२ कोरिन्‍थी 4:12 - ह्योल्‍मो

¹² दि ल़ेहमु पेहती स्‍यिवागी ङ्यिहगी पाहरक्‍यीला ल़ेह पेहक्‍यो येहबा, ओ़हठीॱराङ पेहती मिहलीगीदी ख्‍याया़गी पाहरक्‍यीला ल़ेह पेहकेनॱराङ येहबा।

२ कोरिन्‍थी 4:12 ပူးပေါင်းရင်းမြစ်များ

ल़ेह-पेन 20:24

यिहॱनाङ, ङाहगी मिहली ङाहगी तेहन्‍दालानी च्‍यिॱआङ फेन थो़ज्‍ये म़ेह। ङाहला देजे च्‍यी़राङ सेम्‍बा येहबा, किन्‍ज्‍योगी मिहया़ला काटीन जे-नाङदी येहबा माएँ या़हबु लेहङगुगी तामया़ मिहया़ला स्‍य़े ख़ूज्‍यु म़ेदी ओ़ह छ्या़लेया़ तेहन्‍दा डुप च्‍य़ूज्‍येला चो़वो येशूगीराङ ङाहला कुल नाङग्‍यो यिहम्‍बा।

१ कोरिन्‍थी 4:10

ङ्यिहनी मास्‍यीकाकी तेहन्‍दाला उल्‍दुम्‍बा काहल्‍दी येहबा, यिहॱनाङ ख्‍यानी मास्‍यीकाला ख्‍येम्‍बा-ताहक्‍पु काहल्‍सीन दु। ङ्यिह ङ्याम्‍बुनी स्‍युक म़ेह, यिहॱनाङ ख्‍या ङ्याम्‍बुनी स्‍युक छ्यिम्‍बु येहबा। ङ्यिहलानी का़हला माॱनाङ मिहया़गी ङ्येन्‍ज्‍येन पेहकें यिहॱनाङ ख्‍याया़लानी चा़ पेहकें।

२ कोरिन्‍थी 12:15

ख्‍याया़गी तेहन्‍दाला ङाह ना थाम्‍ज्‍यीराङ से़हया़ क़ेहनाङ पेहती तेर्के, ओहले राहङगी ज़ुबुराङ तेर कोहएँ माॱनाङ तेर्कें। का़हलेॱआङ ङाहगी ख्‍याया़ला चेवा माहङबु पेहसीमाना च्‍यि ख्‍यागी ङाहलादी चेवा ङ्ये़हमु पेहकें ले?

२ कोरिन्‍थी 13:9

च्‍यिबेमाना ङ्यिह मा-फाम्‍बु डोएँमु ओहले ख्‍याया़दी स्‍युक छ्यिम्‍बु डोएँमु ङ्यिह सेम काहसो पेहकें। ख्‍याया़ याहरक्‍यी डोज्‍यु म़ेदीराङ ङ्यिह सोल्‍वाङ ताप्‍कें।

२ कोरिन्‍थी 4:11

येशूगी मिहजी दि ओहराङदी स्‍यिदी डोएँगी ज़ुबुला थोङ ख़ूज्‍यु म़ेदीराङ ङ्यिह ताहन्‍दा सोम्‍बो येहकेमुॱआङ येशूगी तेहन्‍दाला नाहम्‍माॱनाङ स्‍यिवाकी खाला छ्यितीॱराङ तेहकें।

२ कोरिन्‍थी 4:13

“ङाहगी यिह-छ्य़े पेहसीन, ओ़ह सोङबे ङाहगी ताम मासीन” म़ेदी छ्य़ेला प्रुहएँ मिहला यिह-छ्य़े पेहकेन्‍गी यिह येहकें ल़ेहमुराङ ङ्यिहलाॱआङ यिह-छ्य़े पेहकेन्‍गी यिह येहबा। ओ़ह सोङबे ङ्यिह यिह-छ्य़े पेहकें ओहले ताम माएँ।

फिलिप्‍पी 2:17

का़हलेॱआङ ख्‍यागी फुल्‍ग्‍यो यिह-छ्य़ेकी मार्च्‍येला ङाहतीॱआङ ठा़ मार्च्‍ये ल़ेहमुराङ पेहती फुल्‍दी स्‍याहल च्‍य़ू कोहॱनाङ ङाहला काहसो येह, ओहले ङाह ख्‍या थाम्‍ज्‍यी ङ्याम्‍बु क़ेहनाङ पेहकें।

फिलिप्‍पी 2:30

च्‍यिबेमाना, मास्‍यीकाकी छ्या़लेकी तेहन्‍दाला स्‍याहप्‍तो स्‍युहएँमु नो़ह याहम्‍बीज्‍यीगी मिहम्‍बा स्‍यिवागी खाला छ्यि सिहन्‍ग्‍यो येहकें। ख्‍यागी ङाहती तेहन्‍दाला छाङबु पेह मा़हखुबाकी रो़हराम खोगी छाङबु पेहसीन।

१ यूहन्‍ना 3:16

मास्‍यीकागी ओहराङगी तेहन्‍दाला राहङगी कुसोॱराङ नाङसीन। ओ़ह सोङबे ओहराङगी मास्‍यीकागी चेवा ङोह स्‍य़ेदी येहबा। ओहराङगीॱआङ राहङगी आदा-नो़ह दाङ आज्‍यी-नुहमुया़गी तेहन्‍दाला राहङगी ज़ुबु तेर कोहएँ।