18 च्यिबेमाना सुङरापगी दि ल़ेहमु सुङ नाङगे, “दाइँ (सोवा प्रुप्केन्गी ल़ेहला च्य़ूएँ) पेहकेन लाङगोकी खाला खास्यो माहक्याहप ओहले ल़ेह पेहकेन ल़ेहमीगी राहङगी ले़गा ज्योरॱटाङ कोहएँ।”
लाहमला डोएँमु काहल्दा, छ्युबा ङ्यी़, लेकाम दाङ प्रेहका मा़हथो। च्यिबेमाना ल़ेहमीगी खोगी तोप्च्या ज्योर कोहकें।”
ख्याया़ ओ़ह खाङबालाराङ तेहतोङ ओहले खुङया़गी च्यि साहज्ये थुङज्ये तेर्के ओ़हदीॱराङ सोह च्यिबेमाना ल़ेहमीगी ले़गा ज्योरॱटाङ कोहकें। खाङबा-खाङबाला स्य़ूहदी माहन्डो।”
सुङरापगी दि ल़ेहमु सुङ नाङगे, “मास्यीकाला यिह छ्य़ेगे सुज्यीॱआङ ङोहजाला छ्यिच्ये म़ेह।”
किन्ज्योगी तोहङलेराङ दाम नाङग्योकी क्यिहपाला क्युर ज़्या़ माहनाङ। सुङरापगी लुहङतेम्बा एलियाकी तेहन्दाला सुङ नाङग्योकी स्याहलनी ख्याया़ला क्यी़हराङ येह। एलियागी इस्राएलीया़ला टाह पेहती किन्ज्योला दि ल़ेहमु माक्यो येहकें,
च्यिबेमाना सुङरापगी दि ल़ेहमु सुङदी येहबा, “अब्राहामगी किन्ज्यो थो़ला यिह छ्य़ेसीन, ओहले खोती ओ़ह यिह-छ्य़ेकी पेहतीराङ किन्ज्योगी खोला टाहङबु सी़ह च्य़ू नाङसीन।”
सुङरापगी मिश्र क्याहल-खापकी क्याहल्बु फारोगी तेहन्दालाॱआङ ओ़हठीॱराङ सुङ नाङगे, “ख्येला क़े क्याहप्ती ङाहती ओङ तेन्ज्ये ओहले जाम्बुलीङ थाम्ज्यीला ङाहती मिहन फेल च्य़ूज्ये म़ेदीराङ ङाहगी ख्येला क्याहल्बु ज़ोसीन।”
ओ़ह ल़ेहमुराङ पेहती या़हबु लेहङगु स्य़ेकेया़गीॱआङ या़हबु लेहङगु लाहमलेॱराङ साहज्ये थुङज्ये दाङ केहन ङ्युहङ कोहएँ सुङदी चो़वोगी का नाङसीन।
किन्ज्योगी लेहमेन क्यिहपाकी मिहया़ला तेहपा लाहमलेॱराङ च्यिॱआङ क्येन म़ेहबाकी मिह ज़ो नाङज्ये येह माएँ ताम सुङरापगी तोहङ यिहन्ज्युराङ थोङदी अब्राहामला “ख्ये लाहमलेॱराङ थाम्ज्यी क्यिहपाकी मिहया़गी मेलाम ज्योर्च्ये येह” माएँ या़हबु लेहङगु प्रा साल्सीन।
“किन्ज्योगी ओहराङ नाहङला ज़्या़ नाङग्योकी यिहगी तेहन्दाला मिहरो ज्यिबुराङ ठादो जे नाङगे” म़ेदी सुङरापला प्रुहक्योगी स्याहल तेहन्दा मे़हबाला प्रुहक्यो यिहन म़ेदी मा़हने।