१ तिमोथी 6:5 - ह्योल्‍मो

⁵ ओ़ह ल़ेहमु मिहया़गी नावा नोहङग्‍योया़ दाङ तेहन्‍दामकी लाहमलेगी लो़हक्‍यो मिहया़की पाहरक्‍यीला ठ़ूस्‍यी सिहङदा च्‍यी़राङ ख्‍योङगे, ओहले किन्‍ज्‍योला म़ेहबा पेहक्‍योदी छ्युक्‍पु डोज्‍येगी तेहन्‍दाला यिहम्‍बा म़ेदी नोम्‍साङ ताङगे।

१ तिमोथी 6:5 ပူးပေါင်းရင်းမြစ်များ

मत्ती 12:33

या़हबु सेदो या़हज्‍येला तोहङबोॱआङ या़हबु ओहङ कोहकें। तोहङबोॱराङ या़हबु मे़हसीमानानी सेदोॱआङ या़हबु मेहयोहङगे! सेदो लाहमलेॱराङ तोहङबो ङोह स्‍य़ेगे।

मत्ती 21:13

ओहले येशूगी खुङया़ला सुङ नाङसीन, “सुङरापला दि ल़ेहमु प्री़हदी येहबा– ‘ङाहगी खाङबाला सोल्‍वाङ ताप्‍केन्‍गी खाङबा म़ेदी माज्‍ये येह।’ यिहॱनाङ ख्‍याया़गीनी दि छ्योखाङला ज्‍याक्‍पाया़गी फुक्‍पा गा ज़ोसीन दुबा!”

मत्ती 23:13

“ए यिहन्‍दो तेन्‍गे छ्य़े-ठिमकी लोबेनया़ दाङ फरिसीया़! ख्‍याया़ला काहजे छा़ तुहवा! ख्‍याया़गी स्‍यिहङगामगी क्‍याहल्‍सीगी कोहला कोहल्‍ज्‍या क्‍याहप्‍ती येह। ओहले ख्‍याया़ राहङॱआङ नाहङला मी़हस्‍युहएँ ओहले नाहङला स्‍य़ूहज्‍ये छोल्‍गेनया़ॱलाङ स्‍य़ूह मी़हच्‍युएँ।”

१ कोरिन्‍थी 11:16

काहस्‍यीले सुज्‍यीगी दिगी तेहन्‍दाला च्‍यिरा ताम माज्‍ये सेम पेहसीमाना, दि म़ेदी ङ्यिहती लेहमेन च्‍यिॱआङ पे-ठिमया़ म़ेह ओहले किन्‍ज्‍योगी छेन्‍छोकया़दीॱआङ म़ेह।

२ थेसलोनिकी 3:6

आदा-नो़ह दाङ आज्‍यी-नुहमुया़, चो़वो येशू मास्‍यीकागी छेनला ङ्यिह ख्‍या फ़ेबे-म़ेहमेया़ला का तेर्के। ङ्यिहगी तेरक्‍योगी लुहङला मी़हचीएँ दाङ ल़ेहमी-लाहमया़ ङो़ले ख्‍या फ़ेबे-म़ेहमेॱया था़-रिहङबुराङ ज़्‍य़ू नाङदोङ।

१ तिमोथी 1:6

लाहला मिहया़ दि थाम्‍ज्‍यी तामला टेहम्‍बा च्‍येहती स्‍यिती काम्‍बुगी तामया़ला याहङ तेहती येहबा।

१ तिमोथी 3:3

छ्याङसीवा दाङ स्‍यिहताङ छान्‍दी पेहकेन्‍दी ओहङज्‍ये मेहयोहङगे। यिहॱनाङ खो ङ्येम्‍ज्‍युङ ओहङ कोहएँ, ठ़ूस्‍यी सिहङदा मेहबेकेन्‍दी ओहङ कोहएँ, टाङगादी ह्‍अम्‍बा मेहबेकेन्‍दी ओहङ कोहएँ।

१ तिमोथी 3:8

ओ़ह ल़ेहमुराङ पेहती डिकनया़ॱआङ च्‍याह-ठाक्‍पा ओहङ कोहकें, खुङ तेहन्‍दामकी तामया़ माएँदी ओहङ कोहकें, छ्याङसीवा ओहङज्‍ये मेहयोहङगे ओहले क्‍युहला लोपॱआङ पेहच्‍ये मेहयोहङगे।

१ तिमोथी 4:7

किन्‍ज्‍योला मे़हक्‍याप्‍के दाङ तेहन्‍दा म़ेहबागी तोहङमा तोहङमागी पेतामया़ ङो़ले था़-रिहङबुराङ तेह। बरु किन्‍ज्‍योला क्‍याप्‍ती राहङगी मिहजी या़हबु ताङज्‍येला च्‍याहङदार पेहतोङ।

१ तिमोथी 4:8

च्‍यिबेमाना ज़ुबुगी तेहन्‍दाला च्‍याहङदार पेहक्‍योदीॱआङ या़हबु यिहम्‍बा यिहॱनाङ किन्‍ज्‍योला क्‍याहप्‍च्‍येला च्‍याहङदार पेहक्‍योदीनी च्‍यी़ला माना खेप्‍साङ ओहङगे यिहम्‍बा च्‍यिबेमाना दिगी ताहन्‍दा दाङ तिङमागी मिहली ङ्यिकाराङकी तेहन्‍दाला ताहम्‍ज्‍या ज़्‍या़क्‍यो ओहङगे।

१ तिमोथी 6:6

राहङ ङ्याम्‍बु च्‍यि येहबा ओ़हदीलाॱराङ क़ेहनाङ पेहती किन्‍ज्‍योला क्‍याप्‍केन्‍दीॱराङ थाम्‍ज्‍यी म़ेदी छ्यिम्‍बु फेन्‍दोप यिहम्‍बा।

२ तिमोथी 3:5

खुङया़गी छ्य़ेसेम पेहचेनज्‍यी तेन्‍गे यिहॱनाङ ओ़हगी ओङया़लादी मा-लोक पेहकें। ओ़ह ल़ेहमु मिहया़ ङो़ले था़-रिहङबुराङ तेहतोङ।

२ तिमोथी 3:8

यान्‍नेस दाङ याम्‍ब्रेसगी मोशाला टाह पेहक्‍यो ल़ेहमुराङ, दि मिहया़गीॱआङ तेहन्‍दामकी स्‍याहलला टाह पेहकें। दि मिहया़गी नावा नोहङग्‍यो दाङ यिह-छ्य़े ची़हमा ओहङगे।

तीतस 1:11

खुङगी खाला खास्‍यो माहक्‍याहप्‍पा मेहयोहङगे, च्‍यिबे मासीमाना खुङया़गीनी लोप्‍च्‍येराङ मे़हयोहङगेन्‍गी तामया़ लोप्‍ती खाङबा मे़हमेया़ थाम्‍ज्‍यीला ठू़ च्‍य़ूदी येह। टाङगा ज़ो़ज्‍येगी तेहन्‍दाला च्‍यी़राङ खुङया़गी दि ल़ेहमु पेहक्‍यो यिहम्‍बा।

२ पत्रुस 2:15

खुङ थेक्‍का लाहमया़ क्‍युर्ती लाहम चोक्‍पाया़ला स्‍य़ूहदी येह। खुङ बओरकी पुह बालामकी लाहमला स्‍य़ूहदी येह। बालामगीदी टाहङदेन म़ेहबा ल़ेहगी ल़ेगाला च्‍याहम्‍बा पेहको येहकें।

२ पत्रुस 2:3

ह्‍अम्‍बाला छ्यिती खुङया़गी माहताक्‍पाकी तामया़ जे़दी ख्‍या लाहमले खेप्‍साङ लेहन्‍ज्‍ये येह। खुङया़ला ङ्य़ेहबा काल्‍गेन्‍गी ताम तोहङलेराङ आप्‍ता च्‍ये सिहन्‍दी येह, ओ़ह सोङबे खुङया़ला ङ्य़ेहबा नाङगेन्‍गी किन्‍ज्‍यो ज़िम माहनाङबा जेती ज़्‍याङदीॱराङ ज़्‍य़ू नाङदी येह।

यहूदा 1:11

खुङया़ला क्‍येवा क्‍येमु! च्‍यिबेमाना खुङ कयिनकी लाहमला स्‍युहसीन, खेप्‍साङ लेहन्‍ज्‍येकी तेहन्‍दाला बालामगी पेहक्‍योगी ल़ेह चोक्‍पाकी लाहम ज़ुङदी येह, ओहले कोरहगी ल़ेहमुराङ खुङया़गी टा़ह पेहसीन ओहले खुङया़ ओ़ह ल़ेहमुराङ पेहती तोङदी डोएँ।

ज्‍याल्‍गा 18:13

स्‍यिङजा, मसाला, टिहमा स्‍यिहम्‍बु खाएँगी स्‍युक्‍पा, मूर्र, कार्पु स्‍युक्‍पा, कुहन्‍डुमकी-निङगु, नुम, मैदा, ने़ह, बासो दाङ ल़ूहया़, ताबुया़, स्‍यिङता-खोर्लोया़, योक्‍पु दाङ मिहया़ॱआङ ङ्योहज्‍ये म़ेह।

ज्‍याल्‍गा 18:3

च्‍यिबेमाना क्‍यिहपा थाम्‍ज्‍यीगी मोह ङ्याम्‍बु छ्येउ-छ्येंमु पेहक्‍यो सोङबे खुङ थाम्‍ज्‍यी छ्याङगी ल़ेहमु ज़ी़दी येह। जाम्‍बुलीङगी क्‍याहल्‍बुया़गी मोह ङ्याम्‍बु छ्येउ-छ्येंमु पेहसीन। ओहले मोहगी खाम्‍साङ-ङ्याहम्‍साङ पेहती मिहजी ताङग्‍यो सोङबे जाम्‍बुलीङकी छोङबाया़ ज्‍यिबुराङ छ्युक्‍पु काहल्‍सीन।