24 ख्याया़गी तेहपा थो़ला ङ्यिह ओङ मे़हछ्येएँ, यिहॱनाङ ख्याया़गी काहसोगी तेहन्दाला ख्याया़ ङ्याम्बु डी़दी ल़ेह पेहकें। च्यिबेमाना राहङगी तेहपाला ख्याया़ सान्दी पेहती तेहती येहबा।
छ्याङसीवाया़ ङ्याम्बु थुङदी ज़ी़दी लेहमेन योक्पुया़ला तुहङज्ये छू़सीमाना,
दि ल़ेहमु पेहती ख्या दाङ ङाहती यिह-छ्य़ेगी ओहराङ नाहङदुङ च्यी़गी च्यी़ला स्युक तेर ख़ूज्यु माएँदी ङाहती सेम्बा यिहम्बा।
दि केच्या तेहन्दामॱआङ यिहन, खुङया़गी यिह मा़हछ्येबा सोङबेॱराङ खुङया़ला तुप्क्यो यिहम्बा, यिहॱनाङ ओ़हगी छापला ख्याया़गी यिह छ्य़ेसीन ओहले किन्ज्योगी ख्याला कलमी जेती ताहम नाङदी येह। दि केच्याला ख्या छ्य़ेन्दो माहतेन, यिहॱनाङ किन्ज्योगी ज्यिक्पा खुर्तोङ।
चो़वो येशूगी ओहराङला तेहपा लाहमले किन्ज्योकी काटीनला नोम फेप नाङदी येह। ताहन्दा ओहराङ ओ़ह काटीनलाॱराङ लाहङदी येहबा। ओहले किन्ज्योगी ज़िज्यिद छ्यिम्बु नोम्गेमु ओहराङॱआङ मिहरो ङ्याम्बुराङ ओहङज्ये येह माएँ रेहवाला क़ेहनाङ पेहकें।
आदा-नो़ह दाङ आज्यी-नुहमुया़, ङाहगी ख्याया़ला स्ये़क्योकी या़हबु लेहङगु ङाह येहपाराङॱआङ ख्याया़ला टेहम्बा साल च्य़ूएँ। च्यिबेमाना ख्याया़गी ओ़ह या़हबु लेहङगुला राहङगी सेम तिहङ यिहन्ज्युराङ यिह छ्य़ेसीन ओहले ताहन्दा थु ख्याया़ ओ़ह या़हबु लेहङगुला थिक-चि पेहती तेहती येहबा।
अपोल्लोस सु यिहम्बा? ओहले पावल सु यिहम्बा? ङ्यिह ङ्यी़नी ख्याया़ला किन्ज्योला ख्योङगेन्गी किन्ज्योकी स्याहप्तो स्युहएँगी मिहया़ च्यी़राङ यिहम्बा। चो़वोगीॱराङ कुल नाङग्योकी छ्या़ले ङ्यिहगी पेहको येह।
च्यिबेमाना सु मिह च्यी़गी ख्याया़ला योक्पु ज़ोॱनाङ, ख्या ङ्याम्बु येहकेन्गी थाम्ज्यीराङ से़हया़ फ्रो़नाङ, ख्या लाहमले खेप्साङ लेहनॱनाङ, ख्या थो़ला ओङ छ्ये़नाॱआङ, ख्याती डाम्बाला थाल्ज्या क्याहपॱनाङ ख्याया़नी थाम्ज्यीराङ ना़गु दु।
ङ्यिह राहङगी तेहन्दाला मिहया़ला स्येकें मिहम्बा यिहॱनाङ येशूगी तेहन्दाला ङ्यिह ख्याया़गी लाबु काहल्दी येशू मास्यीकाॱराङ चो़वो यिहम्बा म़ेदी मिहया़ला प्रा साल्गे।
च्यिबेमाना ङ्यिहगी थोङग्यो सोङबे मिहम्बा, यिहॱनाङ ङ्यिह यिह-छ्य़े पेहती राहङगी मिहजी ताङगे।
ख्यागी जिम्माला येहकेनया़ थो़ला ओङ छ्य़ेगे मिहम्बा यिहॱनाङ ल़ेह या़हबु पेहती खुङया़गी दिनला पे या़हबु तेन्दोङ।