२ कोरिन्थी 11:13 - ह्योल्मो13 च्यिबेमाना ओ़ह ल़ेहमु मिहया़नी चिहन क्याहप्केन्गी ल़ेह-पेनया़ दाङ गो़ कोर च्य़ूदी ल़ेह पेहकेनया़ यिहम्बा, ओहले मास्यीकाकी ल़ेह-पेनगी चुहम्रुल ची़हदे खुङ फार छुर युहगे। အခန်းကိုကြည့်ပါ။ |
२ कोरिन्थी 11:13
36 ပူးပေါင်းရင်းမြစ်များ
ङ्यिहगी ङोह छाएँगी ल़ेहया़ दाङ यिहप्ती-यिहप्ती पेहकेन्गी ल़ेह चोक्पाया़ पाङदी येहबा। ङ्यिह गो़ कोर च्य़ूदी ल़ेह मेहबेकें ओहले किन्ज्योगी सुङला याहर-माहर मेहबेकें। यिहॱनाङ तेहन्दामला ङ्यिह छ्यिसाल-नाहङसाल पेहती प्रा साल्गे ओहले किन्ज्योगी ज़ी़लुला ङ्यिह तेहन्दाम दाङ टाहङबु पेहती मिह थाम्ज्यीगी थोङगे पेहती मिहजी ताङगेराङ येह।
स्या-ताककी तेहन्दाला दि तामया़ थेन्सीन, च्यिबेमाना काहजे चिहन क्याहप्केन्गी नो़हया़ ओहराङकी छो़बाया़ नाहङला खाजुम्बाला स्य़ूहदी ओहराङला मास्यीकागी जेती यहूदी छ्य़े-ठिमलेगी टोहल च्य़ू नाङग्यो मिहलीकी तेहन्दाला च्यिवा च्येच्ये छ़ूसीन ओहले ओहराङला यहूदी छ्य़े-ठिमकी लाबु-लामुया़ ज़ोज्ये छोल्सीन।
च्यिबेमाना माहङबुराङ तोहङले ङ्य़ेहबा फो़ज्ये सी़ह सिहन्ग्योकी लाहला मिहया़ खाजुम्बाला ख्या फे़बे मे़हमेया़की पाहरक्यीला स्युहसीहन्दी येह। खुङ किन्ज्योला मेहक्याप्केन्गी मिहया़ यिहम्बा, खुङगी ओहराङकी किन्ज्योकी काटीनला ल़ेह ङ्येहम्बा पेहकेन्गी छेन्ज्याया़ जे़दी येह ओहले ओहराङगी च्यिमी च्यी़राङ ताहक्पु दाङ चो़वो, येशू मास्यीकाला मा-लोक पेहकें।
ओहले ओ़ह सेम्ज्येन दाङ खोगी छापला याहम्जेम्बाकी ताक्छेनया़ तेन्गे ओ़ह चिहन क्याहप्के लुहङतेम्बालाॱआङ ज़ुङसीन। दि याहम्जेम्बागी ल़ेहया़ लाहमले ओ़ह चिहन क्याहप्कें लुहङतेम्बागी ओ़ह सेम्ज्येनगी पार क्याहप्कें दाङ खोगी कुला छ्येपा फुल्गे थाम्ज्यीला गो़ कोर च्य़ूदी येहकें। ओ़ह ङ्यिकालाराङ ती़हदी तेहक्यो मेहबुङगी छो नाहङला सोम्बोराङ क्युर चाहङसीन।
ख्येगी कादुप च्येती पेहक्योगी ल़ेह ओहले ख्येगी ना़स्यीङ छ्यिम्बु पेहक्योदी ङाहला क्यी़ह येह। ख्येगी मिह ङ्येहम्बाया़ला ना़ मी़हखुएँ म़ेदीॱआङ ङाहला क्यी़ह येह। ओहले ल़ेह-पेन यिहना मिहम्बाला ङाह ल़ेह-पेन यिहम्बा म़ेदी माएँया़ला ख्येगी या़हबु ङ्याहम च्येती खुङया़ स्योप्क्येरे यिहन म़ेदी तेन्ग्योकी केच्याॱआङ ङाहला क्यी़ह येह।
ङाहला ख्येगी तुहक्पु क्यी़ह येह, ओहले ख्ये प्राङबु येह म़ेदीॱआङ क्यी़ह येह, माज्येराङ मानानी ख्ये छ्युक्पु येहबा। ङाहगी खुङया़ला ङोह स्य़ेएँ, खुङ राहङला यहूदी यिहन म़ेदी माज्येनी माएँ, यिहॱनाङ खुङ तेहन्दामला यहूदी मिहम्बा। खुङगी ख्याला टाह पेहते माक्यो तामया़ ङाहला क्यी़ह येह। खुङ ती़ह गो-छ्येवाकी छो़खाङ यिहम्बा।
ကြော်ငြာတွေ