१ थेसलोनिकी 4:8 - ह्योल्‍मो

⁸ ओ़ह सोङबे का़हन्‍दीगी दि लुहङला मी़हचीएँ ओ़हदीगी मिहला मिहम्‍बा, किन्‍ज्‍योलाॱराङ मी़हचीएँ, ओ़ह किन्‍ज्‍योगीॱराङ ख्‍या फ़ेबे-म़ेहमेया़ला नाम्‍पार-ताहक्‍पा थु नाङसीन।

१ थेसलोनिकी 4:8 ပူးပေါင်းရင်းမြစ်များ

लूका 10:16

ओहले येशूगी स्‍याहप्‍च्‍यीया़ला सुङ नाङसीन, “ख्‍यागी ताम ङ्यिहन्‍गेन्‍दीगी ङाहगी ताम ङ्यिहन्‍गे, ख्‍याला मिहङ्यीहन्‍गेया़गी ङाहॱलाङ मिहङ्यीहन्‍गे, ओहले ङाहला मिहङ्यीहन्‍गेया़गी ङाहला ताङ चाहङ नाङगेन किन्‍ज्‍योॱलाङ मिहङ्यीहन्‍गे” म़ेदी येशूगी सुङ नाङसीन।

यूहन्‍ना 12:48

ङाहला मा-लोक पेहकें दाङ ङाहती ताम मिहङ्यीहन्‍गेनया़ला ठिम ताङ नाङगे मेहन्‍दा च्‍यी़ ज़्‍य़ू नाङदी येह। ङाहगी माक्‍यो तामगीराङ खोला तिङस्‍यो ङ्यिहमाला ठिम ताङज्‍ये येह।

ल़ेह-पेन 13:41

‘ए स्‍ये़हन्‍डील पेहकेन मिहया़, याहम्‍जेनज्‍यी ने़दोङ, ओहले तोङदी सोङ! च्‍यि मासीमाना, ख्‍याया़गी ती़हजीला ङाह दि ल़ेहमु ल़ेह च्‍यी़ पेहच्‍ये येह। ओहले दि रोहवा काहल्‍सीन म़ेदी का़हलेॱआङ मिह च्‍यी़गी ख्‍याया़ला स्‍येॱनाङ ख्‍याया़गी यिह छ्य़ेज्‍ये म़ेह’।”

रोमी 5:5

रेहवागी ओहराङला सेम स्‍यि मी़हच्‍युएँ, च्‍यिबेमाना किन्‍ज्‍योगी ओहराङला नाम्‍पार-ताहक्‍पा थु नाङदी येह ओहले ओ़ह नाम्‍पार-ताहक्‍पा थुगी ओहराङगी यिहला किन्‍ज्‍योकी चेवा ज़्‍या़ नाङदी येह।

१ कोरिन्‍थी 2:10

किन्‍ज्‍योगी राहङगी थु लाहमले ओहराङला राहङगी स्‍याहलया़ तेन नाङदी येह। च्‍यिबेमाना नाम्‍पार-ताहक्‍पा थुगी ना थाम्‍ज्‍यीराङ तामया़ छोल नाङगे, ओहले किन्‍ज्‍योकी तिहङ रिहङबु-रिहङबुकी तामया़ॱआङ छोल नाङगे।

१ कोरिन्‍थी 7:40

यिहॱनाङ मोहगी पा़हमा माहबेबा पेहती तेह ख़ूसीमाना मोहला तोहरोङ क्‍यिपु ओहङज्‍ये येह, दि ङाहगी नोम्‍साङ यिहम्‍बा ओहले ङाहला दि ल़ेहमु ने़उ दु ङाह ङ्याम्‍बु किन्‍ज्‍योगी थु ज़्‍य़ू नाङदी येहबा।

२ कोरिन्‍थी 1:22

मिहरोगी ओहराङ थो़ला राहङगी पार क्‍याहप नाङदी येहबा, ओहले ओहराङगी सेमला बे़ना क्‍याहप्‍ती नाम्‍पार-ताहक्‍पा थु नाङदी येहबा।

गलाती 4:6

ओहराङ किन्‍ज्‍योदीॱराङ छार्क्‍यीन यिहम्‍बा म़ेदी तेन्‍ज्‍येला किन्‍ज्‍योगी राहङ स़ेबुकी थु ओहराङगी लोला ताङ नाङसीन। ओहले ओ़ह थुगीॱराङ ओहराङ लो लाहमले “ओ़ अब्‍बा, ओ़ याहप,” म़ेदी क़े क्‍याहप नाङगे यिहम्‍बा।

१ पत्रुस 1:12

खुङया़ला दि केच्‍या ङोह स्‍य़े च्‍य़ूक्‍यो येहकें च्‍यिबेमाना खुङया़गी राहङगी तेहन्‍दाला मिहम्‍बा, यिहॱनाङ ख्‍याया़ला स्‍याहप्‍तो स्‍यी़ह-तेहक्‍यो येहकें। दि केच्‍या स्‍यिहङगामले माहर ताङ नाङग्‍योकी नाम्‍पार-ताहक्‍पा थु लाहमले ख्‍याया़ला स्‍येक्‍योगी या़हबु लेहङगुया़ प्रा साल्‍गेनया़गीॱराङ ताहन्‍दा ख्‍याया़ला स्‍येती येहबा। स्‍यिहङगामकी स्‍याहप्‍च्‍यीया़ॱआङ दि से़हया़ ताज्‍येला ज्‍यिबुराङ सेम पेहती येहबा।

२ पत्रुस 1:21

च्‍यिबेमाना लुहङतेम्‍बागी सुङ नाङग्‍योकी स्‍याहल मिहकी सेम लाहमले मेहयोहङगे, यिहॱनाङ नाम्‍पार-ताहक्‍पा थु लाहमले रिहक्‍स्‍यी ज्‍योर्ती मिहया़गी किन्‍ज्‍यो लाहमले सुङ नाङग्‍यो यिहम्‍बा।

१ यूहन्‍ना 3:24

किन्‍ज्‍योगी का ङ्यिहन्‍गे मिह थाम्‍ज्‍यी किन्‍ज्‍यो ङ्याम्‍बुराङ ओहङज्‍ये येह ओहले किन्‍ज्‍यो खुङ ङ्याम्‍बु ज़्‍य़ू नाङज्‍ये येह। किन्‍ज्‍योगी ओहराङला नाङग्‍यो नाम्‍पार-ताहक्‍पा थु लाहमले किन्‍ज्‍यो ओहराङ ङ्याम्‍बु ज़्‍य़ू नाङगे माएँ ताम ङोह स्‍य़े ख़ूएँ।

यहूदा 1:8

दि ल़ेहमु पेहती ओ़ह मिलाम थोङगे दि मिहया़गी राहङगी ज़ुबुला मेहचाङा ज़ोएँ, ओङला मा-लोक पेहकें ओहले स्‍यिहङगामला येहकेनया़ला स्‍याहम्‍डेन तेन्‍गे।