२ कोरिन्‍थी 11:27 - ह्योल्‍मो

²⁷ ङाहगी तुहक्‍पुगी ती़हजीॱलाङ ज्‍यिबुराङ कादुप च्‍याहङदी नुहप काहङ माहङ्याहल्‍बा पेहती लेहमा माहङबुराङ तेह कोहसीन। ङाह लेहमा माहङबुराङ टेहपा तो़बा दाङ खा कोम्‍दी च्‍यिॱआङ साह माहङ्युहङबा पेहती काप्‍च्‍या म़ेहबा ख्‍या़बुला कोहङदी तेह कोहसीन।

२ कोरिन्‍थी 11:27 ပူးပေါင်းရင်းမြစ်များ

मत्ती 17:21

[“यिहॱनाङ ओ़ह ल़ेहमु ल्‍हेन्‍डीदी सोल्‍वाङ दाङ ङ्युङने तेहती च्‍यी़राङ तेन ख़ूएँ।”]

ल़ेह-पेन 14:23

ओहले खुङ ङ्यी़गी छेन्‍छोक टाहङमाराङ एल्‍डरया़ला दाम्‍सीन, ओहले खुङ ङ्यी़गी सोल्‍वाङ ताप्‍ती, ङ्युङने तेहती खुङया़ला चो़वो छ्येवागी कुम्‍देनला छेन्‍छोकला चि क्‍याहप्‍सीन।

ल़ेह-पेन 20:31

ओ़ह सोङगोराङ जेम्‍बु पेहती तेहतोङ। ओहले ङाहगी लोह सुम थु ङ्यिहन-नुहप मिज्‍यु ताङदी चो़वो छ्येवागी स्‍याहप्‍च्‍यी रे़ह-रे़हला लोप्‍क्‍योगी तामया़ टेहम्‍बा माहच्‍येह।

१ कोरिन्‍थी 7:5

च्‍यी़गी च्‍यी़ला मा-लोक माहबे। ङ्यिहमा तोबाज्‍यीगी तेहन्‍दाला टे़ह क्‍याहप्‍ती सोल्‍वाङ ताप्‍च्‍येला खा फ़ेदी तेहॱनाङ लेहमेन ती़हजीलाती ङ्याम्‍बुराङ तेहच्‍यु। मिहन्‍सीमाना ख्‍याया़गी सेम ज़ुङ मी़हखुरो ओहले ती़ह गो-छ्येवागी ख्‍याला तिहक्‍पाला छ्यि च्‍य़ूज्‍येला लोहङ ज्‍योर्च्‍ये येह।

२ कोरिन्‍थी 11:23

च्‍यि खुङ मास्‍यीकाला स्‍याहप्‍तो स्‍युहएँगी स्‍याहप्‍च्‍यीया़ यिहम्‍बा? ङाह तोहरोङ खुङ म़ेदी या़हबु स्‍याहप्‍तो स्‍युहएँगी मिह यिहम्‍बा– ङ्योम्‍बाठीॱराङ ङाह ताम माएँराङ येहबा। ङाहगी ज्‍यिबुराङ कादुप च्‍येसीन। चोन-खाङला ङाह लेहमा माहङबुराङ छ्यिसीन। टाहङजीराङ म़ेहबा थु ङाहगी ताक्‍स्‍यु साहसीन। स्‍यिवाकी खाला ङाह लेहमा माहङबुराङ छ्यिसीन।

२ कोरिन्‍थी 6:5

ङ्यिहगी तुहङदा साहसीन, चोन-खाङला छ्यिसीन, ओहले मिहया़गी ङ्यिहला टाह पेहती ठ़ूस्‍यी पेहच्‍येला मिह-माहङ क्‍याहप्‍ती ओहङसीन। ङ्यिहगी ज्‍यिबुराङ कादुप च्‍येती ल़ेह पेह कोहक्‍यो येहबा। ङ्यिह साह माहङ्युहङबा, ङ्यि लो़ह माहङ्युहङबा पेहती तेह कोहक्‍यो येहबा।

फिलिप्‍पी 4:12

कोहपु डोॱनाङ, बोलो-छ्योलो येहॱनाङ, टेहपा काहङग्‍यो येहॱनाङ, तो़क्‍यो येहॱनाङ, माहङबु येहॱनाङ, ङ्ये़हमु येहॱनाङ काहन्‍डुमु ती़हजीला माॱनाङ ङाहगी सेम सेन्‍दोक पेहकेन तिहङ-रिहङबुकी ताम लोप्‍ती येह।

१ थेसलोनिकी 2:9

ए आदा-नो़ह दाङ आज्‍यी-नुहमुया़, ङ्यिहगी तुहक्‍पु दाङ कादुप च्‍येक्‍यो राहङ फ़ेबे-म़ेहमेया़ला टेहम्‍बा येहॱराङ येह। ख्‍या फ़ेबे-म़ेहमेॱया सुज्‍यीलाॱआङ तुहक्‍पु माहयोहङज्‍यु म़ेदी ङ्यिहगी ङ्यिहन-नुहप ल़ेह पेहती किन्‍ज्‍योगी लेहङगु या़हबु ख्‍या फ़ेबे-म़ेहमेया़ला स्‍य़ेसीन।

२ थेसलोनिकी 3:8

ङ्यिहगी सुज्‍यीदीॱआङ आहन्‍डाराङ खुरा मा़हसेह। यिहॱनाङ ख्‍या फ़ेबे-म़ेहमेया़ला तुहक्‍पु माहयोङज्‍यु म़ेदी ङ्यिहगी ङ्यिहन-नुहपराङ कादुप च्‍येती ल़ेह पेहसीन।

हिब्रू 11:37

मिहया़गी खुङया़ला तोहगी क्‍याहप्‍सीन, आरागी स्‍या़सीन ओहले पादाङगी सेसीन। ओहले लाहला ङ्याम्‍बुदी केहन्‍ज्‍येला राह दाङ ल़ूहगी को़बा मिहम्‍बा लेहमेन च्‍यिॱआङ म़ेहबा येहकें। खुङ ज्‍यिबुराङ प्राङबु येहकें। खुङला मिहया़गी ज्‍यिबुराङ ङ्येन्‍ज्‍येन पेहसीन ओहले खुङ तुहक्‍पु ङ्युहङदी फार छुर य़ूह कोहसीन।