२ कोरिन्‍थी 11:11 - ह्योल्‍मो

¹¹ च्‍यिबे? च्‍यि ङाहगी ख्‍याया़ला चेवा मेहबेकें म़ेदी यिहम्‍बा ले? ङाहगी ख्‍याया़ला चेवा पेहकें माएँनी किन्‍ज्‍योलाॱराङ थुयी़ येहबा।

२ कोरिन्‍थी 11:11 ပူးပေါင်းရင်းမြစ်များ

यूहन्‍ना 21:17

ओहले येशूगी पत्रुसला येहपाराङॱआङ टी़ह नाङसीन, “ए यूहन्‍नाकी पुह सिमोन, च्‍यि ख्‍ये ङाहला चेवा पेहकें?” ओहले पत्रुस ज्‍यिबुराङ सेम नाहमु काहल्‍सीन, च्‍यिबेमाना येशूगी खोला “च्‍यि ख्‍ये ङाहला चेवा पेहकें?” सुङदी लेहमा सुम टी़ह नाङसीन। ओहले खोगी येशूला मासीन, “चो़वो, राहङगी थाम्‍ज्‍यीराङ ङोह ख्‍येन नाङगे। ङाह राहङला चेवा पेहकें म़ेदी राहङला थुयी़ येह।” येशूगी खोला सुङ नाङसीन, “ङाहती ल़ूहया़ला साहज्‍ये तेर।

ल़ेह-पेन 15:8

सेमगी स्‍याहल ङोह ख्‍येन्‍गे किन्‍ज्‍योगी ओहराङला नाम्‍पार-ताहक्‍पा थ़ू नाङग्‍यो ल़ेहमुराङ लेहमेन क्‍यिहपागी मिहया़ॱलाङ नाङसीन। दि ल़ेहमु पेहती किन्‍ज्‍योगी लेहमेन क्‍यिहपागी मिहया़लाॱआङ राहङदी ज़ो नाङसीन।

रोमी 1:9

ङाह सेम तिहङ यिहन्‍ज्‍युराङ किन्‍ज्‍योकी स़ेबुकी या़हबु लेहङगुया़ स्‍येती किन्‍ज्‍योला स्‍याहप्‍तो स्‍युहएँ। ओहले ङाहती सोल्‍वाङला ख्‍याॱलाङ नाहम्‍माॱनाङ टेहम्‍बा साल्‍देॱराङ येह, दिगी पाङबु किन्‍ज्‍यो ज़्‍य़ू नाङदी येह।

२ कोरिन्‍थी 11:10

मास्‍यीकागी तेहन्‍दाम ङाह ङ्याम्‍बु येह, ओहले अखैया काहङग्‍याराङ ङाहगी छ्य़ेन्‍दो तेन्‍दी माक्‍यो तामला सुज्‍यीगीॱआङ का़ ख़ूज्‍ये म़ेह।

२ कोरिन्‍थी 11:31

चो़वो येशूकी किन्‍ज्‍यो दाङ याहप, मिहरो नाहम्‍स्‍यी किन्‍दुॱराङ सोनाम-साक्‍पु ज़्‍य़ू नाङदी येह, ङाहगी स्‍योप मेहक्‍याहप्‍कें म़ेदी मिहरोला थुयी़ येह।

२ कोरिन्‍थी 12:15

ख्‍याया़गी तेहन्‍दाला ङाह ना थाम्‍ज्‍यीराङ से़हया़ क़ेहनाङ पेहती तेर्के, ओहले राहङगी ज़ुबुराङ तेर कोहएँ माॱनाङ तेर्कें। का़हलेॱआङ ङाहगी ख्‍याया़ला चेवा माहङबु पेहसीमाना च्‍यि ख्‍यागी ङाहलादी चेवा ङ्ये़हमु पेहकें ले?

२ कोरिन्‍थी 2:17

च्‍यिबेमाना ङ्यिह लेहमेन मिहया़गी ल़ेहमु किन्‍ज्‍योगी लुहङदेनला छोङ मेहक्‍याहप्‍कें, यिहॱनाङ ङ्यिहलानी किन्‍ज्‍योगीॱराङ ताङ नाङग्‍यो यिहम्‍बा दि ताम ङ्यिहगी किन्‍ज्‍योगी दिनला मास्‍यीका लाहमले च्‍यिॱआङ चिहन माहक्‍याहप्‍पा पेहती माएँ।

२ कोरिन्‍थी 7:3

ख्‍याया़ला क्‍येन ता़ज्‍येला ङाहगी दि माक्‍यो मिहम्‍बा। ख्‍याया़गी तेहन्‍दाला ङ्यिहगी सेमला माहङबुराङ निङज्‍यी येहबा। ङ्यिह ख्‍याया़ ङ्याम्‍बुराङ स्‍यिज्‍ये दाङ सोज्‍येॱलाङ ठाबे येहबा।

हिब्रू 4:13

किन्‍ज्‍योगी ज़ी़ मी़हथुप्‍केन्‍गी से़हया़ च्‍यिॱआङ म़ेह। मिहरोगी दिनला रेबेॱराङ से़हया़ खा फे़क्‍यो येहबा ओहले छ्यिसाल-नाहङसाल थोङ ख़ूएँ। मिह-रो़हलाॱराङ ओहराङगी पेहक्‍यो ल़ेहया़गी तेहन्‍दाला स्‍य़े कोहज्‍ये येह।

ज्‍याल्‍गा 2:23

मोहला तिङ ङ्या़गे थाम्‍ज्‍यीला ङाह तोङ च्‍य़ूज्‍ये येह ओहले थाम्‍ज्‍यीगी सेम्‍बा दाङ नोम्‍साङला ङ्याहम च्‍येकेन्‍दी ङाहराङ यिहन म़ेदी थाम्‍ज्‍यी छेन्‍छोकया़गी क्‍यी़ह ज्‍योर्च्‍ये येह। ङाह ख्‍या थाम्‍ज्‍यीला राहङ-राहङगी ल़ेहला ते़बे च्‍याहगा तेर्च्‍ये येह।