१ तिमोथी 6:14 - ह्योल्मो14 ङाह ख्येला दि का तेर्को येह, ख्येगी ओहराङगी चो़वो येशू मास्यीका माहफेप थु ख्येगी दि काया़ या़हबु पेहती ची़दोङ ओहले सुगीॱआङ ख्येला फातुर च़ू माहङ्युहङज्यु। အခန်းကိုကြည့်ပါ။ |
१ तिमोथी 6:14
28 ပူးပေါင်းရင်းမြစ်များ
मास्यीकाकी ठा़गीनी जेन माहङबु ख्यागी नोम्साङला तिहक्पाकी ल़ेहया़लेगी चाङमा ज़ोज्ये येह, ओहले ख्यागी सोम्बो ज़्य़ू नाङगेन किन्ज्योला स्याहप्तो स्युह ख़ूज्ये येह। च्यिबेमाना मिहरोगी नाहम्स्यी किन्दु ज़्य़ू नाङगे किन्ज्योगी थु लाहमले च्यिॱआङ क्येन म़ेहबा पेहती राहङगी राहङला किन्ज्योला मार्च्ये फुल नाङसीन।
ओ़हठीॱराङ पेहती मिह माहङबुगी तिहक्पाया़ खुर नाङज्येला मास्यीकागी लेहमा च्यी़ राहङगी राहङला मार्च्ये फुल नाङसीन। ओहले मास्यीका येहपाराङॱआङ लेहमा च्यी़ फेप नाङज्ये येह। ओहजे काहङला मिहया़गी तिहक्पाया़ ता़ह च्य़ू नाङज्येला मिहम्बा यिहॱनाङ सेम काहसो पेहती मिहरो फेप नाङगेन्गी फेप-लाहम कू़हदी तेहकेनया़ला थार्पा नाङज्येला फेप नाङज्ये येह।
ओ़ह तुहक्पुया़ ख्यागी च्यिबे खुर कोहक्यो मासीमाना ओ़ह तुहक्पुया़ लाहमले ख्यागी किन्ज्योला यिह छ्य़ेक्योदी तेहम्बाराङ यिहम्बा दु म़ेदी ताहक्स्यार ओहङज्येगी तेहन्दाला यिहम्बा। तोङदी डोएँगी सेरलानी मेहला सा़दी या़हबु चोक्पा खा फ़ेदी ताहङमा ज़ोएँ मासीमाना ख्याया़गी यिह-छ्य़ेनी ओ़ह म़ेदीॱआङ माहङबु चा़ छ्यिम्बु यिहम्बा। ओ़ह सोङबे दि यिह-छ्य़ेला क्ये़ह चाङमा ज़ोज्येला ङ्याहम च्येकें। दिगी पेहती येशू मास्यीका फेप नाङगे ङ्यिहमाला ख्या तेच्या, ज़िज्यिद दाङ चा़ सी़हएँगी मिहया़ ओहङ ख़ूज्यु।
ए ङाहगी च्याहम्बु रो़हया़, ताहन्दानी ओहराङ किन्ज्योगी छार्क्यीनया़राङ यिहम्बा यिहॱनाङ तिङलेनी ओहराङ च्यि ओहङगे यिहम्बा, ओ़हगी तेहन्दाला किन्ज्योगी ओहराङला ह्अ कोह च्य़ू नाङदी म़ेह। यिहॱनाङ मास्यीका फेप नाङ फान्ज्यो ओहराङॱआङ मिहरो ल़ेहमुराङ डोज्ये येह च्यिबेमाना मिहरो काहन्डुमु येहबा, ओहराङगी मिहरोला ओ़ह ल़ेहमुराङ थोङज्ये येह।
ကြော်ငြာတွေ