२ कोरिन्‍थी 10:4 - ह्योल्‍मो

⁴ च्‍यिबेमाना ङ्यिहती मा़ क्‍याहप्‍केन्‍गी छेन्‍ज्‍याया़ दि जाम्‍बुलीङदी मिहम्‍बा, यिहॱनाङ किन्‍ज्‍योगी नाङग्‍यो छेन्‍ज्‍याया़ लाहमले ती़हया़गी ओङला तोङ च्‍य़ूज्‍ये येह ओहले मे़हकोहएँकी ताम लोहङडीया़लाॱआङ फाम च्‍य़ूज्‍ये येह। ओहले दि छेन्‍ज्‍याया़गी टाहया़ तेहकेन्‍गी थाम्‍ज्‍यीराङ ग्‍या़या़ रोम्‍ज्‍ये येह।

२ कोरिन्‍थी 10:4 ပူးပေါင်းရင်းမြစ်များ

ल़ेह-पेन 7:22

खोला मिश्रीया़गी येहन्‍देनगी थाम्‍ज्‍यी लोप्‍च्‍युङ लोप तेर्को येहकें, ओहले मोशा खो राहङगी ताम मालु दाङ ल़ेहया़ला ख़ेबा काहल्‍सीन।

रोमी 13:12

नुहप टाहल सिहन्‍सीन, ओहले ङ्यिहमा पोहलाराङ लेप सिहन्‍दी येह। ओ़ह सोङबे ना़-जुबेकी ल़ेहया़ क्‍युर्ती ता़ह ओहराङ येहसेरकी छेन्‍ज्‍याया़ थो़ कोहएँ।

रोमी 6:13

राहङ ज़ुबुकी ओङबुया़ला तिहक्‍पागी ल़ेहया़ पेहच्‍येला चि माहक्‍याहप। यिहॱनाङ स्‍यिवाले मिहलीला ख्‍योङग्‍यो मिहया़ ल़ेहमु पेहती राहङला किन्‍ज्‍योला च्‍योल्‍दोङ, ओहले राहङ ज़ुबुकी ओङबुया़ला या़हबु ल़ेहया़ पेहच्‍येला किन्‍ज्‍योला चि क्‍याहप्‍तोङ।

१ कोरिन्‍थी 2:5

ओ़ह सोङबे ख्‍याया़की तेहपा मिहगी रिहक्‍पा-रिहक्‍स्‍यी थो़ला मिहम्‍बा, यिहॱनाङ किन्‍ज्‍योकी ओङ थो़ला ज़्‍या़ ख़ूज्‍यु।

१ कोरिन्‍थी 9:7

राहङदीराङ डोसोङला का़हन्‍दी माक्‍मीगी ल़ेह पेहटो ले? कुहन्‍डुम कामे क्‍याहप्‍के मिहगी ओ़हगी कामे मेहसाहडो ले? ओहले राह-ल़ूह सोएँ मिहगी ओ़ह लाहमले ओहमा मेहसाहडो ले?

२ कोरिन्‍थी 10:8

ख्‍याला नोङज्‍येगी तेहन्‍दाला मिहम्‍बा, यिहॱनाङ ख्‍याला याहरक्‍यी ख्‍येर्च्‍येला चो़वोगी ङ्यिहला ओङ नाङदी येह। दि ओङगी तेहन्‍दाला ङाहगी कोहकें म़ेदी माहङबु छ्य़ेन्‍दो तेनॱनाङ ङाह ङोह मेहछाएँ।

२ कोरिन्‍थी 13:10

ख्‍यालेगी ङाह था़-रिहङबु येहकेंमु ङाहगी दि यिहगी प्रुहएँॱराङ येहबा, ख्‍यासाला ओहङगेमु चो़वोगी ङाहला नाङग्‍योकी ओङ ङाहगी ज्‍यिबुराङ ठो़ पेहती चा़लती माहकोहज्‍यु। ओ़हनी मिहरोगी ख्‍याया़ला याहरक्‍यी ख्‍येर्च्‍येगी तेहन्‍दाला नाङग्‍यो यिहम्‍बा, नोहङ च्‍य़ूज्‍येगी तेहन्‍दाला मिहम्‍बा।

२ कोरिन्‍थी 3:5

च्‍यि स़ेह माॱनाङ ङ्यिह लाहमलेॱराङ ओहङग्‍यो यिहन म़ेदी ठे-टिहती माज्‍येला ङ्यिह राहङॱआङ सी़हज्‍ये म़ेह, यिहॱनाङ ङ्यिहगी पेह ख़ूएँगी से़हया़नी किन्‍ज्‍यो लाहमलेॱराङ ओहङगे यिहम्‍बा।

२ कोरिन्‍थी 4:7

थाम्‍ज्‍यी म़ेदी छ्यिम्‍बु ओङ ङ्यिहती मिहम्‍बा यिहॱनाङ किन्‍ज्‍योदी यिहम्‍बा म़ेदी ङोह स्‍य़े च्‍य़ूज्‍येला दि क्‍युह ङ्यिह ङ्याम्‍बु सासागी निक्‍यीया़ला येहबा।

२ कोरिन्‍थी 6:7

ओहले तेहन्‍दामकी लेहङगु दाङ किन्‍ज्‍योगी ओङला, योबा दाङ योमा ङो़ले टाहङदेनकी छेन्‍ज्‍याया़ थो़गे,

१ थेसलोनिकी 5:8

यिहॱनाङ ओहराङदी ङ्यिहमागी छार्क्‍यीन यिहन्‍गे सोङबे ओहराङ जेम्‍बु पेह कोहकें। ओहराङगी तेहपा दाङ चेवाकी कू़हगे स़ेह प्राहङगोला केहन कोहकें ओहले स्‍याहमु ल़ेहमु पेहती थार्पाकी रेहवाला केहन कोहकें।

१ तिमोथी 1:18

त़ेदोङ, ङाहगी पुह तिमोथी, माहङबुराङ तोहङले ख्‍येगी तेहन्‍दाला किन्‍ज्‍यो ङो़ले सुङ नाङग्‍योकी स्‍याहलला ल़ेहमु पेहती ख्‍येला दि ल़ेहया़ चि क्‍याहप्‍केराङ येहबा। ख्‍येगी मा़ या़हबु क्‍याहप्‍तोङ।

२ तिमोथी 2:3

मास्‍यीका येशूकी या़हबु माक्‍मीगी ल़ेहमुराङ पेहती ख्‍येगीॱआङ तुहक्‍पु खुर्तोङ।

हिब्रू 11:30

तेहपा पेहतीराङ इस्राएलीया़गी ङ्यिहमा तिहन थु यरीहो क्‍याहसाकी चिक्‍पागी फि-फिदा कोरा क्‍याहप्‍सीन, ओहले ङ्यिहमा तिहन ङ्यिहमुदी ओ़ह क्‍याहसाकी चिक्‍पा रोहम्‍सीन।