ ख़ूएँ। किन्ज्योगी येशूला याहम्बीज्यीगी तेहन्दाला च्यी़राङ स्यिहङगामकी स्याहप्च्यीया़ म़ेदी फेमा ज़ो नाङसीन। किन्ज्योगी काटीन लाहमले मिह थाम्ज्यीगी तेहन्दाला येशू टोहङ नाङसीन। दि तुहक्पु येशूगी खुर नाङग्यो सोङबे किन्ज्योगी मिहरोला ज़िज्यिद दाङ ची़नाङ जेती पेस्यो केन नाङसीन।
ကြော်ငြာတွေ