२ कोरिन्‍थी 2:13 - ह्योल्‍मो

¹³ यिहॱनाङ ङाहती नो़ह तीतसला ओ़हला मी़हथुगेमु ङाहती सेम ज्‍यिबुराङ छाबा-छुबे काहल्‍सीन। ओहले ङाह खुङ ङ्याम्‍बु कोहङबा स्‍यी़हदी माकेडोनिया लुहङबाला काहल्‍सीन।

२ कोरिन्‍थी 2:13 ပူးပေါင်းရင်းမြစ်များ

मर्कूस 6:46

खुङया़ला कोहङबा नाङ फान्‍ज्‍यो येशू सोल्‍वाङ ताप्‍च्‍येला काहङदो च्‍यी़ला फेप नाङसीन।

ल़ेह-पेन 21:6

ओ़ह तिङले ङ्यिह कोहङबा स्‍यी़हदी छ्यु-टुहला जा़सीन, ओहले खुङया़दी खाङबाला लो़ह काहल्‍सीन।

रोमी 15:26

च्‍यिबेमाना अखैया दाङ माकेडोनियाला येहकेन छेन्‍छोकया़गी यरूशलेमकी प्राङबु किन्‍ज्‍योकी मिहया़ला डिबु ती़हदी ताङदी येह।

२ कोरिन्‍थी 12:18

ङाहगी तीतसला फेप्‍तोङ म़ेदी ओहर-छ्य़े स्‍युहसीन, ओहले ओ़ह नो़हला खो ङ्याम्‍बुराङ ताङसीन। च्‍यि तीतसगी ख्‍या लाहमले च्‍यिरा खेप्‍साङ लेहम्‍बा ले? च्‍यि ङ्यिहगी सेम च्‍यी़ डी़दी छ्याप्‍स्‍यी ना च्‍यी़ थो़दी ल़ेह माहबे ले?

२ कोरिन्‍थी 7:13

ओ़ह सोङबेॱराङ ङ्यिहला सेम लो तेहमु काहल्‍दी येहबा। ओ़ह म़ेदीॱआङ तेहम्‍बाराङ तीतसला ख्‍या थाम्‍ज्‍यीगी आ़र क्‍ये च्‍य़ूदी खोला क़ेहनाङ लाहङ च्‍य़ूक्‍यो सोङबे ङ्यिह ओ़ह केच्‍याला ज्‍यिबुराङ सेम काहसो काहल्‍दी येहबा।

२ कोरिन्‍थी 7:14

ङाहगी तीतस ङ्याम्‍बु ख्‍याया़गी तेहन्‍दाला छ्य़ेन्‍दो तेन्‍सीन ओहले ख्‍याया़गी ङाहला ङोहजाला छ्यि मा़हच्‍यु। ङ्यिहगी ख्‍या ङ्याम्‍बु नाहम्‍माॱनाङ तेहम्‍बा-तेहन्‍सुम ताम मासीन। ओ़हठीॱराङ पेहती ङ्यिहगी तीतस ङ्याम्‍बु पेहक्‍यो छ्य़ेन्‍दोॱआङ तेहम्‍बा सी़हसीन।

२ कोरिन्‍थी 8:16

ख्‍याया़गी तेहन्‍दाला किन्‍ज्‍योगी तीतसगी सेमला ङाहती ल़ेहमुराङ सेम ज़्‍या़ नाङसीन। दिगी तेहन्‍दाला ङाह किन्‍ज्‍योला थुज्‍यी-छ्ये़ फुल्‍गे।

२ कोरिन्‍थी 8:23

तीतसती ङाहती रो़ह यिहम्‍बा ओहले ख्‍याया़ला स्‍याहप्‍तो स्‍य़ूहज्‍येला खोॱआङ ङ्यिह ङ्याम्‍बु-ङ्याम्‍बुराङ ल़ेह पेहको येहबा, ओहले खो ङ्याम्‍बु ओहङगेन्‍गी लेहमेन नो़हया़ला छेन्‍छोकया़गी ताङग्‍यो स्‍याहप्‍च्‍यी यिहम्‍बा ओहले खुङ मास्‍यीकाकी ज़िज्‍यिद यिहम्‍बा।

२ कोरिन्‍थी 8:6

ओ़ह सोङबे तोहङस्‍यो दि ल़ेह तीतसगी छ़ूक्‍यो सोङबे ख्‍याया़गी पाहरक्‍यीॱलाङ ओ़ह ल़ेह छाङबु पेहच्‍यु म़ेदी ङ्यिहगी खोला ओहर-छ्य़े स्‍युहसीन।

गलाती 2:1

लो़ह च्‍युप्‍स्‍यी तिङले बारनाबास दाङ तीतसला राहङ ङ्याम्‍बुराङ ख्‍येर्ती ङाह येहपाराङ यरूशलेमला काहल्‍सीन।

गलाती 2:3

यिहॱनाङ ङाह ङ्याम्‍बुराङ येहकेन्‍की रो़ह तीतस ग्रीक क्‍यिहपाकी मिह यिहन्‍देॱआङ खोला स्‍या-ताक पेह कोहएँ म़ेदी खुङया़गी उर्चु माहबे।

२ तिमोथी 4:10

च्‍यिबेमाना डेमासकी दि ताहन्‍दाकी जाम्‍बुलीङला चेवा पेहती ङाहला क्‍युर्ती खो थेसलोनिकेला काहल्‍दी येह। क्रेसेन्‍स गलातीयाला काहल्‍दी येहबा, ओहले तीतसती दलमातियाला काहल्‍दी येहबा।

तीतस 1:4

ङ्यिह यिह-छ्य़े च्‍यी़ला येहकेन्‍गी ङाहती तेहन्‍दामगी पुह तीतसला दि यिहगी प्रुहएँॱराङ येहबा। किन्‍ज्‍यो याहप दाङ ओहराङला थार्पा नाङगेन्‍गी मास्‍यीका येशूगी ख्‍याया़ला काटीन दाङ स्‍य़िहदे नाङज्‍यु।