१ तिमोथी 6:3 - ह्योल्‍मो

³ का़हलेॱआङ सुज्‍यीगी चिहन क्‍याहप्‍ती लोप्‍कु दु मासीमाना ओ़ह ल़ेहमु लुहङया़ ओहराङगी चो़वो येशू मास्‍यीकागी तेहन्‍दामकी लुहङ ङ्याम्‍बु मी़हन्‍डीएँ ओहले खुङगी ओहराङला किन्‍ज्‍योला क्‍याप कोहएँकी लुहङया़ मेहलोप्‍कें

१ तिमोथी 6:3 ပူးပေါင်းရင်းမြစ်များ

मत्ती 22:21

खुङगी येशूला मासीन, “कैसरदी” ओहले येशूगी खुङया़ला सुङ नाङसीन, “ओ़हठी यिहन्‍सीमाना कैसरती कैसरलाॱराङ तेर्तोङ ओहले किन्‍ज्‍योदी किन्‍ज्‍योलाॱराङ फुल्‍दोङ।”

मत्ती 28:20

ङाहगी ख्‍याया़ला तेरक्‍योगी काया़ थाम्‍ज्‍यीराङ ची़ज्‍येला खुङया़ला लोप्‍तोङ। ओहले त़ेदोङ, ङाह नाहम माॱनाङ, जाम्‍बुलीङकी ज्‍युक्‍स्‍योलगी ती़हजी थुराङ ख्‍याया़ ङ्याम्‍बु ओहङज्‍ये येह” म़ेदी येशूगी सुङ नाङसीन।

रोमी 16:17

ए ङाहगी आदा-नो़ह दाङ आज्‍यी-नुहमुया़, ङाह ख्‍याला ओहर-छ्य़े स्‍युहउ येह, ख्‍याया़गी पाहरक्‍यीला ठू़ च्‍य़ूदी खा फ़ेदी डो च्‍य़ूएँगी मिहया़ दाङ यिह छ्य़ेलुला गो़ कोर्केन मिहया़ यिहन्‍ज्‍यु जेम्‍बु पेहतोङ। ख्‍याया़गी ज़्‍योरक्‍यो लोप्‍च्‍युङला खुङगी टाह पेहकें। ओ़ह ल़ेहमु मिहया़ ङ्याम्‍बु च्‍यामॱराङ माहच्‍याम।

१ थेसलोनिकी 4:8

ओ़ह सोङबे का़हन्‍दीगी दि लुहङला मी़हचीएँ ओ़हदीगी मिहला मिहम्‍बा, किन्‍ज्‍योलाॱराङ मी़हचीएँ, ओ़ह किन्‍ज्‍योगीॱराङ ख्‍या फ़ेबे-म़ेहमेया़ला नाम्‍पार-ताहक्‍पा थु नाङसीन।

१ तिमोथी 1:10

छ्येउ-छ्येंमु पेहकेनया़गी तेहन्‍दाला, क्‍येप-ख्‍योवा नाहङदुङ देक्षा पेहकेनया़गी तेहन्‍दाला, मिह-छोङ पेहकेनया़गी तेहन्‍दाला, स्‍योप क्‍याहप्‍केनया़गी तेहन्‍दाला, स्‍योप क्‍याहप्‍ती पाङबु तेर्केनया़गी तेहन्‍दाला, ओहले तेहन्‍दामकी लुहङला टाह पेहती ल़ेह पेहकेनया़गी तेहन्‍दाला ज़ोक्‍यो यिहम्‍बा।

१ तिमोथी 1:3

ङाह माकेडोनियाला डोएँमु ख्‍येला ओहर-छ्य़े स्‍युहक्‍यो ल़ेहमुराङ ख्‍ये एफिससलाॱराङ तेहतोङ, ओहले चिहन क्‍याहप्‍ती लोप्‍च्‍युङ लोप्‍कें मिहया़ला ओ़ह ल़ेहमु माहबे म़ेदी का़दोङ।

१ तिमोथी 1:6

लाहला मिहया़ दि थाम्‍ज्‍यी तामला टेहम्‍बा च्‍येहती स्‍यिती काम्‍बुगी तामया़ला याहङ तेहती येहबा।

२ तिमोथी 1:13

मास्‍यीका येशू थो़ला येहकेन्‍गी तेहपा दाङ चेवा ख्‍येगी ङाह ङो़ले थे़क्‍योगी तेहन्‍दामकी तामया़गी पे त़ेदी लोप्‍तोङ।

२ तिमोथी 4:3

च्‍यिबेमाना ता़ह मिहया़गी तेहन्‍दामकी लोप्‍च्‍युङ ङ्यिहन्‍ज्‍ये सेम म़ेह ऩेगेन्‍गी ती़हजी च्‍यी़ॱआङ ओहङगेॱराङ येहबा। ओ़ह ती़हजीला खुङ राहङला या़हबु ऩेगेन्‍गी से़हया़ च्‍यी़राङ ङ्यिहन्‍ज्‍ये सेम पेहच्‍ये येह ओहले राहङला या़हबु ऩेगेन्‍गी तामया़ स्‍येकेन्‍गी लोबेनया़लाॱराङ क़े क्‍याहप्‍च्‍ये येह।

तीतस 1:1

किन्‍ज्‍योकी योक्‍पु दाङ मास्‍यीका येशूकी ल़ेह-पेन ङाह पावल लाहमले दि यिहगी प्रुहएँॱराङ येहबा। ओहले किन्‍ज्‍योगी दाम नाङग्‍योकी मिहया़ला तेहपाला सान्‍दी ज़ोज्‍येला ओहले मिहरोगी थु-सेम जे नाङगेन मिहली ङ्याम्‍बु डी़गेन्‍गी तेहन्‍दामकी लाहम ङो़ले खुङया़ला ठिच्‍येला ङाहला कुल नाङसीन।

तीतस 1:9

राहङगी ज़्‍योरक्‍योगी तेहन्‍दामकी लुहङदेनला क्‍याप्‍ती तेहकें ओहले लेहमेन मिहया़लाॱआङ दि लुहङदेन लोप्‍ती स्‍युक तेर ख़ूएँदी ओहङ कोहकें। ओहले दि लुहङदेन ङ्यिहगी लोप्‍क्‍यो ल़ेहमुराङ ओहङ कोहकें ओहले दि लुहङदेनला टाह पेहकेन मिहया़दी ङ्य़ेहबा तेन तेर ख़ूएँदी ओहङ कोहकें।

तीतस 3:8

दि तेहन्‍दामकी स्‍याहल यिहम्‍बा। किन्‍ज्‍योला यिह छ्य़ेक्‍यो मिहगी राहङला या़हबु ल़ेहया़ला सेम ताङज्‍येला जेम्‍बु पेहच्‍यु म़ेदी ख्‍येगी स्‍युक तेर्ती लोप्‍क्‍यो ङाहला या़हबु ने़गे। च्‍यिबेमाना दि ल़ेहमु तामया़ मिहया़गी तेहन्‍दाला या़हबु दाङ फेन थो़एँगी तामया़ यिहम्‍बा।