१ तिमोथी 5:10 - ह्योल्मो10 ओहले मोहगी या़हबु ल़ेहया़ पेहक्यो ओहङ कोहकें, पुह पोहमोया़ला या़हबु पेहती चारा पेहक्यो ओहङ कोहकें, टोहम्बोया़ला ता़हनाङ-ताहम्जी पेहक्यो ओहङ कोहकें, किन्ज्योला यिह छ्य़ेक्यो नाम्पार-ताहक्पा मिहया़ती काङबा ठी़ तेरक्यो ओहङ कोहकें, तुहक्पुला छ्यिक्यो मिहया़ला रो़हराम पेहक्यो ओहङ कोहकें ओहले दि ल़ेहमुराङ ल़ेह या़हबुया़ माहङबुॱराङ पेहक्यो ओहङ कोहकें। အခန်းကိုကြည့်ပါ။ |
१ तिमोथी 5:10
42 ပူးပေါင်းရင်းမြစ်များ
ओहले खुङगी मासीन, “माक्पेन कर्नेलियसगी ङ्यिहला ताङ नाङग्यो यिहम्बा। खो टाहङबु पेहकेन दाङ किन्ज्योगी ज्यिक्पा खुर्केन्गी मिह यिहम्बा, ओहले यहूदी क्यिहपागी मिहया़गीॱआङ खोला ची़नाङ पेहकें। नाम्पार-ताहक्पा स्यिहङगामकी स्याहप्च्यी च्यी़ खोसाला लेप्सीम्बाराङ ‘पत्रुसला राहङगी खाङबाला क़े क्याहप्ती खोगी ताम ङ्यिहन्दोङ’ म़ेदी म़े ज़्या़सीन दुबा। ओ़ह सोङगोराङ ङ्यिहगी क़े क्याहप ओहङग्यो” म़ेदी कर्नेलियसगी ताङग्यो मिहया़गी मासीन।
ओ़ह सोङबे छेन्छोककी लोबेनला च्यिॱआङ ङ्य़ेहबा फो़क्यो ओहङज्ये मेहयोहङगे। ओहले खोदी पी़हमी च्यी़मे च्यी़राङ ओहङ कोहएँ। खो राहङगी राहङला थिला ज़्या़ ख़ूएँदी ओहङ कोहएँ, ना़स्यीङ छ्यिम्बु पेह ख़ूएँदी ओहङ कोहएँ, ओहले खोगी डोलु-तेहलु या़हबु ओहङ कोहएँ, खोगी टोहम्बोया़ला ता़हनाङ-ताहम्जी पेह स्य़े कोहएँ ओहले या़हबु पेहती लुहङ तेर ख़ूएँदी ओहङ कोहएँ
ख्येगीराङ ल़ेह थाम्ज्यी या़हबु पेहती खुङया़ला पे तेन्दोङ। लुहङ तेर्केमु तेहन्दाम, ख्येला लेहमेन मिहया़गी ची़नाङ पेहकेन छ्याप्स्यीगी, सुज्यीगीॱआङ ताम च्येह मी़हखुएँगी तामया़ तिक्पु पेहती खुङया़ला लोप्तोङ। ओहले ओहराङला टाह पेहकेन मिहया़गी ओहराङला च्यिॱआङ चोक्पा तामया़ मा ख़ूज्ये म़ेह ओहले खुङया़ ङोहजाला छ्यिच्ये येह।
किन्ज्योला यिह-छ्य़े माहबेबाकी मिहया़गी पाहरक्यीला ख्याया़गी डोलु-तेहलु या़हबु ओहङज्यु। सुज्यीगीॱआङ ख्याया़ला मिह चोक्पा म़ेदी ख्याला टाह पेहसीनमाॱनाङ खुङया़गी ख्यागी पेहक्योगी ल़ेह या़हबुया़ थोङज्यु, ओहले किन्ज्योगी ठिम ताङ नाङगेन ङ्यिहमाला खुङया़गी किन्ज्योला त़ेरा तेच्या फुल्ज्यु।
ကြော်ငြာတွေ