१ थेसलोनिकी 4:9 - ह्योल्‍मो

⁹ यिहॱनाङ आदा-नो़ह दाङ आज्‍यी-नुहमुया़ला चेवाकी तेहन्‍दाला सुज्‍यीगीॱआङ यिहगी प्रुह कोहबा म़ेह, च्‍यिबेमाना च्‍यी़गी च्‍यी़ला चेवा पेहतोङ माएँ ताम ख्‍या फ़ेबे-म़ेहमेॱया राहङगीराङ किन्‍ज्‍यो लाहमले लुहङ ज्‍योर्ती येह।

१ थेसलोनिकी 4:9 ပူးပေါင်းရင်းမြစ်များ

मत्ती 22:39

ओहले ओ़ह म़ेदी चो़ला का छ्यिम्‍बु च्‍यी़ येहबा, ‘ख्‍येगी राहङ खिम्‍जीला राहङला ल़ेहमुराङ चेवा पेहतोङ।’

यूहन्‍ना 14:26

यिहॱनाङ रो़हराम जे नाङगेन्‍दी, पे यिहॱना़: नाम्‍पार-ताहक्‍पा थु, मिहरोला याहपगी ङाहती मिहनला ताङ नाङज्‍ये येह, मिहरोगी ख्‍याया़ला ताम थाम्‍ज्‍यीराङ लोप नाङज्‍ये येह, ओहले ङाहगी ख्‍याला माक्‍योगी थाम्‍ज्‍यीराङ तामया़ टेहम्‍बा साल च्‍य़ू नाङज्‍ये येह।

ल़ेह-पेन 4:32

यिह-छ्य़ेबाया़ सेम च्‍यी़, लो च्‍यी़ पेहती तेहको येहकें। खुङया़ नाहङला येहकेन्‍गी थाम्‍ज्‍यीराङ से़हया़ “दि ङाहती यिहन” म़ेदी मेहमाएँ येहकें, यिहॱनाङ खुङया़गी क्‍युह नोहरया़ पी़मा येहकें।

रोमी 12:10

यिह छ्य़ेबा काहल्‍ग्‍यो सोङबे च्‍यी़गी च्‍यी़ला राहङ आदा-नो़हया़ला ल़ेहमुराङ चेवा पेहतोङ ओहले राहङला म़ेदी माहङबु च्‍यी़गी च्‍यी़ला ची़नाङ पेहतोङ।

२ कोरिन्‍थी 9:1

मास्‍यीकाला यिह-छ्य़े पेहक्‍यो पुह पोहमोया़गी तेहन्‍दाला तेरक्‍यो डेल्‍बाकी तेहन्‍दाला ङाहगी ख्‍याया़ला लेहमेन ताम प्रुह मेहकोहएँ।

फिलिप्‍पी 3:15

ओहराङ यिह-छ्य़ेला सान्‍दी काहल सिहन्‍ग्‍योया़गीती दि ल़ेहमुराङ सेम थो़ कोहएँ, ओहले लाहलाती लेहमेनॱराङ नोम्‍साङया़ येहसीमाना किन्‍ज्‍योगीॱराङ ख्‍याया़ला प्रा साल नाङज्‍ये येह।

१ थेसलोनिकी 5:1

आदा-नो़ह दाङ आज्‍यी-नुहमुया़, दि केच्‍याया़ काहजेला ओहङगे यिहम्‍बा ओहले नाहम ओहङगे यिहम्‍बा म़ेदी ङ्यिहगी ख्‍या फ़ेबे-म़ेहमेया़ला यिहगी प्रुह मेहकोहएँ।

हिब्रू 10:16

“चो़वो छ्येवागी सुङ नाङगु दु, ‘ओहङगे ङ्यिहमाया़ला ख्‍या ङ्याम्‍बु ज़्‍या़गेन्‍गी साम्‍बा ताहम्‍ज्‍या दिराङ यिहम्‍बा। ङाहगी छ्य़े-ठिम खुङया़गी सेमला ज़्‍या़ तेर्च्‍ये येह ओहले ओ़ह खुङया़गी नावाला प्री़ह तेर्च्‍ये येह’।”

हिब्रू 13:1

च्‍यी़गी च्‍यी़ला आदा-नो़हला ल़ेहमु पेहती चेवा पेहतीराङ तेहतोङ।

१ पत्रुस 3:8

ज्‍युक्‍स्‍योलला ख्‍या थाम्‍ज्‍यी सेम च्‍यी़ टी़हदी, च्‍यी़गी च्‍यी़ला सेम ज़ुङ च्‍य़ूगेन्‍गी छ्याप्‍स्‍यीया़ पेहतोङ, राहङ आदा-नो़ह दाङ आज्‍यी-नुहमुया़ॱराङ यिहम्‍बा ने़दी च्‍यी़गी च्‍यी़ला चेवा पेहतोङ, निङज्‍यी पेहतोङ ओहले ङ्येम्‍ज्‍युङ पेहतोङ।

१ पत्रुस 4:8

थाम्‍ज्‍यी म़ेदी छ्यिम्‍बु ताम, च्‍यी़गी च्‍यी़ला सेम तिहङ यिहन्‍ज्‍युराङ चेवा पेहतोङ च्‍यिबेमाना चेवागीॱराङ रेबेॱराङ तिहक्‍पाया़ला उप्‍के यिहम्‍बा।

२ पत्रुस 1:7

छ्य़ेसेमला आदा-नो़ह दाङ आज्‍यी-नुहमुया़की निङज्‍यी पा़हदोङ, ओहले आदा-नो़ह दाङ आज्‍यी-नुहमुया़की निङज्‍यीला च्‍यिॱआङ क्‍येन म़ेहबाकी चेवा पा़हदोङ।

१ यूहन्‍ना 2:10

का़हन्‍दीगी राहङगी आदा-नो़ह दाङ आज्‍यी-नुहमुया़ला चेवा पेहकें, खो क्‍या-साङेला ओहङगे, ओहले लेहमेन मिहया़गी ल़ेहया़ला का़गेन्‍गी तामया़ खो ङ्याम्‍बु च्‍यिॱआङ मेहयोहङगे।

१ यूहन्‍ना 3:11

ख्‍याया़गी छ़ूगे यिहन्‍ज्‍युराङ थे़क्‍योकी लेहङगु दिराङ यिहम्‍बा, “ओहराङगी च्‍यी़गी च्‍यी़ला चेवा पेह कोहएँ।”

१ यूहन्‍ना 3:23

किन्‍ज्‍योगी का च्‍यि यिहम्‍बा मासीमाना किन्‍ज्‍योगी स़ेबु येशू मास्‍यीकाला यिह-छ्य़ेबु ओहङ कोहएँ ओहले मास्‍यीकागी सुङ नाङग्‍यो ल़ेहमुराङ ओहराङ थाम्‍ज्‍यीगी च्‍यी़गी च्‍यी़ला चेवा पेह कोहएँ यिहम्‍बा।

१ यूहन्‍ना 4:21

का़हन्‍दीगी किन्‍ज्‍योला चेवा पेहकें, ओ़हदीगी राहङगी आदा-नो़ह दाङ आज्‍यी-नुहमुला चेवा पेहॱराङ कोहएँ। दिराङ मास्‍यीकागी ओहराङला नाङग्‍योकी का यिहम्‍बा।