२ कोरिन्थी 3:8 - ह्योल्मो8 थुगी छ्या़लेनी तोहरोङ माहङबुराङ ज़िज्यिद छ्यिम्बु ओहङ मी़हखुडो ले? အခန်းကိုကြည့်ပါ။ |
२ कोरिन्थी 3:8
24 ပူးပေါင်းရင်းမြစ်များ
यिहॱनाङ दि स्याहल येशूगी नाम्पार-ताहक्पा थुगी तेहन्दाला सुङ नाङग्यो येहकें, ओहले ओ़ह नाम्पार-ताहक्पा थुदी येशू थो़ला यिह छ्य़ेगेया़गी ज्योर्च्ये पेहक्यो येहकें। ओहले ओ़ह नाम्पार-ताहक्पा थु ताहन्दा थुॱआङ किन्ज्योगी नाङदी म़ेहबा येहकें च्यिबेमाना येशू स्यिहङगामला लो़हदी फेप माहनाङ येहकें।
च्यिबेमाना का़हलेॱआङ लाहला मिहया़ ओहङदी ङ्यिहगी स्येक्योगी येशू म़ेदी लेहमेनॱराङ येशूगी तेहन्दाला स्य़ेसीन माना, कि-माना ख्यागी ज़्योरक्योगी नाम्पार-ताहक्पा थु म़ेदी लेहमेनॱराङ नाम्पार-ताहक्पा थु लेहन्सीनमाना, कि-माना ख्याया़गी ज़्योरक्यो या़हबु लेहङगु म़ेदी लेहमेनॱराङ या़हबु लेहङगु लोक पेहसीनमाना ख्या दि थाम्ज्यीगी दिनला ग्यो़बाराङ ज्युल्गु दु।
तोह-याम्बाला छ्य़े-ठिम प्री़हदी तेरक्यो ती़हजीला किन्ज्योकी येहसेर छ्यिम्बुच्यी ओ़हला थोङसीन। ओ़ह येहसेरॱराङ मोशाकी तोहङबाला लेप्क्यो येहकें। तिङले ओ़ह येहसेर छ्यिम्बु लोप्से-लोप्से पेहती तोर्ती डोएँमुॱआङ इस्राएल क्याहल-खापकी मिहया़गी खोला थेका सिरे ता मा़हखु मासीमाना थुगी नोम फेप्केन्गी छ्या़लेनी तोहरोङ काहजे माहङबु येहसेर छ्यिम्बु ओहङडो!
चो़वोगी चेवा जे नाङग्योकी आदा-नो़ह दाङ आज्यी-नुहमुया़, राहङ फ़ेबे-म़ेहमेया़गी तेहन्दाला ङ्यिहगी नाहम माॱनाङ किन्ज्योला थुज्यी-छ्ये़ फुलॱराङ कोहएँ च्यिबेमाना तोहङ यिहन्ज्युराङ नाम्पार-ताहक्पा थुगी टाहङबु ज़ोएँगी ल़ेह लाहमले ओहले तेहन्दामकी स्याहल थो़ला तेहपा पेहती थार्च्येला किन्ज्योगी राहङ फ़ेबे-म़ेहमेया़ला दाम नाङसीन।
तोहङ यिहन्ज्युराङ राहङगी ज़ो नाङग्योगी च्याहम्दा लाहमले जेती किन्ज्यो याहपकी ख्याया़ला राहङदीराङ नाम्पार-ताहक्पा मिहया़ ज़ो नाङज्येला दाम नाङग्यो यिहम्बा। येशू मास्यीकाकी ठा़गी नाम्पार-ताहक्पा काहल्दी मिहरोकी काया़ ख्याया़गी ची़ ख़ूज्यु म़ेदी किन्ज्योगी ख्याया़ला नाम्पार-ताहक्पा थु लाहमले राहङदी ज़ो नाङसीन। किन्ज्योगी ख्याया़ला काटीन दाङ स्य़िहदे माहङबु म़ेदी माहङबु नाङज्यु।
ကြော်ငြာတွေ