१ थेसलोनिकी 4:17 - ह्योल्‍मो

¹⁷ ओ़ह ङ्यिहमा थु ओहराङ थार्ती तेहक्‍योया़ दाङ क्‍युर ज़्‍या़क्‍योया़ चो़वोला थुज्‍येला खुङ ङ्याम्‍बुराङ मुक्‍पाला क्‍या़दी नोम फेप नाङज्‍ये येह, ओहले ओ़ह ल़ेहमु पेहती ओहराङ नाहम माॱनाङ चो़वो ङ्याम्‍बुराङ ओहङज्‍ये येह।

१ थेसलोनिकी 4:17 ပူးပေါင်းရင်းမြစ်များ

मत्ती 26:64

ओहले येशूगी सुङ नाङसीन, “ओ़हदीनी राहङगीराङ सुङ नाङगु दु, ङाह राहङ फे़बेया़ला माएँ ता़ह यिहन्‍ज्‍यु राहङ फे़बेया़गी मिहगी स़ेबुला ओङ छ्यिम्‍बु किन्‍ज्‍योगी योबा ङो़गी ज़्‍य़ू-ठिला ज़्‍य़ू नाङग्‍यो दाङ स्‍यिहङगामले माहर मुक्‍पाला फेप्‍केनॱराङ जेक्‍यो थोङज्‍ये येह।”

मर्कूस 14:62

ओहले येशूगी सुङ नाङसीन, “यिहम्‍बा, ङाह यिहम्‍बा ओहले ङ्यिहमा च्‍यी़ ख्‍या फे़बेया़गी मिहगी स़ेबुला थाम्‍ज्‍यी म़ेदी ओङ छ्यिम्‍बु किन्‍ज्‍योगी योबा ङो़गी ज़्‍य़ू-ठिला तेहक्‍यो दाङ स्‍यिहङगामले माहर मुक्‍पाला ओहङगेॱराङ पेहक्‍यो थोङज्‍ये येह!”

यूहन्‍ना 12:26

ङाहला स्‍याहप्‍तो स्‍युहज्‍ये छोल्‍गेन्‍दी ङाहला तिङ ङ्या़ कोहएँ। ओहले ङाह का़हला येहबा, ओ़हला ङाहला स्‍याहप्‍तो स्‍युहएँया़ॱआङ ओहङज्‍ये येह। ङाहती याहपगी ङाहला स्‍याहप्‍तो स्‍युहएँया़ला चा़ जे नाङज्‍ये येह।”

यूहन्‍ना 14:3

ओहले ख्‍याया़की तेहन्‍दाला ग्‍या़ ठाबे पेह सिहन फान्‍ज्‍यो ङाह येहपाराङ लो़हदी ओहङज्‍ये येह, ओहले ख्‍याया़ला ङाहसाला ख्‍येर्च्‍ये येह, ओहले ङाह का़हला येहबा, ओ़हला ख्‍याया़ॱआङ ओहङज्‍ये येह।

यूहन्‍ना 17:24

ओ़ याहप, राहङगी ङाहला नाङग्‍योकी मिहया़ ङाह ङ्याम्‍बुराङ तेहती ङाहती ज़िज्‍यिद थोङ ख़ूज्‍यु म़ेदी ङाह म़ेहबा पेहकें। ओ़ह ज़िज्‍यिद जाम्‍बुलीङ छ्या़गे म़ेदी तोहङ यिहन्‍ज्‍युराङ राहङगी ङाहला चेवा जे नाङग्‍यो सोङबे राहङगी ङाहला नाङग्‍यो येहकें।

ल़ेह-पेन 1:9

ओहजे सुङ सिहन फान्‍ज्‍यो स्‍याहप्‍च्‍यीया़गी ताताबा काहङला येशू नामला फुर्ती फेप नाङसीन। ओहले मुक्‍पागी येशूला का़सीन ओ़ह तिङले खुङया़गी येशूला माहथोङ।

ल़ेह-पेन 8:39

छ्युले फिला थेन फान्‍ज्‍यो चो़वो छ्येवागी नाम्‍पार-ताहक्‍पा थुगी फिलिपला ज़ुङदी ख्‍येर नाङसीन, ओहले ओ़ह मिहगी फिलिपला येहपाराङ माहथोङ, ओहले खो ज्‍यिबुराङ क़ेहनाङ पेहती राहङगी लाहम स्‍य़ूहसीन।

१ कोरिन्‍थी 15:52

उ़देप च्‍यी़लाॱराङ, मी़ चुम पेहताङ च्‍यी़लाॱराङ, ओहले तिङस्‍यो रोहवा-लीङगी क़े थे़-लुहङ मे़हबाराङ। च्‍यिबेमाना रोहवा-लीङगी क़े थे़न्‍ज्‍ये येह, ओहले स्‍यिक्‍योया़ नाहमॱआङ मिहस्‍यीएँगी मिहली लेहन्‍दी लाहङज्‍ये येह। ओहले ओहराङगी ज़ुबु ग्‍युर्च्‍ये येह।

२ कोरिन्‍थी 5:8

ङ्यिह का मे़हक्‍याहल्‍गे, तोहरोङ ज़ुबु लाहमले खा फ़ेदी चो़वो ङ्याम्‍बु तेहच्‍ये सेम्‍बा येहबा।

फिलिप्‍पी 1:23

दिगी तेहन्‍दाला ङाहती सेम ङ्यी़ काहल्‍दी येह। दि जाम्‍बुलीङ क्‍युर ज़्‍या़दी मास्‍यीका ङ्याम्‍बु तेहच्‍ये ङाहला ज्‍यिबुराङ छ्यिम्‍बु सेम्‍बा येहबा, च्‍यिबेमाना दि ज्‍यिबुराङ या़हबु ताम यिहम्‍बा,

१ थेसलोनिकी 3:13

दिगी पेहती मिहरोकी थाम्‍ज्‍यी नाम्‍पार-ताहक्‍पा मिहया़ ङ्याम्‍बु ओहराङगी चो़वो येशू मास्‍यीका फेप नाङगेमु चो़वो येशूगी ओहराङगी किन्‍ज्‍यो याहपकी दिनला ख्‍या फ़ेबे-म़ेहमेया़गी सेम नाम्‍पार-ताहक्‍पा दाङ च्‍यिॱआङ क्‍येन म़ेहबा पेहती थिक-चि पेहती ज़्‍या़ नाङज्‍यु। आमेन।

१ थेसलोनिकी 4:15

चो़वो राहङदीराङ सुङ लाहमले ङ्यिहगी ख्‍या फ़ेबे-म़ेहमेया़ला दि ल़ेहमु माउ येह। चो़वो फेप नाङगे ङ्यिहमा थु ओहराङ थार्ती तेहकेया़गी किन्‍ज्‍योला यिह छ्य़ेदी स्‍यि सिहन्‍ग्‍योया़ला च्‍यि पेहतीॱआङ गोम्‍दी तोहङले डो ख़ूज्‍ये म़ेह।

१ थेसलोनिकी 4:18

ओ़ह सोङबे दि तामया़गी च्‍यी़गी च्‍यी़ला स्‍युक क्‍ये च्‍य़ूदोङ।

१ थेसलोनिकी 5:10

चो़वो येशू फेप नाङगेमु ओहराङ स्‍यिदी काहल्‍ग्‍यो यिहॱनाङ, सोम्‍बो लिहक्‍यो यिहॱनाङ ओहराङ मिहरो लाहमलेॱराङ थार ख़ूज्‍यु म़ेदीराङ मास्‍यीका ओहराङगी तेहन्‍दाला टोहङ नाङसीन।

२ पत्रुस 3:13

यिहॱनाङ ओहराङ किन्‍ज्‍योगी ज़्‍या़ नाङग्‍योकी ताहम्‍ज्‍या साम्‍बा जाम्‍बुलीङ दाङ साम्‍बा स्‍यिहङगामकी लाहम कू़हदे तेहकें। ओ़ह ग्‍या़ला मिह टाहङबुया़ च्‍यी़राङ ओहङज्‍ये येह।

ज्‍याल्‍गा 1:7

त़ेदोङ, मिहरो मुक्‍पाला फेप नाङगेराङ येह, ओहले मिह थाम्‍ज्‍यीगी मिहरोला थोङज्‍ये येह ओहले मिहरोला दुङगी चो़क्‍योया़गीॱआङ थोङज्‍ये येह। थाम्‍ज्‍यी मी़गी मिहरोला थोङज्‍ये येह। ओहले जाम्‍बुलीङकी थाम्‍ज्‍यी क्‍यिहपाया़गी मिहरोगी तेहन्‍दाला ङ्याहङेन पेहच्‍ये येह। दि ल़ेहमुराङ ओहङज्‍यु। आमेन।

ज्‍याल्‍गा 11:12

ओहले ओ़ह लुहङतेम्‍बा ङ्यी़गी स्‍यिहङगामले दि ल़ेहमु सुङ-क़े छ्यिम्‍बुच्‍यी थ़ेसीन, “देला याहर स्‍यो।” ओहले थाम्‍ज्‍यी टाहया़गी ताएँ ताएँॱराङ ओ़ह मिह ङ्यी़ मुक्‍पाला क्‍या़दी स्‍यिहङगामला काहल्‍सीन।

ज्‍याल्‍गा 12:5

ओ़ह पी़हमीगी थाम्‍ज्‍यी क्‍यिहपाया़ला च्‍या़गी प्रेहकागी ओङ छ्य़ेएँगी पुह च्‍यी़ क्‍येसीन। ओ़ह पेहजाला किन्‍ज्‍यो साला क्‍या़दी मिहरो ज़्‍य़ू नाङगेन्‍गी ज़्‍य़ू-ठिला ख्‍येर्सीन।