२ कोरिन्‍थी 10:14 - ह्योल्‍मो

¹⁴ तेहम्‍बाराङ, मास्‍यीकाकी लेहङगु या़हबुया़ ख्‍यासाला क्‍याल्‍गेन तोहङस्‍यो मिह ङ्यिहया़ॱराङ यिहम्‍बा, ओ़ह सोङबे ङ्यिहगी छ्य़ेन्‍दो तेन्‍ग्‍योदी ल्‍हाक्‍पु माहकाहल, ङ्यिहगी राहङगी पेहक्‍योगी ल़ेहला ते़बे च्‍यी़राङ छ्य़ेन्‍दो तेन्‍ग्‍यो यिहम्‍बा।

२ कोरिन्‍थी 10:14 ပူးပေါင်းရင်းမြစ်များ

मर्कूस 1:1

किन्‍ज्‍योगी स़ेबु येशू मास्‍यीकागी तेहन्‍दाला या़हबु लेहङगुगी केच्‍या दि ल़ेहमु पेहती छ़ूसीन।

ल़ेह-पेन 20:24

यिहॱनाङ, ङाहगी मिहली ङाहगी तेहन्‍दालानी च्‍यिॱआङ फेन थो़ज्‍ये म़ेह। ङाहला देजे च्‍यी़राङ सेम्‍बा येहबा, किन्‍ज्‍योगी मिहया़ला काटीन जे-नाङदी येहबा माएँ या़हबु लेहङगुगी तामया़ मिहया़ला स्‍य़े ख़ूज्‍यु म़ेदी ओ़ह छ्या़लेया़ तेहन्‍दा डुप च्‍य़ूज्‍येला चो़वो येशूगीराङ ङाहला कुल नाङग्‍यो यिहम्‍बा।

रोमी 1:16

या़हबु लेहङगु स्‍येच्‍येला ङाह ङोह मेहछाएँ। च्‍यिबेमाना यिह-छ्य़े मिह थाम्‍ज्‍यीगी तेहन्‍दाला, दि थार्पा तेर्केन्‍गी किन्‍ज्‍योकी ओङ यिहम्‍बा, तोहङस्‍यो यहूदी क्‍यिहपाया़की तेहन्‍दाला ओहले लेहमेन क्‍यिहपाया़गी तेहन्‍दालाॱआङ।

रोमी 16:25

ओहराङ थाम्‍ज्‍यीगीराङ किन्‍ज्‍योला थुज्‍यी-छ्ये़ फुल्‍दोङ। ङाहगी स्‍य़ेक्‍यो या़हबु लेहङगु दाङ मास्‍यीकाकी तेहन्‍दाला स्‍ये़क्‍योकी केच्‍याया़ लाहमले मिहरोगी ख्‍याया़ला राहङदी यिह-छ्य़ेला थिक-चि दाङ सान्‍दी ज़ो थुप्‍कें। काल्‍बा-काल्‍बा यिहन्‍ज्‍यु साङदी ज़्‍या़ नाङग्‍योकी केच्‍या ताहन्‍दा येशू मास्‍यीकागी छ्यिसाल-नाहङसाल जेती तेन नाङसीन।

रोमी 2:16

ङाहगी या़हबु लेहङगुगी ताम प्रा साल्‍ग्‍यो ल़ेहमुराङ दि केच्‍या किन्‍ज्‍योगी येशू मास्‍यीका लाहमले, मिहगी राहङ सेम नाहङला साङदे ज़्‍या़क्‍योकी तामया़ला ठिम ताङ नाङगे ङ्यिहमाला ओहङज्‍ये येह।

१ कोरिन्‍थी 2:10

किन्‍ज्‍योगी राहङगी थु लाहमले ओहराङला राहङगी स्‍याहलया़ तेन नाङदी येह। च्‍यिबेमाना नाम्‍पार-ताहक्‍पा थुगी ना थाम्‍ज्‍यीराङ तामया़ छोल नाङगे, ओहले किन्‍ज्‍योकी तिहङ रिहङबु-रिहङबुकी तामया़ॱआङ छोल नाङगे।

१ कोरिन्‍थी 3:10

किन्‍ज्‍योगी ङाहला नाङग्‍यो काटीनगी पेहती ङाहगी गो-छ्येवा चिक्‍सो-खे़बागी ल़ेहमुराङ पेहती खाङबाकी ब्राम तिङ ङ्युहङसीन, ओहले लेहमेनगीती ओ़ह थो़ला खाङबा ज़ोएँ। खाङबा ज़ोएँ थाम्‍ज्‍यीगी काह-ठि पेहती ज़ो कोहएँ यिहम्‍बा, ओ़ह या़हबु पेहती साम्‍लु ताङ कोहएँ।

१ कोरिन्‍थी 4:15

च्‍यिबेमाना मास्‍यीकाला ख्‍याला चारा पेहकेन्‍की लोबेनया़ तोङरा तोङराॱराङ येहनाॱआङ ख्‍याती आबानी च्‍यी़राङ येहबा। च्‍यिबेमाना ङाहगी ख्‍याला या़हबु लेहङगु लाहमले मास्‍यीका येशूला ङोह स्‍य़े च्‍य़ूदी ङाह ख्‍याया़गी आबा काहल्‍सीन।

२ कोरिन्‍थी 2:12

मास्‍यीकाकी लेहङगु या़हबु स्‍येच्‍येला त्रोआस क्‍याहसाला ओहङगेमु चो़वोगीॱराङ ङाहला मिहरोगी छ्या़ले पेहकेन्‍गी लोहङ नाङसीन।

२ कोरिन्‍थी 4:4

खुङया़गी तेहन्‍दाला माज्‍ये माना, दि जाम्‍बुलीङकी ल्‍हागी खुङगी ङोह स्‍य़े ख़ूएँगी ओङला स्‍याहर्ना जे तेर्ती येह। किन्‍ज्‍योगी ङ्य़ेहरीला मास्‍यीका ज़्‍य़ू नाङदी येह, मिहरोगी ज़िज्‍यिदगी या़हबु लेहङगु खुङया़गी माहथोङज्‍यु म़ेदी दि जाम्‍बुलीङगी ती़ह गो-छ्येवागी खुङया़गी मी़ का तेरक्‍यो येहबा।

कलस्‍सी 1:5

ख्‍याया़गी तेहन्‍दाला स्‍यिहङगामला या़हबु पेहती ज़्‍या़क्‍यो रेहवागी पेहती ख्‍यागी दि ल़ेहमु यिह-छ्य़े दाङ चेवा पेहक्‍यो यिहम्‍बा। दिगी तेहन्‍दाला ख्‍याया़गी तोहङलेराङ तेहन्‍दामकी सुङ पे यिहॱनाङ या़हबु लेहङगु थ़े सिहन्‍दी येह।

१ तिमोथी 1:11

दि ङ्यिहगी लुहङ ओहराङला मेलाम नाङगेन किन्‍ज्‍योगी यिह-छ्य़े जे-नाङदी ङाहला नाङग्‍योकी ज़िज्‍यिद-च्‍येन लेहङगु या़हबुकी छ्य़े नाहङला ज्‍योर्के यिहम्‍बा।