२ कोरिन्‍थी 4:1 - ह्योल्‍मो

¹ ओ़ह सोङबे किन्‍ज्‍योगी काटीन लाहमले ङ्यिहगी दि छ्या़ले ज़्‍योरक्‍यो सोङबे ङ्यिह सेम मा-फाम्‍बु मेहबेकें।

२ कोरिन्‍थी 4:1 ပူးပေါင်းရင်းမြစ်များ

लूका 18:1

ओहले “सेम मा़हस्‍यीबा पेहती नाहम-माना किन्‍ज्‍योला सोल्‍वाङ ताप्‍ती तेह कोहएँ” म़ेदी स्‍याहप्‍च्‍यीया़ला टेहम्‍बा साल च्‍य़ूज्‍येला येशूगी दि स्‍याहल पे ज़्‍या़दी सुङ नाङसीन–

१ कोरिन्‍थी 3:5

अपोल्‍लोस सु यिहम्‍बा? ओहले पावल सु यिहम्‍बा? ङ्यिह ङ्यी़नी ख्‍याया़ला किन्‍ज्‍योला ख्‍योङगेन्‍गी किन्‍ज्‍योकी स्‍याहप्‍तो स्‍युहएँगी मिहया़ च्‍यी़राङ यिहम्‍बा। चो़वोगीॱराङ कुल नाङग्‍योकी छ्या़ले ङ्यिहगी पेहको येह।

१ कोरिन्‍थी 7:25

ता़ह पा़हमा माहबेबाकी पोहमो स्‍यार्मा याहङबाया़की तेहन्‍दाला चो़वोकी का ङाह ङ्याम्‍बु म़ेह। यिहॱनाङ चो़वोगी काटीन लाहमले किन्‍ज्‍योगी ज़ी़लुला ङाह यिह छ्य़ेक्‍यो सोङबे ङाह ख्‍याया़ला लोप्‍ताम क्‍याहप्‍को येह।

२ कोरिन्‍थी 3:12

ओ़ह सोङबे ङ्यिहती दि ल़ेहमु रेहवा येहकें सोङबे ङ्यिह तेहन्‍दामकी तामया़ स्‍येच्‍येला मी़हज्‍यी़एँ।

२ कोरिन्‍थी 3:6

साम्‍बा ताहम्‍ज्‍याला स्‍याहप्‍तो स्‍युहएँगी मिहया़ डोज्‍येला मिहरोगी ङ्यिहला सी़हएँगी मिहया़ ज़ो नाङसीन, प्रुहक्‍योगी यिहगीला मिहम्‍बा, यिहॱनाङ थुला। च्‍यिबेमाना प्रुहक्‍योगी यिहगीगीनी सेकें, यिहॱनाङ थुगीनी मिहली नाङगे।

२ कोरिन्‍थी 4:16

ओ़ह सोङबे ङ्यिह नाहमॱआङ का मे़हक्‍याहल्‍गे। ङ्यिहगी मिहजी ज़ुबुला तोङदी डोॱनाङ ङ्यिहती यिहगी मिहजीती ङ्यिहमा-टाहङमाराङ साम्‍बा पेहती डोएँॱराङ येह।

२ कोरिन्‍थी 5:18

दि थाम्‍ज्‍यी किन्‍ज्‍यो लाहमले काहल्‍ग्‍यो यिहम्‍बा, मिहरोगी ओहराङला मास्‍यीका लाहमले राहङ ङ्याम्‍बु थिन च्‍य़ू नाङसीन ओहले लेहमेनया़लाॱआङ किन्‍ज्‍यो ङ्याम्‍बु येहपाराङ थिन च्‍य़ूएँगी छ्या़ले ङ्यिहला नाङसीन।

गलाती 6:9

या़हबु ल़ेह पेहच्‍येकी तेहन्‍दाला ओहराङ नाहमॱआङ थाङ छ्येच्‍ये मेहयोहङगे च्‍यिबेमाना का़हलेॱआङ ओहराङ खोदा माहछ्येपा पेहती या़हबु ल़ेहया़ पेहतीराङ तेहसीन माना ती़हजी लेप फान्‍ज्‍योनी ओहराङगी राहङगी कामेया़ रु-ङ्युहङज्‍ये येह।

एफिसी 3:13

ओ़ह सोङबे ङाह ख्‍याया़ला ओहर-छ्य़े स्‍युहउ येह, ख्‍याया़गी तेहन्‍दाला ङाहगी तुहक्‍पु खुरक्‍यो थोङदी ख्‍याया़ सेम मा़हस्‍यी। दिनी ख्‍याया़लाॱराङ ख्‍येप्‍साङ ओहङगेन स़ेह यिहम्‍बा।

फिलिप्‍पी 4:13

च्‍यिबेमाना ङाहला ओङ नाङगे मास्‍यीका लाहमलेॱराङ ङाह ना थाम्‍ज्‍यी पेह ख़ूएँ।

२ थेसलोनिकी 3:13

आदा-नो़ह दाङ आज्‍यी-नुहमुया़, ख्‍या या़हबु ल़ेह पेहच्‍येला नाहम-आङ थाङ मा़हछ्ये।

१ तिमोथी 1:13

यिहन्‍ज्‍येनी ङाहगी तोहङले चो़वो येशूला ङ्याप्‍च्‍यु पेहसीन, तुहक्‍पु तेर्सीन ओहले स्‍ये़हन्‍डील पेहसीन। ओ़ह ती़हजीला ङाहगी चो़वो येशूला यिह मा़हछ्येबा येहकें ओहले दि थाम्‍ज्‍यी तामया़ ङाहगी ङोह मा़हस्‍येबा पेहती पेहक्‍यो सोङबे किन्‍ज्‍योगी ङाहला थुज्‍यी ज़ी़ नाङसीन।

हिब्रू 12:3

तिहक्‍च्‍येम्‍बा मिहया़गी येशूला ओहजे टाह पेहतीॱआङ मिहरोगी काह-ठि जेती ना़दी ज़्‍य़ू नाङबा यिहन्‍डो ओ़हदी नोम्‍साङ ताङदोङ ओहले ख्‍याया़ थाङ छ्येच्‍ये म़ेह ओहले सेम स्‍यिज्‍ये म़ेह।

१ पत्रुस 2:10

तोहङलेनी ख्‍याया़ किन्‍ज्‍योकी मिहया़ मिहम्‍बा यिहन्‍गे, यिहॱनाङ ताहन्‍दानी ख्‍याया़ किन्‍ज्‍योगी मिहया़ काहल्‍दी येह। तोहङले ख्‍याया़गी किन्‍ज्‍योकी थुज्‍यी ज्‍योर्ती म़ेहबा येहकें, यिहॱनाङ ताहन्‍दा ख्‍याया़गी किन्‍ज्‍योकी थुज्‍यी ज्‍योर्ती येह।

ज्‍याल्‍गा 2:3

ख्‍यागी ना़स्‍यीङ छ्यिम्‍बु पेहती ङाहगी तेहन्‍दाला तुहक्‍पु खुर्सीन ओहले तोहरोङॱआङ ख्‍यागी सेम स्‍यिदी म़ेह म़ेदी ङाहला क्‍यी़ह येहबा।