१ तिमोथी 4:15 - ह्योल्‍मो

¹⁵ दि से़हया़ला ख्‍येगी सेम तिहङ यिहन्‍ज्‍युराङ या़हबु पेहती ची़दोङ ओहले दि से़हला थिर पेहती तेहतोङ। दि ल़ेहमु पेहसीमाना ख्‍ये याहरक्‍यी काहल्‍ग्‍यो मिह थाम्‍ज्‍यीगी थोङज्‍ये येह।

१ तिमोथी 4:15 ပူးပေါင်းရင်းမြစ်များ

मत्ती 5:16

ओ़ह ल़ेहमु पेहतीराङ ख्‍याया़गी येहसेर मिहया़गी पाहरक्‍यीला स्‍यारच्‍यु, मिहया़गी ख्‍याया़गी ल़ेह या़हबुया़ थोङदी स्‍यिहङगामला ज़्‍यू़गेन ख्‍याया़गी याहप्‍च्‍येन आबाला थुज्‍यी-छ्ये़ फुल्‍ज्‍यु” म़ेदी येशूगी सुङ नाङसीन।

ल़ेह-पेन 6:4

ओहले ङ्यिहया़दी सोल्‍वाङ दाङ लुहङ स्‍येकेन्‍गी ल़ेहला स्‍य़ूहगे।”

१ कोरिन्‍थी 16:15

आदा-नो़ह दाङ आज्‍यी-नुहमुया़, ख्‍याया़गी अखैयाला येहकेन्‍गी स्‍तिफनास दाङ खोगी खाङबा म़ेहमे थाम्‍ज्‍यीला ङोह स्‍य़ेएँ। खुङगी थाम्‍ज्‍यी म़ेदी तोहङस्‍यो किन्‍ज्‍योला यिह-छ्य़े पेहक्‍यो येहकें। ताहन्‍दा खुङया़गी मास्‍यीकागी पुह पोहमोया़ला स्‍याहप्‍तो स्‍य़ूहज्‍येला राहङगी मिहजीराङ तेर्ती येहबा।

२ कोरिन्‍थी 4:14

चो़वो येशूला सोम्‍बो ज़्‍याङ च्‍य़ू नाङगे किन्‍ज्‍योगी ङ्यिहलाॱआङ येशू ङ्याम्‍बु सोम्‍बो ज़ो नाङज्‍ये येह, ओहले मिहरोगीॱराङ ङ्यिहला ख्‍याया़ ङ्याम्‍बु मिहरोगी दिनला नोम फेप नाङज्‍ये येह म़ेदी ङ्यिहला क्‍यी़ह येहबा।

२ कोरिन्‍थी 8:5

ङ्यिहगी रेहवा पेहक्‍यो म़ेदीॱआङ माहङबु खुङया़गी पेहसीन, यिहॱनाङ खुङया़गी तोहङस्‍यो राहङला चो़वोला चि क्‍याहप्‍सीन, ओहले किन्‍ज्‍योगी थु ङ्य़ेबु राहङला ङ्यिहगी लाहक्‍पाला चि क्‍याहप्‍सीन।

१ तिमोथी 4:14

ख्‍येगी ज्‍योरक्‍योकी काबापला याहङसे मा़हने। ओ़ह काबाप लुहङतेम्‍बागी स्‍याहल सुङगेमु ओहले छेन्‍छोककी एल्‍डरया़गी ख्‍ये थो़ला लाहक्‍पा ज़्‍या़गेमु ख्‍येला ज्‍योरक्‍योकी काबाप यिहम्‍बा।

१ तिमोथी 4:16

राहङगी तेहन्‍दाला ओहले राहङगी लुहङगी तेहन्‍दाला जेम्‍बु पेहती तेह। दि तामया़ला तिङ ङ्या़दीॱराङ तेह। दि ल़ेहमु पेहसीमाना ख्‍ये दाङ ख्‍येगी ताम ङ्यिहन्‍गे ख्‍या ङ्यिकागीराङ थार्पा ज्‍योर्च्‍ये येह।

१ तिमोथी 4:6

का़हलेॱआङ ख्‍येगी आदा-नो़ह दाङ आज्‍यी-नुहमुया़ला दि लुहङ लोप तेर्सीमाना ख्‍येगी ची़दे ओङग्‍योकी तेहन्‍दामकी लुहङ दाङ तेहपाकी सुङला छार्ती ख्‍ये मास्‍यीका येशूती ज्‍यिबुराङ या़हबु स्‍याहप्‍तो स्‍युहएँगी मिह डोज्‍ये येह।

तीतस 2:14

येशू मास्‍यीकागी ओहराङला तिहक्‍पा ना थाम्‍ज्‍यीले थार च्‍य़ू नाङज्‍येला, टाहङबु ज़ो़-नाङज्‍येला, राहङदीराङ मिहया़ ज़ो़-नाङज्‍येला, या़हबु ल़ेहया़ पेहच्‍येला स्‍युक क्‍ये च्‍य़ूज्‍येला मिहरोगी राहङकी मिहलीॱराङ च्‍यिहम्‍बा ताङ नाङसीन।