१ थेसलोनिकी 4:11 - ह्योल्‍मो

¹¹ ङ्यिहगी ख्‍या फ़ेबे-म़ेहमेया़ला तोहङले माक्‍यो ल़ेहमुराङ सेम लो तेहमुगी मिहजी ताङज्‍येला सेम्‍बा पेहतोङ। ओहले राहङ-राहङगी ल़ेहया़ला सेम या़हबु ताङदोङ ओहले राहङ लाहक्‍पागीॱराङ ल़ेह पेहतोङ।

१ थेसलोनिकी 4:11 ပူးပေါင်းရင်းမြစ်များ

मर्कूस 13:34

ओ़ह केच्‍या नि योक्‍पुया़ला खाङबा चि क्‍याहप्‍ती कोरा क्‍याहप्‍च्‍येला डोएँगी खाङबा ताहक्‍पुगी पेताम ल़ेहमु यिहम्‍बा। ताहक्‍पुगी राहङगी योक्‍पुया़ला राहङ-राहङगी ल़ेहया़ पेहती ज़्‍या़दोङ म़ेदी ल़ेह चि क्‍याहप्‍के ओहले कोह सुङगे मिहॱलाङ ‘या़हबु पेहती खाङबा सुङदोङ!’ म़ेदी ल़ेह तेन्‍दी ज़्‍या़एँ।

ल़ेह-पेन 18:3

खुङया़गी पा़ल ज़ोएँगी ल़ेह पेहती राहङगी टेहपा सोउ येहकें। पावलॱआङ खुङया़ ङ्याम्‍बुराङ तेहसीन च्‍यिबेमाना खोगीॱआङ खुङया़गी ल़ेहमुराङ पा़ल ज़ोएँगी ल़ेह पेहती टेहपा सोउ येहकें।

ल़ेह-पेन 20:35

ङाहगी थाम्‍ज्‍यी तामला राहङ फे़बेया़ला पे तेन सिहन्‍दी येह, राहङ फे़बेया़गीॱआङ दि ल़ेहमुराङ तुहक्‍पु पेहती ला़ मेहखाएँया़ला रो़ह पेह कोहएँ। चो़वो छ्येवा येशूगी सुङ नाङग्‍योकी दि स्‍याहल टेहम्‍बा साल्‍दी तेहतोङ, ‘लेहन्‍गे म़ेदी तेर्के सोनाम-साक्‍पु’!” म़ेदी पावलगी एफिससकी छो़बाया़गी गोबाया़ला मासीन।

रोमी 12:11

ल़ेहमी-लाहम माहबेबा पेहती कादुप च्‍येती ल़ेह पेहतोङ। यिहला स्‍युक छ्यिम्‍बु पेहती चो़वोला स्‍याहप्‍तो स्‍यी़हदोङ।

रोमी 15:20

लेहमेन मिहगी तिङग्‍यो ब्रामला खाङबा ज़ोक्‍यो ल़ेहमुराङ लेहमेन मिहगी या़हबु लेहङगु स्‍य़े सिहन्‍ग्‍यो ग्‍या़ला ङाह या़हबु लेहङगु ख्‍येप्‍टा मेहक्‍याहप्‍कें। मास्‍यीकाकी तेहन्‍दाला थे़ॱराङ मा़हथेबा ग्‍या़या़ला च्‍यी़राङ ङाहला ख्‍येप्‍टा क्‍याहप्‍च्‍येला ज्‍यिबुराङ छ्यिम्‍बु सेम्‍बा येहबा।

१ कोरिन्‍थी 4:12

ओहले साहज्‍ये थुङज्‍येगी तेहन्‍दाला ङ्यिह राहङदीराङ लाहक्‍पागी कादुप च्‍येती ल़ेह पेहको येह। लेहमेन मिहया़गी मे़मु क्‍याहप्‍केमु ङ्यिहगी खुङला मेलाम क्‍याहप्‍को येह। ओहले मिहया़गी तुहक्‍पु तेर्केमु ङ्यिह ना़दी तेहको येह।

२ कोरिन्‍थी 5:9

ओ़ह सोङबे ङ्यिह स्‍या दाङ रेहकोगी ज़ुबुला येहॱनाङ, यिहक्‍तेन ज़ुबुला येहॱनाङ मिहरोला थु ङ्य़ेबु ज़ोएँदीॱराङ ङ्यिहगी चा़ छ्यिम्‍बु ल़ेह यिहम्‍बा।

एफिसी 4:28

कुमेन क्‍याहप्‍केन्‍गी ता़ह यिहन्‍ज्‍यु कुमेन माह-क्‍याहप्‍च्‍यु खोगी टाहङबु पेहती राहङ लाहक्‍पागीॱराङ कादुप च्‍येती ल़ेह तुहक्‍पु पेहच्‍यु, ओहले खोगी कोम्‍बु काहल्‍ग्‍योया़ला तेर ख़ूज्‍ये येह।

१ तिमोथी 2:2

क्‍याहल्‍बुया़ दाङ थाम्‍ज्‍यी पोम्‍बोया़गी तेहन्‍दालाॱआङ सोल्‍वाङ ताप्‍तोङ। ओ़ह ल़ेहमु पेहसीमाना ओहराङ क्‍यिपु दाङ स्‍य़िहदे पेहती किन्‍ज्‍योला क्‍याप्‍ती किन्‍ज्‍योगी थु ङ्ये़बाकी मिहजी ताङ ख़ूज्‍ये येह।

१ तिमोथी 5:13

येहपाराङ खुङया़ लेहमेन मिहया़गी खाङबा-खाङबाला कोर्केन्‍गी बा़नी काहल्‍दी खुङ फेनराङ मे़हथोएँ काहल्‍ग्‍यो ओहङगे। ओहजे च्‍यी़राङ मिहम्‍बा खुङगी मिहया़गी ताम च्‍येहकेन, लेहमेन मिहया़की ल़ेहला लाहक्‍पा च्‍य़ूगेन दाङ माज्‍ये मेहयोहङगे तामया़ॱआङ म़ेदी डोएँ ओहङगे।

तीतस 3:14

ओहराङगी मिहया़ या़हबु ल़ेहया़ला सेम ताङ ख़ूज्‍यु, दि लाहमले पेहती खुङगी लेहमेन मिहया़ला ज्‍यिबुराङ कोहपु डोएँमु रो़हराम पेह ख़ूज्‍यु, दि ल़ेहमु पेहसीमाना ख्‍या फेन मे़हथोएँगी मिहया़ डोज्‍ये म़ेह।

१ पत्रुस 3:4

यिहॱनाङ ख्‍यागी नाहङ सेमदी या़हबु ओहङ कोहकें, ओ़ह नाहमॱआङ याहल्‍दी मेहन्‍डोएँ ङ्येम्‍ज्‍युङ दाङ स्‍य़िहदेकी केहन्‍ज्‍याया़गी राहङगी सेम ज़ाप कोहएँ यिहम्‍बा ओ़ह किन्‍ज्‍योगी ज़ी़लुला ज्‍यिबुराङ रिहन केहपु येहबा।

१ पत्रुस 4:15

यिहॱनाङ ख्‍याया़गी का़हलेॱआङ तुहक्‍पु खुरॱटाङ कोहसीनमाना मिहला सेत्‍ती, कुमेन क्‍याहप्‍ती, ल़ेह चोक्‍पा पेहती, क्‍यिनी लेहमेन मिहया़गी ल़ेहला लाहक्‍पा क्‍याहप्‍ती तुहक्‍पु खुर माहकोहज्‍यु।