२ कोरिन्थी 5:1 - ह्योल्मो1 ओहराङला क्यी़हराङ येहबा, ताहन्दा ओहराङगी दि स्या दाङ रेहकोगी ज़ुबु तोङदी डोनाॱआङ स्यिहङगामला नाहम्स्यी किन्दुॱराङ लिहकेन्गी किन्ज्योगी ज़ो नाङग्योकी खाङबा येहबा, ओ़ह लाहक्पागी ज़ोक्यो खाङबा मिहन। အခန်းကိုကြည့်ပါ။ |
ख्या मास्यीका ङ्याम्बु च्यी़राङ डी़क्यो सोङबे ख्यागी तेहन्दामकी स्या-ताक ज्योर्सीन। दि स्या-ताकती मिहगी ज़ुबुला क्याहप तेर्केन्गी स्या-ताक मिहम्बा, यिहॱनाङ दि मास्यीकागीॱराङ क्याहप नाङग्योकी स्या-ताक यिहम्बा। दि स्या-ताकगी मिहगी ज़ुबु लाहमले पेहकेन्गी तिहक्पाकी पेहताङया़ला पिती क्युर च्य़ूगे।
ओ़ह सोङबे ङाह दि से़हया़ला तुहक्पु खुर्केॱराङ येहबा। यिहॱनाङ ङाहला दिगी तेहन्दाला च्यिॱआङ ङोहजा मेहयोहङगे च्यिबेमाना ङाहगी सु थो़ला म़ेहबा पेहक्यो येहबा ओ़ह ङाहला या़हबु पेहती क्यी़ह येहबा। किन्ज्योगी ङाहला चि क्याहप नाङग्योकी से़हया़ मिहरोगीॱराङ ओ़ह ङ्यिहमा थु सी़दे ज़्या़ नाङज्ये येह। दि तामला ङाह म़ेहबा पेहकें।
ए ङाहगी च्याहम्बु रो़हया़, ताहन्दानी ओहराङ किन्ज्योगी छार्क्यीनया़राङ यिहम्बा यिहॱनाङ तिङलेनी ओहराङ च्यि ओहङगे यिहम्बा, ओ़हगी तेहन्दाला किन्ज्योगी ओहराङला ह्अ कोह च्य़ू नाङदी म़ेह। यिहॱनाङ मास्यीका फेप नाङ फान्ज्यो ओहराङॱआङ मिहरो ल़ेहमुराङ डोज्ये येह च्यिबेमाना मिहरो काहन्डुमु येहबा, ओहराङगी मिहरोला ओ़ह ल़ेहमुराङ थोङज्ये येह।