२ कोरिन्‍थी 12:10 - ह्योल्‍मो

¹⁰ ओ़ह सोङबे मास्‍यीकागी तेहन्‍दाला ङाह मा-फाम्‍बु डोॱनाङ, मिहया़गी ङाहला स्‍ये़हन्‍डील पेहॱनाङ, तुहक्‍पु तेरॱनाङ, खेन्‍दा-का़हबु डोॱनाङ, फसात पार तीॱनाङ ङाह सेम काहसो पेहकें च्‍यिबेमाना ङाह मा-फाम्‍बु येहना च्‍यी़राङ, ङाह स्‍युक छ्यिम्‍बु डो ख़ूएँ।

२ कोरिन्‍थी 12:10 ပူးပေါင်းရင်းမြစ်များ

लूका 6:22

“ख्‍या काहजे सोनाम-साक्‍पु, मिहगी स़ेबुगी तेहन्‍दाला मिहया़गी ख्‍याया़ला नाम्‍दो पेहच्‍ये येह, ओहले छ्यु च्‍येच्‍ये येह, ओहले स्‍ये़हन्‍डील पेहच्‍ये येह, ओहले ङ्येहन्‍दा ने़दी ख्‍याया़दी मिहनला स्‍याहम्‍डेन तेन्‍ज्‍ये येह।

यूहन्‍ना 15:21

यिहॱनाङ खुङगी दि थाम्‍ज्‍यी ङाहती मिहनगी तेहन्‍दाला ख्‍याया़ला पेहच्‍ये येह, च्‍यिबेमाना खुङगी ङाहला ताङ नाङगेन्‍दीला ङोह मे़हस्‍येएँ।

ल़ेह-पेन 5:41

ओहले ल़ेह-पेनया़ येशूगी छेनला तुहक्‍पु दाङ स्‍ये़हन्‍डील खुर्च्‍ये सी़हसीन माएँ तामला ज्‍यिबुराङ क़ेहनाङ पेहती छो़बा क्‍याहप्‍क्‍यो ग्‍या़लेगी फिला थेन्‍दी काहल्‍सीन।

रोमी 5:3

ओहजे च्‍यी़राङ मिहम्‍बा, तुहक्‍पुकी ती़हजीॱलाङ ओहराङ क़ेहनाङ पेहकें च्‍यिबेमाना तुहक्‍पुगी ओहराङला ना़ ख़ूएँकी ओङ तेर्के,

१ कोरिन्‍थी 4:10

ङ्यिहनी मास्‍यीकाकी तेहन्‍दाला उल्‍दुम्‍बा काहल्‍दी येहबा, यिहॱनाङ ख्‍यानी मास्‍यीकाला ख्‍येम्‍बा-ताहक्‍पु काहल्‍सीन दु। ङ्यिह ङ्याम्‍बुनी स्‍युक म़ेह, यिहॱनाङ ख्‍या ङ्याम्‍बुनी स्‍युक छ्यिम्‍बु येहबा। ङ्यिहलानी का़हला माॱनाङ मिहया़गी ङ्येन्‍ज्‍येन पेहकें यिहॱनाङ ख्‍याया़लानी चा़ पेहकें।

२ कोरिन्‍थी 1:4

किन्‍ज्‍योगी ओहराङगी थाम्‍ज्‍यीराङ तुहक्‍पुया़ला स्‍य़िहदे नाङगे, च्‍यिबेमाना ओहराङगीॱआङ किन्‍ज्‍यो लाहमले ज़्‍योरक्‍योगी ओ़ह स्‍य़िहदे लाहमलेॱराङ लेहमेन तुहक्‍पुला छ्यिक्‍योगी मिहया़ला स्‍य़िहदे तेर ख़ूज्‍यु म़ेदी यिहम्‍बा।

२ कोरिन्‍थी 10:18

च्‍यिबेमाना सुज्‍यीगी “ङाह मिह या़हबु यिहन म़ेदीमाॱराङ खो मिह या़हबु डोएँ मिहम्‍बा।” यिहॱनाङ चो़वोगी या़हबु सी़हक्‍यो मिह च्‍यी़राङ या़हबु यिहम्‍बा।

२ कोरिन्‍थी 12:9

यिहॱनाङ चो़वोगी ङाहला दि ल़ेहमु सुङ नाङसीन, “ङाहती काटीन ख्‍येला दाङस्‍यी येह, च्‍यिबेमाना ङाहती ओङ, च्‍यिॱआङ स्‍युक म़ेहबाकी से़हया़ला छाङबु डोएँ।” ओ़ह सोङबे मास्‍यीकाकी ओङ ङाह ङ्याम्‍बु ज़्‍य़ू नाङज्‍यु म़ेदी ङाह मा-फाम्‍बु येहकेन्‍गी से़हया़ला ज्‍यिबुराङ सेम काहसो पेहती छ्य़ेन्‍दो तेन्‍गे।

२ कोरिन्‍थी 13:4

च्‍यिबेमाना मास्‍यीका मा-फाम्‍बु जेती क्‍याहङस्‍यीङला टोहङ नाङसीन, यिहॱनाङ किन्‍ज्‍योगी ओङला मिहरो सोम्‍बो ज़्‍याङ नाङसीन। दि ल़ेहमु पेहती ङ्यिह मिहरो ङ्याम्‍बु मा-फाम्‍बु काहल्‍दी येह, यिहॱनाङ ख्‍याया़गी पाहरक्‍यीला ल़ेह पेहकेमु किन्‍ज्‍योगी ओङ लाहमले ङ्यिह मिहरो ङ्याम्‍बुराङ थार्कें।

२ कोरिन्‍थी 13:9

च्‍यिबेमाना ङ्यिह मा-फाम्‍बु डोएँमु ओहले ख्‍याया़दी स्‍युक छ्यिम्‍बु डोएँमु ङ्यिह सेम काहसो पेहकें। ख्‍याया़ याहरक्‍यी डोज्‍यु म़ेदीराङ ङ्यिह सोल्‍वाङ ताप्‍कें।

२ कोरिन्‍थी 4:17

ङ्यिहगी ताहन्‍दा खुरक्‍यो तुहक्‍पु तिङले ज्‍योर्केन्‍की च्‍यि स़ेह ङ्याम्‍बुॱआङ दुर मी़हखुएँ ज़िज्‍यिद टेहम्‍बा साल्‍गेमुनी तेहम्‍बाराङ दि तुहक्‍पुनी च्‍यिॱआङ मिहन।

२ कोरिन्‍थी 4:5

ङ्यिह राहङगी तेहन्‍दाला मिहया़ला स्‍येकें मिहम्‍बा यिहॱनाङ येशूगी तेहन्‍दाला ङ्यिह ख्‍याया़गी लाबु काहल्‍दी येशू मास्‍यीकाॱराङ चो़वो यिहम्‍बा म़ेदी मिहया़ला प्रा साल्‍गे।

२ कोरिन्‍थी 5:15

मिहरो थाम्‍ज्‍यीगी तेहन्‍दाला टोहङ नाङसीन, च्‍यिबेमाना ताहन्‍दा थार्केया़ ता़ह राहङगी तेहन्‍दाला थार्के मिहम्‍बा, यिहॱनाङ मिहरोगी तेहन्‍दाला थार ख़ूज्‍यु म़ेदी मिहरो खुङया़गी तेहन्‍दाला टोहङ नाङसीन, ओहले येहपाराङ सोम्‍बो ज़्‍याङ नाङसीन।

२ कोरिन्‍थी 5:20

ओ़ह सोङबे ङ्यिह मास्‍यीकागी राजदूतया़ यिहम्‍बा, ओहले किन्‍ज्‍योगी ङ्यिह लाहमले ओहर-छ्य़े स्‍य़ूह नाङगेराङ येह। मास्‍यीकागी छ्यो़ले ङ्यिह ख्‍याया़ला ओहर-छ्य़े स्‍युहएँ, ख्‍याया़ किन्‍ज्‍यो ङ्याम्‍बु थिनदोङ।

२ कोरिन्‍थी 6:4

यिहॱनाङ ङ्यिह च्‍यि ल़ेह पेहॱनाङ राहङला किन्‍ज्‍योगी स्‍याहप्‍तो स्‍युहएँगी मिहया़ यिहम्‍बा म़ेदी तेन्‍गे– तुहक्‍पु, खेन्‍दा-का़हबु दाङ ज्‍यिबुराङ तुहङाल बाप्‍केमुॱआङ ङ्यिह ना़स्‍यीङ छ्यिम्‍बु पेहती तेहकें,

२ कोरिन्‍थी 7:4

ङाहती ख्‍याया़ थो़ला ज्‍यिबुराङ छ्यिम्‍बु रेहवा येहबा। ख्‍यागी तेहन्‍दाला ङाह छ्य़ेन्‍दो तेन्‍गे। ख्‍याया़गी पेहती ङाहती सेम ज्‍यिबुराङ याहङदी काहल्‍दी येहबा। ङ्यिहती थाम्‍ज्‍यी तुहक्‍पुया़ला ङाहती सेम ज्‍यिबुराङ काहसो काहल्‍दी येहबा।

एफिसी 6:10

ता़ह ज्‍युक्‍स्‍योलला, ख्‍या चो़वोला ओहले मिहरोगी ओङज्‍या छ्यिम्‍बुला स्‍युक छ्यिम्‍बु पेहती तेहतोङ।

फिलिप्‍पी 1:29

च्‍यिबेमाना मास्‍यीकाला ख्‍याया़ला दि तामॱआङ नाङदी येह, ख्‍यागी मास्‍यीकाला यिह छ्य़ेगे च्‍यी़राङ मिहम्‍बा, यिहॱनाङ मिहरोगी तेहन्‍दाला तुहक्‍पुॱआङ खुर कोहएँ।

कलस्‍सी 1:24

ता़ह ख्‍याया़गी तेहन्‍दाला ङाहगी तुहक्‍पु खुर्केमु ङाह सेम काहसो पेहकें, ओहले मास्‍यीकाकी कुसो छेन्‍छोककी तेहन्‍दाला मिहरोदी खादी लिहक्‍यो तुहक्‍पुया़ ङाहती ज़ुबुला खुर्ते छाङबु पेहकें।

२ थेसलोनिकी 1:4

ओ़ह सोङबे काहन्‍डुमु तुहक्‍पु दाङ हाल्‍ग्‍यीया़ ओहङॱनाङ ख्‍या फ़ेबे-म़ेहमेॱया थिर जेती किन्‍ज्‍योला तेहपा पेहती ज़्‍य़ू नाङसीन, दिगी तेहन्‍दाला किन्‍ज्‍योगी छेन्‍छोकया़की पाहरक्‍यीला ङ्यिह छ्य़ेन्‍दो तेन्‍दी ताम मा ख़ूएँ।

२ तिमोथी 3:11

एन्‍टिओखिया, आइकोनियन दाङ लुस्‍त्रा लुहङबाला मिहया़गी ङाहला तुहक्‍पु तेरक्‍यो दाङ सताई-तिक्‍योगी तामया़ ख्‍येगी या़हबु ङोह स्‍य़ेदीॱराङ येहबा। यिहॱनाङ चो़वोगीॱराङ ङाहला ओ़ह थाम्‍ज्‍यी तुहक्‍पुया़ ङो़ले थार च्‍य़ू नाङसीन।

याकूब 1:2

ए ङाहगी आदा-नो़ह दाङ आज्‍यी-नुहमुया़, नामे-नाजो तुहक्‍पु-तुहङालया़ ओहङगेमु सेम काहसो पेहतोङ।

ज्‍याल्‍गा 2:3

ख्‍यागी ना़स्‍यीङ छ्यिम्‍बु पेहती ङाहगी तेहन्‍दाला तुहक्‍पु खुर्सीन ओहले तोहरोङॱआङ ख्‍यागी सेम स्‍यिदी म़ेह म़ेदी ङाहला क्‍यी़ह येहबा।