Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




१ पत्रुस 5:9 - ह्योल्‍मो

9 यिह-छ्य़ेला सान्‍दी तेहती खोला टाह पेहतोङ, च्‍यिबेमाना ख्‍यागी ल़ेहमुराङ छ्यो़ ज़्‍यिला किन्‍ज्‍योला यिह-छ्य़े पेहक्‍यो लेहमेन ख्‍यागी आदा-नो़ह दाङ आज्‍यी-नुहमुया़गीॱआङ तुहक्‍पु खुर्ती येह माएँ ताम ख्‍याया़ला क्‍यी़हराङ येह।

အခန်းကိုကြည့်ပါ။ ကော်ပီ




१ पत्रुस 5:9
24 ပူးပေါင်းရင်းမြစ်များ  

यिहॱनाङ ख्‍येगी तेहपा माहतोर्च्‍यु म़ेदी ङाहगी सोल्‍वाङ ताप्‍ते येह। ख्‍ये येहपाराङ ङाह ङो़ले लो़ह फान्‍ज्‍यो ख्‍येती नो़हया़ला तेहपाला स्‍युक छ्यिम्‍बु जे़दोङ” म़ेदी येशूगी सुङ नाङसीन।


“ङाह ङ्याम्‍बु तेहती ख्‍यागी स्‍य़िहदे ज्‍योर ख़ूज्‍यु म़ेदी ङाहगी ख्‍याया़ला दि केच्‍याया़ माक्‍यो यिहम्‍बा। जाम्‍बुलीङला ख्‍याला ज्‍यिबुराङ तुहक्‍पु ओहङज्‍ये येह, यिहॱनाङ मा-फाम्‍बु माहबे, ङाहगी जाम्‍बुलीङला क्‍याहल सिहन्‍दी येह।”


ओहले खुङ ङ्यी़गी ओ़ह ग्‍या़ला येहकेन्‍गी चो़वो छ्येवागी स्‍याहप्‍च्‍यीया़ला यिह-छ्य़ेला सान्‍दी ज़ोएँॱराङ किन्‍ज्‍योला यिह छ्य़ेदी तेहच्‍येला स्‍युक क्‍ये च्‍य़ूसीन। सेमले खाल्‍दी थिक-चि पेहती तेहच्‍येला आ़र क्‍ये च्‍य़ूसीन। किन्‍ज्‍योगी क्‍याहल्‍सीला लेप्‍कें म़ेदी तोहङले ओहराङगी माहङबुराङ तुहक्‍पु खुर कोहज्‍ये येह म़ेदी लोप्‍ताम क्‍याहप्‍सीन।


मिहया़ थो़ला ओहङगेन्‍गी ङ्याहम्‍छे म़ेदी लेहमेन ङ्याहम्‍छे ख्‍या थो़ला ओहङदी म़ेह। यिहॱनाङ किन्‍ज्‍योनी यिह-छ्य़े सी़हएँदी येहबा, मिहरोगी ख्‍याया़ला ख्‍यागी स्‍युकगी ना मी़हखुएँ ङ्याहम्‍छेला छ्यि च्‍य़ू नाङज्‍ये म़ेह, यिहॱनाङ ख्‍याया़गी ना़ ख़ूज्‍यु म़ेदी ङ्याहम्‍छे ङ्याम्‍बु-ङ्याम्‍बुराङ ओहलेगी थार ख़ूएँगी लाहमॱआङ मिहरोगी तेन नाङगे। दि ल़ेहमु पेहती ख्‍यागी ओ़ह ङ्याहम्‍छेया़ ना़ ख़ूज्‍ये येह।


ओहले ती़ह गो-छ्येवाला लोहङ माहतेर।


तेहपाला थार च्‍य़ूगेन्‍दी ढाल यिहम्‍बा। ओ़हदीला नाहम्‍माॱनाङ राहङ ङ्याम्‍बु थो़दी ठाबे पेहती तेह। ओ़ह तिङले ती़हगी मेहकी दा-या़ला ख्‍यागी स़े ख़ूज्‍ये येह।


ज़ुबुला ङाह ख्‍यालेगी था़-रिहङबु येहॱनाङ यिहलानी ङाह ख्‍या ङ्याम्‍बुराङ येह। ओहले ख्‍यागी राहङगी मिहजी दाङ मास्‍यीकाला ख्‍यागी तेहपा सान्‍दी थोङदी ङाहला ज्‍यिबुराङ क़ेहनाङ लाहङदी येहबा।


च्‍यिबेमाना दि तुहक्‍पुया़गी पेहती ख्‍या फ़ेबे-म़ेहमेॱया सुज्‍यीॱआङ चो़वो ङो़ले तेहपा मा़हलोहज्‍यु। दिगी तेहन्‍दालाराङ ङ्यिहला चो़वोगी दाम नाङग्‍यो यिहम्‍बा म़ेदी राहङ फ़ेबे-म़ेहमेया़ला थुयी़राङ येह।


यिह-छ्य़ेकी या़हस्‍यो मा़ क्‍याहप्‍तोङ। था़ म़ेहबाकी मिहली ज़ुङदी ज़्‍या़दोङ। दिगी तेहन्‍दालाराङ ख्‍येला क़े क्‍याहप नाङग्‍यो येहकें, ख्‍येगी माहङबुराङ पाङबु तेर्के मिहया़गी दिनला राहङगी यिह-छ्य़ेकी तेहन्‍दाला तेहन्‍दामकी पाङबु तेरक्‍यो येहकें।


मास्‍यीका येशूला सेम तिहङ यिहन्‍ज्‍यु क्‍याप्‍ती राहङगी मिहजी या़हबु ताङज्‍ये छोल्‍गेनया़ तुहक्‍पुला छ्यिॱराङ छ्यिच्‍ये येह।


ङाहगी मा़ या़हबु क्‍याहप सिहन्‍दी येह। ङाहगी छ्योङ कोहएँकी ल़ेह सिहन्‍दा च्‍ये सिहन्‍दी येह ओहले ङाहगी यिह-छ्य़ेला सी़दे ज़्‍या़दी येह।


तेहपा लाहमलेॱराङ खुङया़गी क्‍याहल-खाप थाम्‍ज्‍यी क्‍याहल्‍सीन ओहले सुलाॱआङ ङ्येम्‍बा-ङ्य़ेहरी माहबेबा पेहती ओङ छ्य़ेसीन। किन्‍ज्‍योगी ज़्‍या़ नाङग्‍योकी ताहम्‍ज्‍याॱआङ खुङया़गी ज्‍योर्सीन। ओहले तेहपा लाहमलेॱराङ खुङया़गी सिङग्‍यी-ता़या़गी खा छ्येबे तेह च्‍य़ूसीन।


मिहरोगी ख्‍याया़ला राहङ पुह पोहमोया़ला ल़ेहमु जेती टिहला ज़्‍या़ नाङग्‍यो मे़हनानी ख्‍याया़ मिहरोगी पुह-पोहमो मिहम्‍बा, ख्‍या छ्येउ-छ्येंमु लाहमले क्‍येक्‍यो पुह पोहमोया़ यिहम्‍बा।


ओ़ह सोङबे किन्‍ज्‍योगी ओङ चो़ला ज्‍युल्‍दी तेह। ती़ह गो-छ्येवाला टाह पेहतोङ ओहले खो ख्‍यालेगी प्रे़हदी डोज्‍ये येह।


दि केच्‍याया़की तेहन्‍दाला ख्‍या काहसो पेहतोङ। यिहन्‍ज्‍येनी, ताहन्‍दा ख्‍याया़गी ङ्यिहमा ङ्युहङसेगी तेहन्‍दाला नामे-नाजोगी तुहक्‍पुया़ खुर के़हदी येहबा।


च्‍यिबेमाना दिगी तेहन्‍दालाराङ ख्‍याया़ला क़े क्‍याहप नाङग्‍यो यिहम्‍बा। मास्‍यीकागीॱआङ ख्‍याया़गी तेहन्‍दाला तुहक्‍पु खुर नाङसीन, ओहले ख्‍याया़गी तेहन्‍दाला पे च्‍यी़ तेन नाङसीन, ओ़ह सोङबे ख्‍याया़ मिहरोगी फेप-लाहमलाॱराङ डोएँ कोहएँ।


यिहॱनाङ ल़ेह या़हबु पेहके पेहकेंमुॱआङ तुहक्‍पु खुर कोहसीनमाना ख्‍याया़ काहजे सोनाम-साक्‍पु। खुङया़गी ज्‍यी़-ङोर तेन्‍सीन म़ेदी ख्‍या मा़हन्‍ज्‍यी, ओहले का माहक्‍याहल।


यिहॱनाङ मास्‍यीकाकी तुहक्‍पु ख्‍यागीॱआङ ङ्याम्‍बुराङ खुर ङ्युहङगेमु क़ेहनाङ पेहतोङ, ओहले मास्‍यीका राहङगी ज़िज्‍यिद छ्यिम्‍बुला फेप नाङगेमु ख्‍याॱआङ क़ेहनाङ दाङ सेम काहसो पेह ख़ूज्‍ये येह।


ङाह ख्‍याया़गी आदा यूहन्‍ना यिहम्‍बा। ओहले येशूकी तुहक्‍पु, क्‍याहल्‍सी दाङ ना़स्‍यीङला ङाहॱआङ ख्‍या ङ्याम्‍बु-ङ्याम्‍बुराङ येहकें। किन्‍ज्‍योकी सुङ दाङ येशू मास्‍यीकाती पाङबु तेहक्‍यो सोङबे ङाह पत्‍मोस माएँ छोलिङला येहकें।


खुङ ऱेह-ऱेहला काप्‍च्‍या कार्पु च्‍यी़ नाङसीन, ओहले खुङया़ला दि ल़ेहमु सुङ नाङसीन, “ख्‍या ङ्याम्‍बुराङ ल़ेह पेहकेन्‍गी ख्‍यागी रो़ह दाङ नो़हया़ला ख्‍याया़ला ल़ेहमुराङ पेहती माहसे थु ख्‍या तोहरोङॱआङ तोबा थु थाङ से़दोङ।”


ओहले ङाहगी खोला मासीन, “लाहसो, ङाहला क्‍यी़ह म़ेह लाह। ओ़हनी राहङगीराङ ङोह ख्‍येन नाङगे।” ओहले खोगी ङाहला मासीन, “खुङ तुहक्‍पु छ्यिम्‍बु ना़दे ओहङग्‍योगी मिहया़ यिहम्‍बा ओहले खुङगी राहङ-राहङगी काप्‍च्‍याया़ ल़ूह स्‍ये़बुकी ठा़गी ठी़दी कार्पु जे़दी येह।”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ