१ तिमोथी 5:13 - ह्योल्‍मो

¹³ येहपाराङ खुङया़ लेहमेन मिहया़गी खाङबा-खाङबाला कोर्केन्‍गी बा़नी काहल्‍दी खुङ फेनराङ मे़हथोएँ काहल्‍ग्‍यो ओहङगे। ओहजे च्‍यी़राङ मिहम्‍बा खुङगी मिहया़गी ताम च्‍येहकेन, लेहमेन मिहया़की ल़ेहला लाहक्‍पा च्‍य़ूगेन दाङ माज्‍ये मेहयोहङगे तामया़ॱआङ म़ेदी डोएँ ओहङगे।

१ तिमोथी 5:13 ပူးပေါင်းရင်းမြစ်များ

लूका 10:7

ख्‍याया़ ओ़ह खाङबालाराङ तेहतोङ ओहले खुङया़गी च्‍यि साहज्‍ये थुङज्‍ये तेर्के ओ़हदीॱराङ सोह च्‍यिबेमाना ल़ेहमीगी ले़गा ज्‍योरॱटाङ कोहकें। खाङबा-खाङबाला स्‍य़ूहदी माहन्‍डो।”

ल़ेह-पेन 20:20

ङाहगी खाङबा-खाङबा दाङ मिहया़गी पाहरक्‍यीला काहल्‍दी लोप्‍च्‍युङ तेर्केमु राहङ फ़ेबेया़लाॱराङ फेन थो़ज्‍यु म़ेदी ङाहगी ताम च्‍यिॱआङ फे़क्‍यो मा़हज्‍याबा पेहती थाम्‍ज्‍यीराङ स्‍येसीन।

ल़ेह-पेन 20:30

ओहले ख्‍याराङगी पाहरक्‍यीलेगीॱआङ चिहन क्‍याहप्‍ती लुहङ तेर्केन्‍गी मिहया़ थेन्‍ज्‍ये येह। खुङया़गी चो़वो छ्येवागी स्‍याहप्‍च्‍यीया़ला राहङगी चोक्‍पा लाहम ङो़ले ख्‍येर्च्‍ये छोल्‍ज्‍ये येह।

१ तिमोथी 5:12

दि ल़ेहमु पेहती खुङया़गी ज़्‍या़क्‍योगी तोहङस्‍यो ताहम्‍ज्‍या टेहम्‍बा च्‍येहक्‍यो सोङबे खुङया़ ङ्य़ेहबाला छ्यिकें।

तीतस 1:11

खुङगी खाला खास्‍यो माहक्‍याहप्‍पा मेहयोहङगे, च्‍यिबे मासीमाना खुङया़गीनी लोप्‍च्‍येराङ मे़हयोहङगेन्‍गी तामया़ लोप्‍ती खाङबा मे़हमेया़ थाम्‍ज्‍यीला ठू़ च्‍य़ूदी येह। टाङगा ज़ो़ज्‍येगी तेहन्‍दाला च्‍यी़राङ खुङया़गी दि ल़ेहमु पेहक्‍यो यिहम्‍बा।

याकूब 3:10

खा च्‍यी़लेगीराङ मेलामॱआङ थेन्‍गे ओहले मे़मुॱआङ थेन्‍गे। ए ङाहगी आदा-नो़ह दाङ आज्‍यी-नुहमुया़, दि ल़ेहमु ओहङ मेहकोहच्‍ये येहकें।

१ पत्रुस 4:15

यिहॱनाङ ख्‍याया़गी का़हलेॱआङ तुहक्‍पु खुरॱटाङ कोहसीनमाना मिहला सेत्‍ती, कुमेन क्‍याहप्‍ती, ल़ेह चोक्‍पा पेहती, क्‍यिनी लेहमेन मिहया़गी ल़ेहला लाहक्‍पा क्‍याहप्‍ती तुहक्‍पु खुर माहकोहज्‍यु।

३ यूहन्‍ना 1:10

ङाह ओ़हला ओहङगेमु ख्‍या थाम्‍ज्‍यीला खोगी ओहराङला टाह पेहती च्‍यि पेहपा, काह-ठि चोक्‍पा तामया़ मे़बा, ओ़ह ख्‍याया़ला स्‍येकें। ओहजे च्‍यी़राङ मिहम्‍बा, खोगी फि क्‍याहल-खापकी नो़हया़ला टाह पेहकें, ओहले खुङया़ला ओहङॱराङ मी़हच्‍युएँ ओहले खुङया़ला फेप स्‍य़ूहज्‍ये छोल्‍गेया़ला छेन्‍छोकले तेन्‍गे।