१ तिमोथी 3:5 - ह्योल्‍मो

⁵ च्‍यिबेमाना राहङगी खाङबाला या़हबु पेहती ता मी़हखुएँ मिहगी काह-ठि पेहती छेन्‍छोकला ता ख़ूज्‍ये ले?

१ तिमोथी 3:5 ပူးပေါင်းရင်းမြစ်များ

ल़ेह-पेन 20:28

ता़हनी ख्‍याराङॱआङ जेम्‍बु पेहतोङ, ओहले नाम्‍पार-ताहक्‍पा थुगी ख्‍याला च्‍योल नाङग्‍योकी छो़बाया़लाॱआङ या़हबु पेहती त़ेदोङ। किन्‍ज्‍योगी छेन्‍छोकला या़हबु पेहती कोहरोवा जे नाङदोङ च्‍यिबेमाना चो़वो छ्येवा येशूगी ओ़ह मिहया़ला राहङदीराङ ठा़ स्‍याहल च्‍य़ू नाङदी ङ्योह नाङग्‍यो यिहन।

१ कोरिन्‍थी 10:32

सुज्‍यीॱलाङ क्‍येन फो़गेन्‍गी ल़ेह माहबे, ओ़ह यहूदी यिहॱना़ यिहन, ग्रीक यिहॱना़ यिहन, किन्‍ज्‍योगी छेन्‍छोक यिहॱना़ यिहन।

एफिसी 1:22

ओहले किन्‍ज्‍योगी थाम्‍ज्‍यीराङ से़हया़ मास्‍यीकाकी स्‍याहप चो़ला ज़्‍या़ नाङसीन, ओहले मिहरोला ना थाम्‍ज्‍यीराङ से़हया़ला छेन्‍छोकती गो-छ्येस्‍यो ज़ो नाङसीन।

एफिसी 5:24

ओ़ह सोङबे छेन्‍छोक मास्‍यीकाकी ओङ चो़ला तेहक्‍यो ल़ेहमु पी़हमीॱया़ङ थाम्‍ज्‍यीराङ से़हया़ला राहङ-राहङगी ख्‍योवागी ओङ चो़ला तेहच्‍यु।

एफिसी 5:32

दि ज्‍यिबुराङ तिहङ-रिहङबुकी केच्‍या यिहम्‍बा यिहॱनाङ दि केच्‍या ङाहगी मास्‍यीका दाङ छेन्‍छोककी तेहन्‍दाला माक्‍यो यिहम्‍बा।

१ तिमोथी 3:15

का़हलेॱआङ ङाह ओहङज्‍येला यिहन थो़सीमाना किन्‍ज्‍योगी क्‍याहल्‍सीला ओहराङगी डोलु-तेहलु काह-ठि ओहङ कोहकें माएँ ताम दि यिहगी लाहमले ङोह स्‍ये़दोङ। किन्‍ज्‍योगी क्‍याहल्‍सीदी सोम्‍बो ज़्‍य़ू नाङगेन किन्‍ज्‍योकी छेन्‍छोक यिहम्‍बा। दि किन्‍ज्‍योकी क्‍याहल-खाङ, तेहन्‍दामकी काप्‍स्‍यी दाङ ब्राम यिहम्‍बा।