२ कोरिन्‍थी 4:10 - ह्योल्‍मो

¹⁰ येशूगी मिहजी ङ्यिह राहङगी ज़ुबुला थोङ ख़ूज्‍यु म़ेदी ङ्यिह मिहरोगी स्‍यिवा नाहम्‍माॱनाङ राहङगी ज़ुबुला खुर्ती डोउ येह।

२ कोरिन्‍थी 4:10 ပူးပေါင်းရင်းမြစ်များ

यूहन्‍ना 14:19

ता़ह ङ्यिहमा तोबा तिङले जाम्‍बुलीङगी ङाहला नाहमॱआङ थोङज्‍ये म़ेह, यिहॱनाङ ख्‍याया़गी ङाहला थोङज्‍ये येह। ङाह सोम्‍बो यिहन्‍गे सोङबे ख्‍याया़ॱआङ सोम्‍बो ओहङज्‍ये येह।

रोमी 6:5

च्‍यिबेमाना मिहरोगी स्‍यिवा ङ्याम्‍बु ओहराङॱआङ ङ्याम्‍बुराङ डी़क्‍यो येहसीमाना मिहरो टोहङग्‍योलेगी सोम्‍बो ज़्‍याङ नाङगेमु ओहराङॱआङ मिहरो ङ्याम्‍बु च्‍यी़राङ ओहङज्‍ये येह।

रोमी 6:8

ओ़ह सोङबे का़हलेॱआङ ओहराङ मास्‍यीका ङ्याम्‍बुराङ स्‍यिक्‍यो यिहनानी मिहरो ङ्याम्‍बुराङ सोम्‍बो लो़हज्‍ये येह माएँ तामला ओहराङ यिह छ्य़ेगे।

रोमी 8:36

छ्य़ेला दि ल़ेहमु प्री़हदी येहबा, “राहङगी तेहन्‍दाला ङ्यिह ङ्यिहमा-टाहङमाराङ स्‍यिएँ, ङ्यिह सेच्‍येला ठाबे पेहक्‍योकी ल़ूह ल़ेहमुराङ यिहम्‍बा।”

२ कोरिन्‍थी 1:5

च्‍यिबेमाना मास्‍यीकागी तुहक्‍पु खुर नाङग्‍यो ल़ेहमुराङ ङ्यिहगीॱआङ मास्‍यीकागी तेहन्‍दाला माहङबु म़ेदी माहङबु तुहक्‍पु खुर्ती येहबा। ओ़हठीॱराङ पेहती किन्‍ज्‍योगी मास्‍यीका लाहमले ङ्यिहला माहङबु म़ेदी माहङबु स्‍य़िहदे नाङदी येहबा।

२ कोरिन्‍थी 1:9

ङ्यिहनी “लो, ता़ह स्‍यिएँगी ती़हजी लेप्‍सीन दु” माएँ सेम क्‍येक्‍यो येहकें। ङ्यिह राहङ थो़ला मिहम्‍बा यिहॱनाङ स्‍यिक्‍योया़ला सोम्‍बो लो़ह च्‍य़ू नाङगे किन्‍ज्‍यो थो़ला म़ेहबा पेह ख़ूज्‍यु म़ेदीराङ दि ल़ेहमु काहल्‍ग्‍यो यिहम्‍बा।

२ कोरिन्‍थी 13:4

च्‍यिबेमाना मास्‍यीका मा-फाम्‍बु जेती क्‍याहङस्‍यीङला टोहङ नाङसीन, यिहॱनाङ किन्‍ज्‍योगी ओङला मिहरो सोम्‍बो ज़्‍याङ नाङसीन। दि ल़ेहमु पेहती ङ्यिह मिहरो ङ्याम्‍बु मा-फाम्‍बु काहल्‍दी येह, यिहॱनाङ ख्‍याया़गी पाहरक्‍यीला ल़ेह पेहकेमु किन्‍ज्‍योगी ओङ लाहमले ङ्यिह मिहरो ङ्याम्‍बुराङ थार्कें।

२ कोरिन्‍थी 4:11

येशूगी मिहजी दि ओहराङदी स्‍यिदी डोएँगी ज़ुबुला थोङ ख़ूज्‍यु म़ेदीराङ ङ्यिह ताहन्‍दा सोम्‍बो येहकेमुॱआङ येशूगी तेहन्‍दाला नाहम्‍माॱनाङ स्‍यिवाकी खाला छ्यितीॱराङ तेहकें।

गलाती 6:17

ता़ह यिहन्‍ज्‍यु ङाहला सुज्‍यीगीॱआङ तुहक्‍पु माहतेर्च्‍यु, च्‍यिबेमाना येशूगी नाहन्‍दीकी मेम्‍बाया़ ता़ह ङाहगीॱआङ राहङगी ज़ुबुला खुर्ती येह।

कलस्‍सी 1:24

ता़ह ख्‍याया़गी तेहन्‍दाला ङाहगी तुहक्‍पु खुर्केमु ङाह सेम काहसो पेहकें, ओहले मास्‍यीकाकी कुसो छेन्‍छोककी तेहन्‍दाला मिहरोदी खादी लिहक्‍यो तुहक्‍पुया़ ङाहती ज़ुबुला खुर्ते छाङबु पेहकें।

२ तिमोथी 2:11

दि स्‍याहल तेहम्‍बा-तेहन्‍सुम यिहम्‍बा, “का़हलेॱआङ ओहराङ मिहरो ङ्याम्‍बु स्‍यिक्‍यो येहसीमाना, ओहराङॱआङ मिहरो ङ्याम्‍बुराङ सोम्‍बो लो़हज्‍ये येह,

१ पत्रुस 4:13

यिहॱनाङ मास्‍यीकाकी तुहक्‍पु ख्‍यागीॱआङ ङ्याम्‍बुराङ खुर ङ्युहङगेमु क़ेहनाङ पेहतोङ, ओहले मास्‍यीका राहङगी ज़िज्‍यिद छ्यिम्‍बुला फेप नाङगेमु ख्‍याॱआङ क़ेहनाङ दाङ सेम काहसो पेह ख़ूज्‍ये येह।

१ पत्रुस 4:14

का़हलेॱआङ मास्‍यीकाकी छेनला ख्‍याला मिहया़गी स्‍ये़हन्‍डील पेहसीनमाना ख्‍या काहजे सोनाम-साक्‍पु यिहम्‍बा। च्‍यिबेमाना ज़िज्‍यिद दाङ किन्‍ज्‍योकी नाम्‍पार-ताहक्‍पा थु ख्‍याया़ ङ्याम्‍बु ज़्‍य़ू नाङदी येह।

ज्‍याल्‍गा 1:17

मिहरोला थोङगेमु ङाह मिहरोकी स्‍याहप पोहला स्‍यिक्‍यो मिह ल़ेहमु पेहते रिहल्‍सीन। यिहॱनाङ मिहरोकी योबा छ्या़ ङाह थो़ला ज़्‍या़दी दि ल़ेहमु सुङ नाङसीन, “मा़हन्‍ज्‍यी, तोहङस्‍यो दाङ तिङस्‍यो ङाहराङ यिहन।