ओहले येशूगी सुङ नाङसीन, “तेहम्बाराङ, ङाह ख्याया़ला माएँ, ख्याया़गी थेचुम माहबेबा पेहती तेहपा डुप्सीन माना दि को़स्यीङ तोहङबोला ङाहगी पेहक्यो ल़ेहमु ख्याया़गीॱआङ पेह ख़ूज्ये येह। ओहजेच्यीराङ मिहम्बा, ख्याया़गी दि काहङदोला, ‘पो़हदी छो-क्याहम्जोला ताहप सोङ!’ म़ेदी माॱनाङ ओ़ह ल़ेहमुराङ ओहङज्ये येह।
१ तिमोथी 2:8 - ह्योल्मो8 ओ़ह सोङबे ग्या़ थाम्ज्यीला क्येप-ख्योवाया़गी टाहङबु लाहक्पा क्या़दी स्यिहताङ माहबेबा पेहती, सेमङेन माहच्याङबा पेहती सोल्वाङ ताप्च्यु माएँ ङाहगी सेमला येहबा। အခန်းကိုကြည့်ပါ။ |
१ तिमोथी 2:8
48 ပူးပေါင်းရင်းမြစ်များ
कोरिन्थी लुहङबाला येहकेन्की किन्ज्योकी छेन्छोकला ङ्यिह दि यिहगी प्रुहएँॱराङ येह। मास्यीका येशूला नाम्पार-ताहक्पा काहल्ग्यो दाङ खुङया़ ङ्याम्बु-ङ्याम्बुराङ ग्या़ थाम्ज्यीला मास्यीकाकी नाम्पार-ताहक्पा मिह डोज्येकी तेहन्दाला क़े क्याहप नाङग्योया़ थाम्ज्यी, का़हन्दी का़हन्दीगी चो़वो येशू मास्यीकाकी छेनला क्याप्केन, ओ़ह चो़वो येशू मास्यीकाॱराङ ओहराङ दाङ खुङया़की चो़वो यिहम्बा:
क्येप-ख्योवाया़, ओ़ह ल़ेहमुराङ पेहती राहङगी पी़हमीया़गी सेम छ्ये़मु दाङ ज़ुबुला स्युक ङ्ये़हमु ओहङगे माएँ ताम ह्अ के़हदी खुङया़ला ची़नाङ पेहतोङ च्यिबेमाना खुङया़गीॱआङ ख्या ङ्याम्बु-ङ्याम्बुराङ मिहली ज्योर्च्ये येह, दि ल़ेहमु पेहती ख्याया़गी सोल्वाङ ताप्केमु च्यिॱआङ ङ्याहम्छेया़ माहयोङज्यु म़ेदी च्यी़गी च्यी़ला छ्याप्स्यी या़हबुया़ पेहकें पेहतोङ।
ကြော်ငြာတွေ