१ तिमोथी 1:10 - ह्योल्‍मो

¹⁰ छ्येउ-छ्येंमु पेहकेनया़गी तेहन्‍दाला, क्‍येप-ख्‍योवा नाहङदुङ देक्षा पेहकेनया़गी तेहन्‍दाला, मिह-छोङ पेहकेनया़गी तेहन्‍दाला, स्‍योप क्‍याहप्‍केनया़गी तेहन्‍दाला, स्‍योप क्‍याहप्‍ती पाङबु तेर्केनया़गी तेहन्‍दाला, ओहले तेहन्‍दामकी लुहङला टाह पेहती ल़ेह पेहकेनया़गी तेहन्‍दाला ज़ोक्‍यो यिहम्‍बा।

१ तिमोथी 1:10 ပူးပေါင်းရင်းမြစ်များ

यूहन्‍ना 8:44

ख्‍या राहङगी आबा दियाबलस यिहम्‍बा, ओहले ख्‍या आबागी सेम्‍बा छाङबु पेहच्‍येला ख्‍यागी सेमला ऩे सिहन्‍दी येह। खोगीनी तोहङ यिहन्‍ज्‍युराङ मिहया़ सेको येहकें, ओहले तेहन्‍दाम ङ्याम्‍बु खोला च्‍यिॱआङ नाङदा म़ेह। च्‍यिबेमाना खोला तेहन्‍दाम च्‍यिॱआङ म़ेह। खोगी राहङगी पेहताङला ते़बे नाहम-माना स्‍योप क्‍याहप्‍के च्‍यिबेमाना खो स्‍योप्‍केर यिहम्‍बा ओहले खो स्‍योप क्‍याहप्‍केनया़गी आबा यिहम्‍बा।

रोमी 1:26

ओ़ह सोङबे किन्‍ज्‍योगी खुङया़ला राहङगी सेमला ने़जेबा ङोह छाएँगी ल़ेहया़ पेहच्‍येला क्‍युर ज़्‍या़ नाङसीन। खुङ पी़हमी-पेहजाया़गी राहङगी ख्‍योवा ङ्याम्‍बु माहङ्याहल्‍बा पेहती पी़हमी-पेहजा नाहङदोङराङ तिहक्‍पा पेहसीन।

१ तिमोथी 4:6

का़हलेॱआङ ख्‍येगी आदा-नो़ह दाङ आज्‍यी-नुहमुया़ला दि लुहङ लोप तेर्सीमाना ख्‍येगी ची़दे ओङग्‍योकी तेहन्‍दामकी लुहङ दाङ तेहपाकी सुङला छार्ती ख्‍ये मास्‍यीका येशूती ज्‍यिबुराङ या़हबु स्‍याहप्‍तो स्‍युहएँगी मिह डोज्‍ये येह।

१ तिमोथी 6:3

का़हलेॱआङ सुज्‍यीगी चिहन क्‍याहप्‍ती लोप्‍कु दु मासीमाना ओ़ह ल़ेहमु लुहङया़ ओहराङगी चो़वो येशू मास्‍यीकागी तेहन्‍दामकी लुहङ ङ्याम्‍बु मी़हन्‍डीएँ ओहले खुङगी ओहराङला किन्‍ज्‍योला क्‍याप कोहएँकी लुहङया़ मेहलोप्‍कें

२ तिमोथी 1:13

मास्‍यीका येशू थो़ला येहकेन्‍गी तेहपा दाङ चेवा ख्‍येगी ङाह ङो़ले थे़क्‍योगी तेहन्‍दामकी तामया़गी पे त़ेदी लोप्‍तोङ।

२ तिमोथी 4:3

च्‍यिबेमाना ता़ह मिहया़गी तेहन्‍दामकी लोप्‍च्‍युङ ङ्यिहन्‍ज्‍ये सेम म़ेह ऩेगेन्‍गी ती़हजी च्‍यी़ॱआङ ओहङगेॱराङ येहबा। ओ़ह ती़हजीला खुङ राहङला या़हबु ऩेगेन्‍गी से़हया़ च्‍यी़राङ ङ्यिहन्‍ज्‍ये सेम पेहच्‍ये येह ओहले राहङला या़हबु ऩेगेन्‍गी तामया़ स्‍येकेन्‍गी लोबेनया़लाॱराङ क़े क्‍याहप्‍च्‍ये येह।

तीतस 1:13

दि ताम तेहन्‍दाम यिहम्‍बा। ओ़ह सोङबे खुङया़ यिह-छ्य़ेला तिक्‍पु डो ख़ूज्‍यु म़ेदी खुङया़ला या़हबु बार्ता लाङदोङ।

तीतस 1:9

राहङगी ज़्‍योरक्‍योगी तेहन्‍दामकी लुहङदेनला क्‍याप्‍ती तेहकें ओहले लेहमेन मिहया़लाॱआङ दि लुहङदेन लोप्‍ती स्‍युक तेर ख़ूएँदी ओहङ कोहकें। ओहले दि लुहङदेन ङ्यिहगी लोप्‍क्‍यो ल़ेहमुराङ ओहङ कोहकें ओहले दि लुहङदेनला टाह पेहकेन मिहया़दी ङ्य़ेहबा तेन तेर ख़ूएँदी ओहङ कोहकें।

हिब्रू 13:4

पा़हमा, मिह थाम्‍ज्‍यीगी ची़नाङ पेहच्‍ये सी़हगेन्‍दी ओहङ कोहएँ, ख्‍योवागी राहङगी पी़हमी क्‍याहपला लेहमेन पी़हमी छोल्‍ज्‍ये मेहयोहङगे, पी़हमीगीॱआङ राहङगी ख्‍योवा क्‍याहपला लेहमेन ख्‍योवा छोल्‍ज्‍ये मेहयोहङगे। च्‍यिबेमाना छारा ल़ेह पेहकें दाङ छ्येउ-छ्येंमु पेहकेनया़ला किन्‍ज्‍योगी ङ्य़ेहबा काल नाङज्‍ये येह।

यहूदा 1:7

काह-ठि पेहती सदोम, गमोरा दाङ ओ़ह साहर-सुहरकी क्‍याहसाया़ छ्येउ-छ्येंमु पेहती पे-मिहस्‍यीएँ ल़ेह चोक्‍पाया़ला छ्यिक्‍यो येहकें, खुङया़गी नाहम-आङ मिहस्‍यीएँगी मेहकी ङ्य़ेहबा खुर्ती येह। दि ल़ेहमु पेहती खुङ ओहराङगी तेहन्‍दाला पे च्‍यी़ काहल्‍दी येह।

ज्‍याल्‍गा 18:13

स्‍यिङजा, मसाला, टिहमा स्‍यिहम्‍बु खाएँगी स्‍युक्‍पा, मूर्र, कार्पु स्‍युक्‍पा, कुहन्‍डुमकी-निङगु, नुम, मैदा, ने़ह, बासो दाङ ल़ूहया़, ताबुया़, स्‍यिङता-खोर्लोया़, योक्‍पु दाङ मिहया़ॱआङ ङ्योहज्‍ये म़ेह।

ज्‍याल्‍गा 21:27

ल़ूह स्‍ये़बुकी मिहलीकी छ्य़ेला मिहन प्रुहक्‍योया़ च्‍यी़राङ ओ़ह क्‍याहसा नाहङला स्‍य़ूह ङ्युहङज्‍ये येह। मेहचाङा से़हया़, ङोहजागी ल़ेह पेहकेनया़ ओहले चिहन क्‍याहप च्‍य़ूगेनया़ ओ़ह नाहङला स्‍य़ूह ङ्युहङज्‍ये म़ेह।

ज्‍याल्‍गा 21:8

यिहॱनाङ ज्‍यी़गेया़, यिह मे़ह-छ्ये़गेया़, नाम्‍दो लाहङज्‍ये ल़ेहमु ल़ेह पेहकेनया़, मिह सेकेनया़, छ्येउ-छ्येंमु पेहकेनया़, ङ्येहन क्‍याहप्‍केनया़, कुला छ्येपा फुल्‍गेया़ ओहले स्‍योप क्‍याहप्‍केनया़ थाम्‍ज्‍यी मेह दाङ मेहबुङगी छो नाहङला डोज्‍ये येह। दि ङ्यिपा स्‍यिवा यिहम्‍बा।”

ज्‍याल्‍गा 22:15

यिहॱनाङ ख्‍यिदी ल़ेहमु छारा पेहताङ येहकेनया़, ङेहन क्‍याहप्‍केनया़, छ्येउ-छ्येंमु पेहकेनया़, मिह सेकेंनया़, कुला छ्येपा फुल्‍गेनया़, चिहन क्‍याहप च्‍य़ूगेनया़ क्‍याहसा फिला ओहङज्‍ये येह।”