१ तिमोथी 1:14 - ह्योल्‍मो

¹⁴ किन्‍ज्‍योगी ङाहला ओहराङ चो़वोकी काटीन माहङबुराङ नाङग्‍यो सोङबे मास्‍यीका येशू लाहमले ङाहला तेहपा दाङ चेवा जे नाङसीन।

१ तिमोथी 1:14 ပူးပေါင်းရင်းမြစ်များ

मत्ती 20:9

ओहले ल़ेहमी गोबागी छ्युजी ङाला ल़ेह छ़ूगेया़ला तोहङले क़े क्‍याहप्‍ती थाम्‍ज्‍यीला ङुल-टाङ कोहर्मु रे़ह-रे़ह तेर्सीन।

ल़ेह-पेन 15:11

ओ़ह सोङबे दि ल़ेहमु पेहच्‍ये मेहयोहङगे च्‍यिबेमाना ओहराङॱआङ चो़वो येशूकी काटीनगी जेती थारक्‍यो ल़ेहमुराङ खुङया़ॱआङ चो़वो येशूकी काटीनगीॱराङ थार्ते येह।”

रोमी 16:20

स्‍य़िहदे नाङगेन किन्‍ज्‍योगी ग्‍यो़बाराङ ती़ह गो-छ्येवाला ख्‍याया़की काङबा चो़ला नेम च्‍य़ू नाङज्‍ये येह। ओहराङ चो़वो येशू मास्‍यीकाकी काटीन ख्‍या ङ्याम्‍बु ज़्‍य़ू नाङज्‍यु।

१ कोरिन्‍थी 15:10

यिहॱनाङ ताहन्‍दा ङाह काह-ठि येहबा, ओ़ह थाम्‍ज्‍यी किन्‍ज्‍योगी काटीनगीॱराङ यिहम्‍बा ओहले मिहरोगी ङाहगी मिहजीला जे नाङग्‍योकी काटीन स्‍यिती काम्‍बुला थोरो माहकाहल। तोहरोङ खुङया़गी म़ेदीॱआङ माहङबु ङाहगी तुहक्‍पु पेहसीन। यिहॱनाङ ङाहगी मिहम्‍बा, ङाह ङ्याम्‍बु ज़्‍य़ू नाङगे किन्‍ज्‍योगी काटीनगी यिहम्‍बा।

१ कोरिन्‍थी 3:10

किन्‍ज्‍योगी ङाहला नाङग्‍यो काटीनगी पेहती ङाहगी गो-छ्येवा चिक्‍सो-खे़बागी ल़ेहमुराङ पेहती खाङबाकी ब्राम तिङ ङ्युहङसीन, ओहले लेहमेनगीती ओ़ह थो़ला खाङबा ज़ोएँ। खाङबा ज़ोएँ थाम्‍ज्‍यीगी काह-ठि पेहती ज़ो कोहएँ यिहम्‍बा, ओ़ह या़हबु पेहती साम्‍लु ताङ कोहएँ।

२ कोरिन्‍थी 4:15

दि थाम्‍ज्‍यी ख्‍याया़गी तेहन्‍दालाराङ काहल्‍ग्‍यो यिहन च्‍यिबेमाना काह-ठि पेहती काटीन माहङबु म़ेदी माहङबु मिहया़गी पाहरक्‍यीला फेल्‍दी डोएँ, ओ़हठीॱराङ पेहती किन्‍ज्‍योगी ज़िज्‍यिदगी तेहन्‍दाला थुज्‍यी-छ्ये़ फुल्‍गेन्‍गी छ्या़लेया़ॱआङ फेल्‍दी डोएँ।

२ कोरिन्‍थी 8:9

च्‍यिबेमाना ओहराङ चो़वो येशू मास्‍यीकागी काटीन ख्‍याया़ला क्‍यी़हराङ येह। मिहरो छ्युक्‍पु येहकें यिहॱनाङ ख्‍याया़गी तेहन्‍दाला मिहरो प्राङबु काहल्‍सीन च्‍यिबेमाना मिहरो प्राङबु काहल्‍दे ख्‍याया़ छ्युक्‍पु डो ख़ूज्‍यु म़ेदी यिहम्‍बा।

गलाती 1:13

यहूदी छ्य़ेला येहकेंमु ङाहगी तोहङमाकी मिहलीकी तेहन्‍दाला ख्‍यागी थ़े सिहन्‍दी येहबा, ओहजे काहङला ङाहगी काह-ठि पेहती किन्‍ज्‍योकी छेन्‍छोकला ज्‍यी़ज्‍ये ल़ेहमु तुहक्‍पुया़ तेर्पा, ओहले तोङॱराङ च्‍य़ूज्‍ये छोल्‍बा।

१ थेसलोनिकी 1:3

च्‍यिबेमाना ओहराङगी किन्‍ज्‍यो दाङ याहपकी दिनला ख्‍या फे़बे मे़हमेया़की तेहपाकी ल़ेह दाङ चेवा लाहमले पेहक्‍योकी कादुप ओहले ओहराङ चो़वो येशू मास्‍यीका थो़ला ज़्‍या़क्‍योकी रेहवाला ख्‍या फ़ेबे-म़ेहमेया़गी क़ूह तेहती येहबा म़ेदी ङ्यिहगी नाहम माॱनाङ टेहम्‍बा साल्‍दीॱराङ येह।

१ थेसलोनिकी 5:8

यिहॱनाङ ओहराङदी ङ्यिहमागी छार्क्‍यीन यिहन्‍गे सोङबे ओहराङ जेम्‍बु पेह कोहकें। ओहराङगी तेहपा दाङ चेवाकी कू़हगे स़ेह प्राहङगोला केहन कोहकें ओहले स्‍याहमु ल़ेहमु पेहती थार्पाकी रेहवाला केहन कोहकें।

१ तिमोथी 2:15

यिहॱनाङ पी़हमी-पेहजा स्‍यिहवा पेहती तेहपा, चेवा दाङ नाम्‍पार-ताहक्‍पा पेहती तेहसीमाना पेहजा क्‍येएँ ती़हजीला मोहला थार च्‍य़ू नाङज्‍ये येह।

१ तिमोथी 4:12

ज़्‍योम्‍बु येहबा म़ेदी सुज्‍यीगीॱआङ ख्‍येला ङ्येन्‍ज्‍येन पेह माहङ्युहङज्‍यु। यिहॱनाङ किन्‍ज्‍योला यिह छ्य़ेक्‍यो मिहया़की दिनला ख्‍ये राहङगी ताम मालु, डोलु-तेहलु, चेवा, तेहपाला ओहले राहङगी मिहजी चाङमा ज़्‍या़दी मिनाम तेन ख़ूज्‍यु।

१ तिमोथी 6:11

यिहॱनाङ ख्‍ये किन्‍ज्‍योकी मिह यिहन्‍गे सोङबे दि थाम्‍ज्‍यी चोक्‍पा तामया़ ङो़ले था़-रिहङबुराङ तेह, ओहले ख्‍येगी राहङगी टाहङदेनला किन्‍ज्‍योला क्‍याप्‍च्‍येला, यिह-छ्य़ेला, चेवाला, थिक-चि पेहती तेहच्‍येला ओहले राहङला ङ्येम्‍बु ज़ोएँगी से़हया़ थो़ला राहङगी सेम ताङदोङ।

२ तिमोथी 1:13

मास्‍यीका येशू थो़ला येहकेन्‍गी तेहपा दाङ चेवा ख्‍येगी ङाह ङो़ले थे़क्‍योगी तेहन्‍दामकी तामया़गी पे त़ेदी लोप्‍तोङ।

२ तिमोथी 2:22

ओ़ह सोङबे स्‍योहम्‍बो येहकें काहङला ओहराङ सेमला ओहङगेन्‍गी चोक्‍पा-चोक्‍पा सेम्‍बाया़ला क्‍युर्तोङ, ओहले सेम चाङमागी चो़वोगी छेन लेहन्‍गेया़ ङ्याम्‍बु-ङ्याम्‍बुराङ टाहङदेन, यिह-छ्य़े, चेवा दाङ स्‍य़िहदेकी लाहमला डोएँगी सेम्‍बाया़ थो़दोङ।

तीतस 2:2

क़ेहङगेन मिहया़ला, ख्‍या फे़बेया़गी स्‍यिहताङ ना़ ख़ूएँदी ओहङ कोहकें, लेहमेन मिहया़गी चा़ पेहच्‍ये सी़हगेन्‍दी ओहङ कोहकें, ङोह स्‍य़ेगे ओहङ कोहकें ओहले किन्‍ज्‍योला तेहपा पेहलुला स्‍युक छ्यिम्‍बु ओहङ कोहकें, मिहया़ला चेवा पेह स्‍ये-कोहकें ओहले ना़स्‍यीङ छ्यिम्‍बु ओहङ कोहकें म़ेदी लोप्‍तोङ।

१ पत्रुस 1:3

ओहराङ चो़वो येशू मास्‍यीकाकी याहप किन्‍ज्‍योला थुज्‍यी-छ्ये़। किन्‍ज्‍योगी थुज्‍यी लाहमले टोहङग्‍योलेगी येशू मास्‍यीकाला सोम्‍बो ज़्‍याङ च्‍य़ू नाङदी मिहरोगी ओहराङला मिहली साम्‍बा नाङसीन। ओ़ह सोङबे ओहराङ थाम्‍ज्‍यीगी सोम्‍बो रेहवा ज्‍योर्ती येह।

१ यूहन्‍ना 4:10

ओहराङगी किन्‍ज्‍योला चेवा पेहक्‍यो सोङबे मिहम्‍बा, यिहॱनाङ मिहरोगी ओहराङला चेवा जे नाङग्‍यो सोङबे, ओहराङगी तिहक्‍पागी तेहन्‍दाला कुसो नाङज्‍येला मिहरोगी राहङगी स़ेबुला ताङ नाङसीन। चेवा माक्‍योदी दिराङ यिहम्‍बा।

ज्‍याल्‍गा 22:21

चो़वो येशूकी काटीन थाम्‍ज्‍यी ङ्याम्‍बु ज़्‍य़ू नाङज्‍यु। आमेन।