१ तिमोथी 1:19 - ह्योल्‍मो

¹⁹ ख्‍येगी राहङगी तेहपा दाङ नावा या़हबुला माहपाङ। लाहला मिहगी राहङगी नावागी माक्‍यो तामला मी़हची़एँमु राहङगी तेहपाकी छ्यु-टुहला नुप च्‍य़ूदी येह।

१ तिमोथी 1:19 ပူးပေါင်းရင်းမြစ်များ

मत्ती 6:27

ख्‍याया़ नाहङला सुज्‍यीगीॱआङ तुहङाल पेहती राहङगी छे याहम्‍बीज्‍यीॱआङ रिहङबु ज़ो ख़ूएँ ले?”

१ कोरिन्‍थी 11:19

यिहन्‍ज्‍येनी तेहन्‍दामकी मिह ङोह स्‍येच्‍येला ख्‍याया़ नाहङला ठ़ूस्‍यी ओहङॱराङ कोहएँ।

गलाती 5:4

छ्य़े-ठिम ची़दे किन्‍ज्‍योकी दिनला च्‍यिॱआङ क्‍येन म़ेहबाकी मिह डोज्‍ये छोल्‍गेया़ ख्‍या मास्‍यीका ङ्याम्‍बु खा फे़-सिहन्‍दी येह। किन्‍ज्‍योकी काटीन लाहमले ख्‍या ज्‍यिबुराङ था़-रिहङबु काहल्‍दी येह।

१ तिमोथी 1:5

ङ्यिहगी तेरक्‍यो लुहङगी तेहन्‍दादी चेवा यिहम्‍बा, का़हन्‍दी च्‍याहङज्‍यु सेम्‍बा, नावा या़हबु दाङ तेहन्‍दामकी तेहपा ङो़ले ओहङगे यिहम्‍बा।

१ तिमोथी 3:9

खुङ राहङगीराङ ज़्‍योरक्‍योगी तेहपाकी तिहङ-रिहङबुगी तेहन्‍दामला नावा चाङमागी सी़दी ज़्‍या़ कोहकें।

१ तिमोथी 6:12

यिह-छ्य़ेकी या़हस्‍यो मा़ क्‍याहप्‍तोङ। था़ म़ेहबाकी मिहली ज़ुङदी ज़्‍या़दोङ। दिगी तेहन्‍दालाराङ ख्‍येला क़े क्‍याहप नाङग्‍यो येहकें, ख्‍येगी माहङबुराङ पाङबु तेर्के मिहया़गी दिनला राहङगी यिह-छ्य़ेकी तेहन्‍दाला तेहन्‍दामकी पाङबु तेरक्‍यो येहकें।

१ तिमोथी 6:21

च्‍यिबेमाना काहजे मिहया़गी दि ल़ेहमु से़हया़की तिङ ङ्या़गेमु यिह-छ्य़े ङो़ले लो़हक्‍यो येह। किन्‍ज्‍योगी काटीन ख्‍या थाम्‍ज्‍यी ङ्याम्‍बु ज़्‍य़ू नाङज्‍यु।

१ तिमोथी 6:9

यिहॱनाङ छ्युक्‍पु डोज्‍ये छोल्‍गे मिहया़ ङ्याहम्‍छेला छ्यिकें, मिताला छ्यिकें ओहले माहङबुराङ तेहन्‍दा म़ेहबा दाङ राहङला ने़-क्‍याल्‍गेन्‍गी सेम्‍बाया़ला नोम्‍साङ ताङगे, ओ़ह ल़ेहमु केच्‍याया़गी मिहया़ला नोङगेन ओहले तोङ च्‍य़ूगे।

२ तिमोथी 2:18

स्‍यिदीले सोम्‍बो लो़हगेन्‍गी ताम तोहङलेराङ काहल सिहन्‍सीन म़ेदी खुङया़गी तेहन्‍दामकी लाहमला क्‍युर्ती येह। काहजे मिहया़गी तेहपाला खुङया़गी गो़ कोर च्‍य़ूगेनॱराङ येह।

२ तिमोथी 4:4

ओहले खुङया़गी तेहन्‍दामकी तामया़ ङ्यिहन्‍ज्‍ये म़ेह, ओहले जे़मा पेतामया़ ङ्यिहन्‍ज्‍ये सेम पेहच्‍ये येह।

तीतस 1:9

राहङगी ज़्‍योरक्‍योगी तेहन्‍दामकी लुहङदेनला क्‍याप्‍ती तेहकें ओहले लेहमेन मिहया़लाॱआङ दि लुहङदेन लोप्‍ती स्‍युक तेर ख़ूएँदी ओहङ कोहकें। ओहले दि लुहङदेन ङ्यिहगी लोप्‍क्‍यो ल़ेहमुराङ ओहङ कोहकें ओहले दि लुहङदेनला टाह पेहकेन मिहया़दी ङ्य़ेहबा तेन तेर ख़ूएँदी ओहङ कोहकें।

हिब्रू 3:14

तोहङस्‍यो ओहराङगी मास्‍यीकाला यिह छ्य़ेगेमु पेहक्‍योगी म़ेहबा तिङ थुराङ सान्‍दी पेहती ज़ुङदी ज़्‍या़सीन माना, ओहराङ मास्‍यीका ङ्याम्‍बु च्‍यी़ काहल्‍दी येह।

१ यूहन्‍ना 2:19

ओ़ह टाहया़ ओहराङ नाहङलेॱराङ थेन्‍दी काहल्‍सीन, च्‍यिबेमाना खुङ ओहराङदी मिहम्‍बा यिहन्‍गे। का़हलेॱआङ खुङया़ ओहराङदी यिहम्‍बा यिहनानी खुङ ओहराङ ङ्याम्‍बुराङ तेहच्‍ये येहकें। खुङ ओहराङदी मिहम्‍बा दु म़ेदी या़हबु पेहती क्‍यी़ह ज्‍योर्च्‍येला खुङया़गी ओहराङला क्‍युर ज़्‍या़दी काहल्‍सीन।

ज्‍याल्‍गा 3:10

ख्‍येगी ना़स्‍यीङ छ्यिम्‍बु पेहती ङाहगी काया़ ची़क्‍यो सोङबे, ता़ह थाम्‍ज्‍यी क्‍यिहपाया़ला ङ्याहम च्‍येच्‍येला दि जाम्‍बुलीङ थो़ला बाप ओहङज्‍ये पेहक्‍यो तुहक्‍पुलेगी ङाह ख्‍येला थार च्‍य़ूज्‍ये येह।

ज्‍याल्‍गा 3:3

ओ़ह सोङबे ख्‍येगी च्‍यि ज्‍योर्पा ओहले च्‍यि थे़बा, ओ़ह टेहम्‍बा साल्‍दोङ, ओ़हला थिक-चि पेहती तेह ओहले स्‍या़बा डुप्‍तोङ। का़हलेॱआङ ख्‍ये ङ्यि माहछे़बा पेहती मेहतेहसीमानानी ङाह कुमेन ल़ेहमु पेहती ओहङज्‍ये येह, ओहले ङाह काहजे ती़हजीला ओहङज्‍ये येह म़ेदी ख्‍येगी क्‍यी़ह ज्‍योर्च्‍ये म़ेह।

ज्‍याल्‍गा 3:8

ङाहला ख्‍येगी ल़ेहया़ क्‍यी़ह येह। त़ेदोङ, ङाहगी ख्‍येगी दिनला कोह खा फे़ ज़्‍या़दी येह, ओ़हदी सुज्‍यीगीॱआङ क्‍याहप ख़ूज्‍ये म़ेह। ओहले ख्‍ये ङ्याम्‍बु स्‍युक ङ्ये़हमु येहॱनाङ ख्‍येगी ङाहगी थाम्‍ज्‍यी काया़ ची़दे येह, ओहले ङाहगी मिहन मा-लोक पेहती म़ेह।