१ थेसलोनिकी 2:12 - ह्योल्मो12 ख्यागी डोलु-तेहलुया़ किन्ज्योला सी़ह ख़ूएँगी मिहजी ओहङ ख़ूज्यु म़ेदी ङ्यिहगी ख्या फ़ेबे-म़ेहमेया़ला स्युक क्ये च्य़ूएँराङ सेम ज़ुङ च्य़ूदी थाल्मा च्याहरको येह। च्यिबेमाना किन्ज्योगी ख्या फ़ेबे-म़ेहमेया़ला मिहरोगी राहङदीराङ क्याहल्सी दाङ ज़िज्यिदला क़े क्याहप नाङदी येह। အခန်းကိုကြည့်ပါ။ |
१ थेसलोनिकी 2:12
29 ပူးပေါင်းရင်းမြစ်များ
चा़ छ्यिम्बु ताम दिराङ यिहम्बा, काहन्डुमु पेहती यिहॱनाङ ख्यागी डोलु-तेहलुया़ मास्यीकाकी लेहङगुला पे-सी़हएँदी ओहङज्यु। ओ़ह सोङबे ङाहगी ख्याया़ला थ़ू ख़ूॱनाङ मी़हखुॱनाङ ख्याया़ ताम च्यी़ला डी़दी थिक-चि पेहती सेम च्यी़ थो़दी या़हबु लेहङगुकी तेहपाकी तेहन्दाला तुहक्पु पेहकेनॱराङ दु लो माएँ ताम ङाहगी थ़े ङ्युहङज्यु।
ता़ह ज्युक्स्योलला आदा-नो़ह दाङ आज्यी-नुहमुया़, चो़वो येशूगी छेनला ङ्यिह राहङ फ़ेबे-म़ेहमेया़ला थाल्मा च्याहर्ती दि उर्चु पेहको येह, ख्या फ़ेबे-म़ेहमेया़गी ङ्यिह लाहमले किन्ज्योला थु ङ्ये़एँगी डोलु-तेहलुया़ लोप नाङदी येह ओहले लोप्क्यो ल़ेहमुराङ ख्या फबे-मे़हमेया़गी नाहरे जे नाङगेराङ येह। ओ़ह ल़ेहमु डोलु-तेहलुया़ला ख्या फ़ेबे-म़ेहमेॱया जेन-जेन या़हबु पेहती फेप नाङदोङ।
ओ़ह ङ्यिहमाला चो़वो येशूगी राहङगी नाम्पार-ताहक्पा मिहया़ लाहमले ज़िज्यिद नोम नाङज्ये येह ओहले यिह छ्य़ेगेया़ थाम्ज्यीलाराङ ह्अ ल़ेह च्य़ू नाङज्येला मिहरो फेप नाङज्ये येह ओहजेला राहङ फे़बे-मे़हमेया़ॱआङ ओ़हला ओहङज्ये येह, च्यिबेमाना ङ्यिहगी तामला ख्या फ़ेबे-म़ेहमेया़गी यिह-छ्य़े जे नाङसीन।
यिहॱनाङ ख्याया़नी दाम्ग्योगी मिहया़, क्याहल्बुला स्याहप्तो स्युहएँगी पूजाहारी, नाम्पार-ताहक्पा क्यिहपाया़, किन्ज्योगी राहङदीराङ मिहया़ यिहम्बा। मिहरोगी ख्याया़ला ना़-जुबेलेगी याहम्जेन छ्येवा जेती क्या-साङेला नोम फेन नाङसीन च्यिबेमाना ख्याया़गी किन्ज्योकी याहम्जेन छ्येवागी छ्या़लेया़ मिहया़ला स्युक छ्यिम्बु पेहती स्ये ख़ूज्यु म़ेदी यिहम्बा।
थाम्ज्यी काटीनकी किन्ज्योगी मास्यीकाला यिह-छ्य़े नाङदी राहङदी नाहमॱआङ मिहसीहन्गेन्गी ज़िज्यिद नाङज्येला ख्याया़ला क़े क्याहप नाङदी येह। ख्यागी ङ्यिहमा तोबाज्यी तुहक्पु खुर फान्ज्यो मिहरोगीॱराङ ख्याया़ला येहपाराङ साम्बा ज़ो नाङज्ये येह, ओहले ख्यागी सेम थिक-चिला ज़्या़दी ओङज्या छ्यिम्बु ज़ो नाङज्ये येह ओहले ब्राम सान्दी तिङग्यो ग्या़ला ज़्या़ नाङज्ये येह।
ကြော်ငြာတွေ