२ कोरिन्‍थी 2:1 - ह्योल्‍मो

¹ ख्‍याया़ला च्‍यिबे तुहक्‍पु तेर्च्‍ये म़ेदी ङाह येहपाराङॱआङ ख्‍यासाला मेहयोहङ म़ेदी नोम्‍साङ ताङसीन।

२ कोरिन्‍थी 2:1 ပူးပေါင်းရင်းမြစ်များ

ल़ेह-पेन 11:29

ओहले एन्‍टिओखिया क्‍याहसाला तेहकेन्‍गी चो़वो येशूगी स्‍याहप्‍च्‍यीया़गी यहूदीया लुहङबागी आदा-नो़हया़ला रो़ह पेहच्‍ये म़ेदी काहजे ला़ खाएँ डेल्‍बाया़ ती़हदे ताङज्‍ये सेम पेहसीन।

ल़ेह-पेन 15:2

ओहजेला पावल दाङ बारनाबास खुङया़ ङ्याम्‍बु माहङबुराङ स्‍येपा तुहर्सीन, ओहले ओ़ह ग्‍या़गी छेन्‍छोकगी पावल दाङ बारनाबास ओहले लेहमेन मिहया़ला दि टी़हदापकी तेहन्‍दाला था-च्‍येच्‍येला ल़ेह-पेन दाङ एल्‍डरया़ साला यरूशलेमला सोङ म़ेदी मासीन।

ल़ेह-पेन 15:37

ओहले बारनाबासकी मर्कूस माएँ यूहन्‍नालाॱआङ ङ्याम्‍बुराङ ख्‍येर्ती डोज्‍ये सेम पेहसीन।

१ कोरिन्‍थी 2:2

च्‍यिबेमाना ङाह ख्‍या ङ्याम्‍बु येहकेंमु ङाहगी येशू मास्‍यीका दाङ मिहरोला क्‍याहङस्‍यीङला च्‍याङग्‍योकी तामया़ मिहम्‍बानी लेहमेन थाम्‍ज्‍यी तामया़ला आहन्‍डाराङ टेहम्‍बा च्‍येहती ताङगे म़ेदी ङाहगी सेम पेहसीन।

१ कोरिन्‍थी 4:21

ख्‍याया़ च्‍यि सेम पेहकें? ङाह ख्‍यासाला ओहङगेमु प्रेहका थो़दी स्‍योनी, सेमला स्‍यिहवा दाङ चेवा ख्‍योङदी स्‍यो?

१ कोरिन्‍थी 5:3

ङाह ज़ुबुला था़-रिहङबु येहॱनाङ ङाहगी सेमनी ख्‍या ङ्याम्‍बुराङ येह। ओ़ह सोङबे ङाह ख्‍यागी पाहरक्‍यीला येहकें ल़ेहमुराङ पेहती दि ल़ेहमु ल़ेह पेहकेन मिहला ङाहगी ठिम ताङ सिहन्‍दी येह।

२ कोरिन्‍थी 1:23

किन्‍ज्‍योॱराङ ङाहगी पाङबु ज़्‍य़ू नाङदी येहबा, ख्‍याया़ला च्‍यिॱआङ का़हबु दाङ ज्‍यिक्‍पा माहयोहङज्‍यु म़ेदीराङ ङाह कोरिन्‍थला माहयोहङबा यिहम्‍बा।

२ कोरिन्‍थी 13:10

ख्‍यालेगी ङाह था़-रिहङबु येहकेंमु ङाहगी दि यिहगी प्रुहएँॱराङ येहबा, ख्‍यासाला ओहङगेमु चो़वोगी ङाहला नाङग्‍योकी ओङ ङाहगी ज्‍यिबुराङ ठो़ पेहती चा़लती माहकोहज्‍यु। ओ़हनी मिहरोगी ख्‍याया़ला याहरक्‍यी ख्‍येर्च्‍येगी तेहन्‍दाला नाङग्‍यो यिहम्‍बा, नोहङ च्‍य़ूज्‍येगी तेहन्‍दाला मिहम्‍बा।

२ कोरिन्‍थी 2:4

च्‍यिबेमाना ख्‍याया़ला सेम नाह च्‍य़ूज्‍येला मिहम्‍बा, यिहॱनाङ ख्‍याया़गी तेहन्‍दाला येहकेन्‍गी ङाहती निङज्‍यी ख्‍याया़गी या़हबु पेहती ङोह स्‍य़े ख़ूज्‍यु म़ेदी ज्‍यिबुराङ सेम ने़हदी मिज्‍यु ताङगेराङ ङाहगी ओ़ह यिहगी ख्‍याया़ला प्रुहक्‍यो येहकें।

तीतस 3:12

ङाहगी अर्तिमास क्‍यिनी तुखिकसला ख्‍येसाला ताङलुङ मे़हबाराङ, ख्‍येती निकोपोलिसला काह-ठि पेहती यिहॱनाङ ङाहला थुज्‍येला स्‍यो, च्‍यिबेमाना ङाहगी ओ़ह ग्‍या़लाराङ सेर-काहङ तेहच्‍ये म़ेदी नोम्‍साङ ताङदी येहबा।