२ कोरिन्‍थी 4:11 - ह्योल्‍मो

¹¹ येशूगी मिहजी दि ओहराङदी स्‍यिदी डोएँगी ज़ुबुला थोङ ख़ूज्‍यु म़ेदीराङ ङ्यिह ताहन्‍दा सोम्‍बो येहकेमुॱआङ येशूगी तेहन्‍दाला नाहम्‍माॱनाङ स्‍यिवाकी खाला छ्यितीॱराङ तेहकें।

२ कोरिन्‍थी 4:11 ပူးပေါင်းရင်းမြစ်များ

रोमी 8:11

का़हलेॱआङ येशूला टोहङग्‍योलेगी सोम्‍बो ज़्‍याङ च्‍य़ू नाङगेन किन्‍ज्‍योगी थु ख्‍या ङ्याम्‍बुॱआङ ज़्‍य़ू नाङसीन मानानी, मास्‍यीका येशूला टोहङग्‍योलेगी सोम्‍बो ज़्‍याङ च्‍य़ू नाङगेन्‍दीगीराङ ख्‍या ङ्याम्‍बु ज़्‍य़ू नाङगेन मिहरोगी थु लाहमले ख्‍यादी स्‍यिदी डोएँ ज़ुबुलाॱआङ मिहली नाङज्‍ये येह।

रोमी 8:36

छ्य़ेला दि ल़ेहमु प्री़हदी येहबा, “राहङगी तेहन्‍दाला ङ्यिह ङ्यिहमा-टाहङमाराङ स्‍यिएँ, ङ्यिह सेच्‍येला ठाबे पेहक्‍योकी ल़ूह ल़ेहमुराङ यिहम्‍बा।”

१ कोरिन्‍थी 15:31

आदा नो़ह दाङ आज्‍यी-नुहमुया़, ख्‍याया़ दाङ ङ्यिह ङ्यी़ चो़वो येशू मास्‍यीकाला येहकेन्‍गी ङाहगी छ्य़ेन्‍दोगी ङाह दि मा ख़ूएँ “ङाह ङ्यिहमा-टाहङमाराङ स्‍यिएँ।”

१ कोरिन्‍थी 15:49

ताहन्‍दा ओहराङगी सासागी ज़ोक्‍योगी ज़ुबु लेहन्‍दी येहबा। ओ़हठीॱराङ पेहती तिङले ओहराङगी स्‍यिहङगामकी मिहती ल़ेहमुराङ ज़ुबु लेहन्‍ज्‍ये येह।

२ कोरिन्‍थी 4:10

येशूगी मिहजी ङ्यिह राहङगी ज़ुबुला थोङ ख़ूज्‍यु म़ेदी ङ्यिह मिहरोगी स्‍यिवा नाहम्‍माॱनाङ राहङगी ज़ुबुला खुर्ती डोउ येह।

२ कोरिन्‍थी 4:12

दि ल़ेहमु पेहती स्‍यिवागी ङ्यिहगी पाहरक्‍यीला ल़ेह पेहक्‍यो येहबा, ओ़हठीॱराङ पेहती मिहलीगीदी ख्‍याया़गी पाहरक्‍यीला ल़ेह पेहकेनॱराङ येहबा।

२ कोरिन्‍थी 5:4

च्‍यिबेमाना ओहराङ दि ज़ुबुला येहकेंमु तुहङालगी खुम्‍बु ताङगे। दि ज़ुबु क्‍युर्कें छ्याप्‍स्‍यीगी ह्‍अदा-ह्‍ओदे पेहक्‍यो मिहम्‍बा, यिहॱनाङ नाहमॱराङ स्‍यिहङगामकी ज़ुबु केहन ङ्युहङवा म़ेदी यिहम्‍बा। ओ़हठी पेहती स्‍यिदी डोएँगी ज़ुबु नाहमॱआङ मिहस्‍यीएँगी ज़ुबुला ग्‍युर्च्‍ये येह।

२ कोरिन्‍थी 6:9

किन्‍ज्‍यो दाङ छेन्‍छोकया़गी ङ्यिहला ङोह स्‍य़ेक्‍यो येहकें यिहॱनाङ मास्‍यीकाला यिह मा़हछ्येबा मिहया़गी तेहन्‍दाला ङ्यिह मिह साम्‍बा ल़ेहमु काहल्‍सीन। ङ्यिह स्‍यिक्‍यो ल़ेहमुराङ काहल्‍सीन यिहॱनाङ थार्तेराङ येहबा। ङ्यिहगी तुहङदा या़हबु साहॱनाङ स्‍यिज्‍येनी मा़हस्‍यी येह।