१ थेसलोनिकी 2:8 - ह्योल्‍मो

⁸ तेहम्‍बाराङ ङ्यिहगी ख्‍या फ़ेबे-म़ेहमेया़ला निङज्‍यी पेहती येह, राहङ फेबे-मे़हमेया़दी ङ्यिहला ज्‍यिबुराङ निङ च्‍येहएँ, माज्‍येराङ माना किन्‍ज्‍योकी लेहङगु या़हबु च्‍यी़राङ मिहम्‍बा ङ्यिहगी मिहली थाम्‍ज्‍यीराङ ख्‍या फ़ेबे-म़ेहमेया़गी तेहन्‍दाला तेर्च्‍येलाॱआङ ठाबे काहल्‍दी येहकें।

१ थेसलोनिकी 2:8 ပူးပေါင်းရင်းမြစ်များ

लूका 7:2

ओहले ओ़ह ग्‍या़ला रोमी माक्‍पेनगी ज्‍यिबुराङ च्‍याहम्‍बा पेहक्‍योगी योक्‍पु च्‍यी़ ने़हदी स्‍यिज्‍ये पेहती येहकें।

रोमी 1:1

दि यिहगी ङाह पावलगी प्रुहक्‍यो यिहम्‍बा। ङाह मास्‍यीका येशूगी योक्‍पु यिहम्‍बा। मिहरोगीॱराङ ङाहला ल़ेह-पेन ज़ो़-नाङज्‍येला क़े क्‍याहप नाङसीन ओहले किन्‍ज्‍योकी या़हबु लेहङगु स्‍येच्‍येला खा फे़ नाङसीन।

रोमी 10:1

आदा-नो़ह दाङ आज्‍यी-नुहमुया़, किन्‍ज्‍योगी इस्राएलीया़ला थार च्‍य़ू नाङज्‍यु माएँ ङाहती ज्‍यिबुराङ सेम्‍बा येहबा। ओ़ह सोङबे खुङया़ थार ख़ूज्‍यु म़ेदी ङाह किन्‍ज्‍यो ङ्याम्‍बु सोल्‍वाङ ताप्‍ती ओहर-छ्य़े स्‍युह येहबा।

रोमी 15:29

ङाह ख्‍यासाला ओहङगेमु मास्‍यीकाकी नाङगे मेलामगी काहङदी ओहङज्‍ये येह।

२ कोरिन्‍थी 12:15

ख्‍याया़गी तेहन्‍दाला ङाह ना थाम्‍ज्‍यीराङ से़हया़ क़ेहनाङ पेहती तेर्के, ओहले राहङगी ज़ुबुराङ तेर कोहएँ माॱनाङ तेर्कें। का़हलेॱआङ ङाहगी ख्‍याया़ला चेवा माहङबु पेहसीमाना च्‍यि ख्‍यागी ङाहलादी चेवा ङ्ये़हमु पेहकें ले?

२ कोरिन्‍थी 6:1

ङ्यिह किन्‍ज्‍यो ङ्याम्‍बुराङ ल़ेह पेहकें सोङबे ङ्यिह ख्‍याया़ला ओहर-छ्य़े स्‍युहउ येह, किन्‍ज्‍योगी ख्‍याया़ला काटीन जे नाङग्‍योदी ता़ह ओ़ह स्‍यिती काम्‍बुलाराङ थोरो डो मा़हच्‍यु।

गलाती 4:19

ए ङाहगी पेहजाया़, मास्‍यीकाती ल़ेहमुराङ डोलु-तेहलुया़ ख्‍याया़गी मिहलीला माहथोङ थु पेहजा क्‍येएँ ती़हजीला आमागी काह-ठि पेहती सुह ना़गे ओ़ह ल़ेहमुराङ तुहक्‍पु ताहन्‍दा ङाहगी ना़गेॱराङ येहबा।

फिलिप्‍पी 1:8

काह-ठि पेहती मास्‍यीका येशूकी निङज्‍यीगी पेहती ङाह ख्‍या थाम्‍ज्‍यीला टेहम्‍बा साल्‍गे माएँ तामला किन्‍ज्‍यो ङाहती पाङबु ज़्‍य़ू नाङदी येह।

फिलिप्‍पी 2:17

का़हलेॱआङ ख्‍यागी फुल्‍ग्‍यो यिह-छ्य़ेकी मार्च्‍येला ङाहतीॱआङ ठा़ मार्च्‍ये ल़ेहमुराङ पेहती फुल्‍दी स्‍याहल च्‍य़ू कोहॱनाङ ङाहला काहसो येह, ओहले ङाह ख्‍या थाम्‍ज्‍यी ङ्याम्‍बु क़ेहनाङ पेहकें।

फिलिप्‍पी 2:20

च्‍याहङज्‍यु सेम्‍बा थो़दी ख्‍याला तुहङाल पेहकें तिमोथी मिहम्‍बानी ङाह ङ्याम्‍बु लेहमेन सुॱआङ म़ेह।

फिलिप्‍पी 4:1

ओ़ह सोङबे ङाहगी च्‍याहम्‍बा पेहक्‍योकी आदा-नो़ह दाङ आज्‍यी-नुहमुया़, ख्‍या दि ल़ेहमुराङ पेहती चो़वोला थिक-चि पेहती तेहतोङ। ए ङाहगी रो़हया़ ङाह ख्‍याया़ला निङज्‍यी पेहकें, ङाहगी ख्‍याया़ला ज्‍यिबुराङ टेहम्‍बा साल्‍दी येहबा। ख्‍याया़राङ ङाहती सेम काहसो दाङ पेस्‍यो यिहम्‍बा।

कलस्‍सी 1:28

मिह थाम्‍ज्‍यीला मास्‍यीकाला छाङबु जे़दी किन्‍ज्‍योगी दिनला तेन ख़ूज्‍यु म़ेदी ङ्यिह मिह ऱेह-ऱेहला ज्‍यी़-ङोर तेन्‍गेॱराङ ओहले मिह ऱेह-ऱेहला थाम्‍ज्‍यी रिहक्‍स्‍यीला लोप्‍केॱराङ मास्‍यीकाकी तेहन्‍दाला स्‍येकें।

कलस्‍सी 1:7

दि या़हबु लेहङगु ङ्यिह ङ्याम्‍बुराङ स्‍याहप्‍तो स्‍युहएँ च्‍याहम्‍बु नो़ह इपाफ्रासगी ख्‍याया़ला लोप्‍सीन। खो ङ्यिह ङ्याम्‍बुराङ ङ्यिहती छापला ख्‍याया़गी पाहरक्‍यीला मास्‍यीकाकी छ्या़ले पेहकेन यिह-छ्य़ेबु नो़ह यिहन।

कलस्‍सी 4:12

ख्‍या नाहङदीॱराङ नो़ह मास्‍यीका येशूगी योक्‍पु इपाफ्रासगीॱआङ ख्‍याया़ला टास्‍यी-देले ताङदे येह। खोगी नाहम्‍माॱनाङ ख्‍याला सोल्‍वाङला टेहम्‍बा साल्‍दी ख्‍या किन्‍ज्‍योला सान्‍दी डो ख़ूज्‍यु, यिह-छ्य़ेला च्‍यिप्‍क्‍यो ओहङ ख़ूज्‍यु ओहले काया़ ची़ ख़ूज्‍यु म़ेदी कादुप च्‍येती सोल्‍वाङ ताप्‍को येह।

फिलेमोन 1:1

मास्‍यीका येशूकी तेहन्‍दाला चोन-खाङला छ्यिक्‍यो ङाह पावल दाङ ओहराङगी नो़ह तिमोथी लाहमले, ओहराङ ङ्याम्‍बुराङ ल़ेह पेहकेन च्‍याहम्‍बु रो़ह फिलेमोन

हिब्रू 13:17

ख्‍या गोबाया़गी माक्‍योगी ताम ङ्यिहन्‍दोङ। ओहले खुङगी ओङ चो़ला तेहतोङ। च्‍यिबेमाना चिदुङ तेर कोहएँ माएँ ताम ङोह स्‍य़ेदीॱराङ खुङया़गी ख्‍याती नाम्‍स्‍यीदी कुहर्ची पेहकें। दि ल़ेह खुङया़गी सेम काहसो पेहती पेहच्‍यु। तुहक्‍पु ने़दी मिहम्‍बा, मिहन्‍सीमाना ओहलेगी ख्‍याया़ला च्‍यिॱआङ खेप्‍साङ मेहयोहङगे।

१ यूहन्‍ना 3:16

मास्‍यीकागी ओहराङगी तेहन्‍दाला राहङगी कुसोॱराङ नाङसीन। ओ़ह सोङबे ओहराङगी मास्‍यीकागी चेवा ङोह स्‍य़ेदी येहबा। ओहराङगीॱआङ राहङगी आदा-नो़ह दाङ आज्‍यी-नुहमुया़गी तेहन्‍दाला राहङगी ज़ुबु तेर कोहएँ।