11 च्यिबेमाना ती़ह गो-छ्येवागी ल़ेहगी तेहन्दाला ओहराङला क्यी़ह येहबा ओहले खोगी ओहराङला चिहन क्याहप मा़हखुज्यु।
ओहजेला येशूगी सुङ नाङसीन, “ए ती़ह गो-छ्येवा, दिलेगी सोङ! च्यिबेमाना सुङरापला दि ल़ेहमु प्री़हदी येहबा– ‘ख्येगी चो़वो छ्येवा राहङगी किन्ज्यो च्यी़लाॱराङ ज्याल्दोङ, ओहले किन्ज्यो च्यी़मे च्यी़लाॱराङ स्याहप्तो डुप्तोङ’!”
ओहले येहपाराङ येशूगी सिमोनला सुङ नाङसीन, “सिमोन, ए सिमोन ङ्यिहन्दोङ ती़हगी ख्या थाम्ज्यीलाराङ ने़ह ल़ेहमु टाप्च्येला ओङ लाङदे येह।
ओहले कुहङॱसेगी सोल छ्येकेन्गी ती़हजीला ती़ह गो-छ्येवागी सिमोनकी पुह यहूदा इस्करियोतकी सेमला येशूला ज़ुङ तेर्केन्गी साम्लु तोहङलेराङ ल़ू सिहन्दी येहकें।
का़हन्दीगी ल़ेह-पेनगी ल़ेहला स्य़ूहदी स्याहप्तो स्युहखुएँ, ओ़हदीलाॱराङ दाम नाङदोङ च्यिबेमाना ओ़ह छ्या़ले यहूदागी क्युर ज़्या़दी खो का़ह ग्या़दी यिहन्गे ओ़ह ग्या़लाराङ लो़ह काहल्सीन।”
च्यी़गी च्यी़ला मा-लोक माहबे। ङ्यिहमा तोबाज्यीगी तेहन्दाला टे़ह क्याहप्ती सोल्वाङ ताप्च्येला खा फ़ेदी तेहॱनाङ लेहमेन ती़हजीलाती ङ्याम्बुराङ तेहच्यु। मिहन्सीमाना ख्याया़गी सेम ज़ुङ मी़हखुरो ओहले ती़ह गो-छ्येवागी ख्याला तिहक्पाला छ्यि च्य़ूज्येला लोहङ ज्योर्च्ये येह।
यिहॱनाङ, दि याहम्जेम्बागी ताम मिहम्बा, च्यिबेमाना ती़ह गो-छ्येवागीॱआङ स्यिहङगामकी स्याहप्च्यीकी चुहम्रुल ची़हदे येहसेर क्याहप्ती येहपा छ्या़गे।
यिहॱनाङ काह-ठि पेहती प्रुहलगी राहङ टिहम्बुगी हव्वाला गो़ कोर च्य़ूबा, ओ़हठीॱराङ पेहती मास्यीका ङो़ले ख्याया़गी सेम ज़ाङबु दाङ चाङमा सेम थो़दी क्याप्केंमु ख्याया़गी नोम्साङला गो़ कोर च्य़ूगेनी म़ेदी ङाह ज्यी़दी येहबा।
खुङया़गी तेहन्दाला माज्ये माना, दि जाम्बुलीङकी ल्हागी खुङगी ङोह स्य़े ख़ूएँगी ओङला स्याहर्ना जे तेर्ती येह। किन्ज्योगी ङ्य़ेहरीला मास्यीका ज़्य़ू नाङदी येह, मिहरोगी ज़िज्यिदगी या़हबु लेहङगु खुङया़गी माहथोङज्यु म़ेदी दि जाम्बुलीङगी ती़ह गो-छ्येवागी खुङया़गी मी़ का तेरक्यो येहबा।
ओहले टाह पेहकेनया़ला खोगी स्यिहवा पेहती या़हबु लाहमला ॱठि ख़ूएँदी ओहङ कोहकें। ओ़हठी यिहन्सीमाना च्यी़राङ किन्ज्योगी खुङया़ला स्या़बा पेहकेन दाङ तेहन्दामकी स्याहल ङोह स्य़े ख़ूएँगी सेम नाङज्ये येह,
जेम्बु पेह, ओहले ङ्यि छेत्ती तेहतोङ, ख्याया़गी टाह दियाबलस सुला च्य़ेह सिहन्वा ओहले दाकराङ ताङज्ये म़ेदी ङाहर्केंन्गी सिङग्यी कार्मु ल़ेहमु छोल्दी डोएँ।
सेक्यो ल़ूह स्ये़बुकी मिहलीकी छ्य़ेला जाम्बुलीङ छ्या़ नाङगे म़ेदी तोहङलेराङ किन्ज्योगी मिहन प्रुह नाङग्यो मिहया़गी च्यी़राङ ओ़ह सेम्ज्येनला छ्येपा फुल्ज्ये म़ेह यिहॱनाङ ओ़ह म़ेदी लेहमेन, जाम्बुलीङला तेहकें थाम्ज्यी मिहया़गीनी ओ़ह सेम्ज्येनला छ्येपा फुल्ज्ये येह।
यिहॱनाङ दि ल़ेहमु लुहङला मा़हचीबा दाङ ती़ह गो-छ्येवाकी ह्अ कोह मी़हखुएँ तिहङ-रिहङबुकी केच्याया़ माहलोप्पागी थिआटीराकी छेन्छोकला येहकें लेहमेनया़ला ङाह दि माएँ– ङाह ख्याया़ला खुर्पु च्यिॱआङ मेहकाल।