१ थेसलोनिकी 4:1 - ह्योल्मो1 ता़ह ज्युक्स्योलला आदा-नो़ह दाङ आज्यी-नुहमुया़, चो़वो येशूगी छेनला ङ्यिह राहङ फ़ेबे-म़ेहमेया़ला थाल्मा च्याहर्ती दि उर्चु पेहको येह, ख्या फ़ेबे-म़ेहमेया़गी ङ्यिह लाहमले किन्ज्योला थु ङ्ये़एँगी डोलु-तेहलुया़ लोप नाङदी येह ओहले लोप्क्यो ल़ेहमुराङ ख्या फबे-मे़हमेया़गी नाहरे जे नाङगेराङ येह। ओ़ह ल़ेहमु डोलु-तेहलुया़ला ख्या फ़ेबे-म़ेहमेॱया जेन-जेन या़हबु पेहती फेप नाङदोङ। အခန်းကိုကြည့်ပါ။ |
१ थेसलोनिकी 4:1
44 ပူးပေါင်းရင်းမြစ်များ
ज्युक्स्योलला आदा-नो़ह दाङ आज्यी-नुहमुया़, ता़ह ङाहला कोहङबा नाङदोङ। टाहङबु मिहजी ताङदोङ। क़ेहनाङ पेहतोङ! ङाह ख्याला ओहर-छ्य़े स्युहउ येह, च्यी़गी च्यी़ला आ़र क्ये च्य़ूदोङ। च्यी़गी च्यी़ला माक्यो तामया़ ङ्यिहन्दोङ ओहले सेम लो तेहमु पेहती तेहतोङ। ओहले स्य़िहदे दाङ चेवा जे नाङगे किन्ज्यो ख्या ङ्याम्बु ज़्य़ू नाङज्ये येह।
आदा-नो़ह दाङ आज्यी-नुहमुया़, सुज्यीगी तिहक्पाकी ल़ेहया़ पेह तेहक्यो च्य़ेह सिहन्सीमाना नाम्पार-ताहक्पा थु लाहमले राहङगी डोलु-तेहलु पेहकेन मिहया़गी स्यिहवा पेहती खोला लोप्ताम क्याहप्ती लाहम या़हबुला ख्योङ कोहएँ। ओहले ख्या राहङगी तेहन्दालाॱआङ या़हबु जेम्बु पेहतोङ मिहन्सीमानानी ख्याया़ॱआङ ङ्याहम्छेला छ्यिच्ये येह।
चा़ छ्यिम्बु ताम दिराङ यिहम्बा, काहन्डुमु पेहती यिहॱनाङ ख्यागी डोलु-तेहलुया़ मास्यीकाकी लेहङगुला पे-सी़हएँदी ओहङज्यु। ओ़ह सोङबे ङाहगी ख्याया़ला थ़ू ख़ूॱनाङ मी़हखुॱनाङ ख्याया़ ताम च्यी़ला डी़दी थिक-चि पेहती सेम च्यी़ थो़दी या़हबु लेहङगुकी तेहपाकी तेहन्दाला तुहक्पु पेहकेनॱराङ दु लो माएँ ताम ङाहगी थ़े ङ्युहङज्यु।
आदा-नो़ह दाङ आज्यी-नुहमुया़, ख्याया़गी तेहन्दाला नाहम्माॱनाङ ङ्यिहगी किन्ज्योला थुज्यी-छ्ये़ फुलॱराङ कोहएँ। ओहले ओ़ह ल़ेहमु पेहक्योदी या़हबु यिहम्बा च्यिबेमाना ख्या फे़बे मे़हमेया़की तेहपा माहङरो माहङरो पेहती काहल्दी येह। ओहले ख्या राहङ नाङदोङगी चेवाॱआङ जेन-जेन माहङरो माहङरो पेहती डोॱराङ येह।
ကြော်ငြာတွေ