१ थेसलोनिकी 2:9 - ह्योल्मो9 ए आदा-नो़ह दाङ आज्यी-नुहमुया़, ङ्यिहगी तुहक्पु दाङ कादुप च्येक्यो राहङ फ़ेबे-म़ेहमेया़ला टेहम्बा येहॱराङ येह। ख्या फ़ेबे-म़ेहमेॱया सुज्यीलाॱआङ तुहक्पु माहयोहङज्यु म़ेदी ङ्यिहगी ङ्यिहन-नुहप ल़ेह पेहती किन्ज्योगी लेहङगु या़हबु ख्या फ़ेबे-म़ेहमेया़ला स्य़ेसीन। အခန်းကိုကြည့်ပါ။ |
१ थेसलोनिकी 2:9
35 ပူးပေါင်းရင်းမြစ်များ
लेहमेन क्यिहपाया़गी तेहन्दाला किन्ज्योगी ङाहला मास्यीका येशूला स्याहप्तो स्युहएँकी मिह ज़ो नाङसीन। लेहमेन क्यिहपाकी मिहया़ नाम्पार-ताहक्पा थु लाहमले चाङमा काहल्दी किन्ज्योकी थु ङ्ये़बाकी डेल्बा ओहङ ख़ूज्यु म़ेदी मिहरोगी ङाहला राहङदी या़हबु लेहङगु स्येच्येला पूजाहारीगी ल़ेहया़ चि क्याहप नाङसीन।
यिहॱनाङ दि ओङया़ नाहङला ङाहगी का़हन्दीॱआङ ओङ लाङ म़ेदी म़ेह, ओहले ङाहगी तेहन्दाला दि थाम्ज्यी च्याहम्दाया़ डी़ज्यु म़ेदी ङाहगी दि ताम प्रुहक्योॱआङ मिहन। दि ल़ेहमु पेहकें म़ेदीनी तोहरोङ ङाह स्यिएँॱराङ सोनाम-साक्पु। दि ङाहती छ्य़ेन्दो तेन्गेन्गी तामला सुज्यीगीॱआङ “दिनी स्यिती काम्बु यिहन” म़ेदी मा ख़ूज्ये म़ेह।
ख्या ङ्याम्बु येहकेंमु ङाहला माहङबुराङ से़हया़दी कोम्बु काहल्दी येहकें यिहॱनाङ ङाहगी सुज्यीॱलाङ तुहक्पु माहतेर, च्यिबेमाना माकेडोनिया लुहङबाले ओहङग्यो नो़हया़गी ङाहला कोहकेन्गी से़हया़ थाम्ज्यीराङ छाङबु पेह तेर्सीन। दि तामला ङाहगी ख्याया़ला तोहङलेॱआङ तुहक्पु तेर्ती म़ेह ओहले तिङलेॱआङ तेर्च्ये म़ेह।
ख्या फ़ेबे-म़ेहमेॱया साला ओहङगे म़ेदी तोहङले फिलिप्पीकी मिहया़गी ङ्यिहला आब्रु तेन्दी ज्यिबुराङ तुहक्पु तेर्सीन। दि केच्याॱआङ ख्या फ़ेबे-म़ेहमेया़ला थुयी़राङ येह। मिहया़गी ङ्यिहला ज्यिबुराङ टाह पेहॱनाङ किन्ज्योगी लेहङगु या़हबु ख्या फ़ेबे-म़ेहमेया़ला स्येच्येला ङ्यिहला किन्ज्योगीॱराङ स्युक क्ये च्य़ू नाङसीन।
ကြော်ငြာတွေ